युधिष्ठिरो राजपुत्रो महात्मा; न्यायागतं राज्यम् इदं च तस्य ॥
स कौरवस्यास्य जनस्य भर्ता; प्रशासिता चैव महानुभावः ॥
स सत्यसंधः सतताप्रमत्तः; शास्त्रे स्थितो बन्धुजनस्य साधुः ॥
प्रियः प्रजानां सुहृदानुकम्पी; जितेन्द्रियः साधुजनस्य भर्ता ॥
क्षमा तितिक्षा दम आर्जवं च; सत्यव्रतत्वं श्रुतम् अप्रमादः ॥
भूतानुकम्पा ह्य् अनुशासनं च; युधिष्ठिरे राजगुणाः समस्ताः ॥
अराजपुत्रस् त्वम् अनार्यवृत्तो; लुब्धस् तथा बन्धुषु पापबुद्धिः ॥
क्रमागतं राज्यम् इदं परेषां; हर्तुं कथं शक्ष्यसि दुर्विनीतः ॥
प्रयच्छ राज्यार्धम् अपेतमोहः; सवाहनं त्वं सपरिच्छदं च ॥
ततो ऽवशेषं तव जीवितस्य; सहानुजस्यैव भवेन् नरेन्द्र ॥
yudhiṣṭhiro rājaputro mahātmā; nyāyāgataṃ rājyam idaṃ ca tasya ||
sa kauravasyāsya janasya bhartā; praśāsitā caiva mahānubhāvaḥ ||
sa satyasaṃdhaḥ satatāpramattaḥ; śāstre sthito bandhujanasya sādhuḥ ||
priyaḥ prajānāṃ suhṛdānukampī; jitendriyaḥ sādhujanasya bhartā ||
kṣamā titikṣā dama ārjavaṃ ca; satyavratatvaṃ śrutam apramādaḥ ||
bhūtānukampā hy anuśāsanaṃ ca; yudhiṣṭhire rājaguṇāḥ samastāḥ ||
arājaputras tvam anāryavṛtto; lubdhas tathā bandhuṣu pāpabuddhiḥ ||
kramāgataṃ rājyam idaṃ pareṣāṃ; hartuṃ kathaṃ śakṣyasi durvinītaḥ ||
prayaccha rājyārdham apetamohaḥ; savāhanaṃ tvaṃ saparicchadaṃ ca ||
tato 'vaśeṣaṃ tava jīvitasya; sahānujasyaiva bhaven narendra ||
«Юдхиштхира — царский сын и великая душа; это царство досталось ему по праву. Он — хранитель этого народа Куру и его правитель, великого достоинства. Он верен истине, всегда бдителен, стоит в наставлении, добр к родным, дорог подданным, сострадателен к друзьям, обуздал чувства и является опорой добрых людей. Терпение, выдержка, самообуздание, прямота, верность истинному обету, ученость, бдительность, сострадание к существам и умение управлять — все царские качества собраны в Юдхиштхире. Ты же не царский сын, ведешь себя неблагородно, жаден и зломыслен к родным. Как ты, дурно воспитанный, сможешь забрать это царство других, пришедшее к ним по преемству? Оставив заблуждение, отдай половину царства вместе с войском и окружением. Тогда остаток твоей жизни, о владыка людей, будет принадлежать тебе вместе с младшими братьями».
7ed97606e24e · опубликовано 17 июл. 2026 г., 06:17:17 UTC
Доступно наRUENЛистайте стихи клавишами
Дхритараштра доказывает Дурьодхане право Пандавов не отвлеченной моралью, а примерами из собственной родовой истории. Старшинство само по себе не дает власти, если нарушены дхарма, способность править и согласие старших; законная преемственность принадлежит тому, кто соединяет право с качествами правителя.