गाङ्गेयस् तु रणे पार्थम् आनर्छन् नवभिः शरैः ॥
तम् अर्जुनः प्रत्यविध्यद् दशभिर् मर्मवेधिभिः ॥
ततः शरसहस्रेण सुप्रयुक्तेन पाण्डवः ॥
अर्जुनः समरश्लाघी भीष्मस्यावारयद् दिशः ॥
शरजालं ततस् तत् तु शरजालेन कौरव ॥
वारयाम् आस पार्थस्य भीष्मः शांतनवस् तथा ॥
उभौ परमसंहृष्टाव् उभौ युद्धाभिनन्दिनौ ॥
निर्विशेषम् अयुध्येतां कृतप्रतिकृतैषिणौ ॥
भीष्मचापविमुक्तानि शरजालानि संघशः ॥
शीर्यमाणान्य् अदृश्यन्त भिन्नान्य् अर्जुनसायकैः ॥
तथैवार्जुनमुक्तानि शरजालानि भागशः ॥
गाङ्गेयशरनुन्नानि न्यपतन्त महीतले ॥
अर्जुनः पञ्चविंशत्या भीष्मम् आर्च्छच् छितैः शरैः ॥
भीष्मो ऽपि समरे पार्थं विव्याध त्रिंशता शरैः ॥
अन्योन्यस्य हयान् विद्ध्वा ध्वजौ च सुमहाबलौ ॥
रथेषां रथचक्रे च चिक्रीडतुर् अरिंदमौ ॥
ततः क्रुद्धो महाराज भीष्मः प्रहरतां वरः ॥
वासुदेवं त्रिभिर् बाणैर् आजघान स्तनान्तरे ॥
भीष्मचापच्युतैर् बाणैर् निर्विद्धो मधुसूदनः ॥
विरराज रणे राजन् सपुष्प इव किंशुकः ॥
ततो ऽर्जुनो भृशं क्रुद्धो निर्विद्धं प्रेक्ष्य माधवम् ॥
गाङ्गेयसारथिं संख्ये निर्बिभेद त्रिभिः शरैः ॥
यतमानौ तु तौ वीराव् अन्योन्यस्य वधं प्रति ॥
नाशक्नुतां तदान्योन्यम् अभिसंधातुम् आहवे ॥
मण्डलानि विचित्राणि गतप्रत्यागतानि च ॥
अदर्शयेतां बहुधा सूतसामर्थ्यलाघवात् ॥
अन्तरं च प्रहारेषु तर्कयन्तौ महारथौ ॥
राजन्न् अन्तरमार्गस्थौ स्थिताव् आस्तां मुहुर् मुहुः ॥
उभौ सिंहरवोन्मिश्रं शङ्खशब्दं प्रचक्रतुः ॥
तथैव चापनिर्घोषं चक्रतुस् तौ महारथौ ॥
तयोः शङ्खप्रणादेन रथनेमिस्वनेन च ॥
दारिता सहसा भूमिश् चकम्प च ननाद च ॥
न तयोर् अन्तरं कश् चिद् ददृशे भरतर्षभ ॥
बलिनौ समरे शूराव् अन्योन्यसदृशाव् उभौ ॥
चिह्नमात्रेण भीष्मं तु प्रजज्ञुस् तत्र कौरवाः ॥
तथा पाण्डुसुताः पार्थं चिह्नमात्रेण जज्ञिरे ॥
तयोर् नृवरयो राजन् दृश्य तादृक् पराक्रमम् ॥
विस्मयं सर्वभूतानि जग्मुर् भारत संयुगे ॥
न तयोर् विवरं कश् चिद् रणे पश्यति भारत ॥
धर्मे स्थितस्य हि यथा न कश् चिद् वृजिनं क्व चित् ॥
उभौ हि शरजालेन ताव् अदृश्यौ बभूवतुः ॥
प्रकाशौ च पुनस् तूर्णं बभूवतुर् उभौ रणे ॥
gāṅgeyas tu raṇe pārtham ānarchan navabhiḥ śaraiḥ ||
tam arjunaḥ pratyavidhyad daśabhir marmavedhibhiḥ ||
tataḥ śarasahasreṇa suprayuktena pāṇḍavaḥ ||
arjunaḥ samaraślāghī bhīṣmasyāvārayad diśaḥ ||
śarajālaṃ tatas tat tu śarajālena kaurava ||
vārayām āsa pārthasya bhīṣmaḥ śāṃtanavas tathā ||
ubhau paramasaṃhṛṣṭāv ubhau yuddhābhinandinau ||
nirviśeṣam ayudhyetāṃ kṛtapratikṛtaiṣiṇau ||
bhīṣmacāpavimuktāni śarajālāni saṃghaśaḥ ||
śīryamāṇāny adṛśyanta bhinnāny arjunasāyakaiḥ ||
tathaivārjunamuktāni śarajālāni bhāgaśaḥ ||
gāṅgeyaśaranunnāni nyapatanta mahītale ||
arjunaḥ pañcaviṃśatyā bhīṣmam ārcchac chitaiḥ śaraiḥ ||
bhīṣmo 'pi samare pārthaṃ vivyādha triṃśatā śaraiḥ ||
anyonyasya hayān viddhvā dhvajau ca sumahābalau ||
ratheṣāṃ rathacakre ca cikrīḍatur ariṃdamau ||
tataḥ kruddho mahārāja bhīṣmaḥ praharatāṃ varaḥ ||
vāsudevaṃ tribhir bāṇair ājaghāna stanāntare ||
bhīṣmacāpacyutair bāṇair nirviddho madhusūdanaḥ ||
virarāja raṇe rājan sapuṣpa iva kiṃśukaḥ ||
tato 'rjuno bhṛśaṃ kruddho nirviddhaṃ prekṣya mādhavam ||
gāṅgeyasārathiṃ saṃkhye nirbibheda tribhiḥ śaraiḥ ||
yatamānau tu tau vīrāv anyonyasya vadhaṃ prati ||
nāśaknutāṃ tadānyonyam abhisaṃdhātum āhave ||
maṇḍalāni vicitrāṇi gatapratyāgatāni ca ||
adarśayetāṃ bahudhā sūtasāmarthyalāghavāt ||
antaraṃ ca prahāreṣu tarkayantau mahārathau ||
rājann antaramārgasthau sthitāv āstāṃ muhur muhuḥ ||
ubhau siṃharavonmiśraṃ śaṅkhaśabdaṃ pracakratuḥ ||
tathaiva cāpanirghoṣaṃ cakratus tau mahārathau ||
tayoḥ śaṅkhapraṇādena rathanemisvanena ca ||
dāritā sahasā bhūmiś cakampa ca nanāda ca ||
na tayor antaraṃ kaś cid dadṛśe bharatarṣabha ||
balinau samare śūrāv anyonyasadṛśāv ubhau ||
cihnamātreṇa bhīṣmaṃ tu prajajñus tatra kauravāḥ ||
tathā pāṇḍusutāḥ pārthaṃ cihnamātreṇa jajñire ||
tayor nṛvarayo rājan dṛśya tādṛk parākramam ||
vismayaṃ sarvabhūtāni jagmur bhārata saṃyuge ||
na tayor vivaraṃ kaś cid raṇe paśyati bhārata ||
dharme sthitasya hi yathā na kaś cid vṛjinaṃ kva cit ||
ubhau hi śarajālena tāv adṛśyau babhūvatuḥ ||
prakāśau ca punas tūrṇaṃ babhūvatur ubhau raṇe ||
Гангея в бою поразил Партху девятью стрелами, а Арджуна в ответ пронзил его десятью стрелами, бьющими в жизненные места. Затем Арджуна, славный в сражении, тысячей искусно пущенных стрел закрыл Бхишме все стороны. Но Бхишма, сын Шантану, таким же стрелным заслоном отразил стрелную сеть Партхи. Оба были предельно воодушевлены, оба радовались битве и сражались как равные, отвечая ударом на удар. Скопления стрел, выпущенные из лука Бхишмы, были видны распадающимися, рассечённые стрелами Арджуны; точно так же стрелные сети, выпущенные Арджуной, сбитые стрелами Гангея, падали на землю. Арджуна двадцатью пятью острыми стрелами поразил Бхишму, а Бхишма в бою пронзил Партху тридцатью стрелами. Два могучих губителя врагов поражали коней и стяги друг друга, дышла колесниц и колёса, словно играя в бою. Затем разгневанный Бхишма, лучший из поражающих, тремя стрелами ударил Васудеву в грудь, о великий царь. Мадхусудана, пронзённый стрелами, сорвавшимися с лука Бхишмы, сиял в бою, о царь, как цветущая кимшука. Тогда Арджуна, сильно разгневавшись, увидев пронзённого Мадхаву, в битве тремя стрелами пробил возничего Гангея. Эти два героя стремились к поражению друг друга, но тогда в бою не могли найти смертельный прицел. Благодаря умению и лёгкости возниц они многократно показывали разнообразные круговые движения, уходы и возвращения. Оба великих ратхина, высматривая промежуток для удара, снова и снова оказывались на пути этого промежутка. Они подняли звуки раковин, смешанные со львиным рёвом, и грохот луков. От их трубления в раковины и гула колёсных ободов земля, словно расколотая, внезапно задрожала и загудела. Никто не видел между ними различия, о лучший из Бхаратов: оба были сильны, доблестны в бою и подобны друг другу. Кауравы узнавали Бхишму только по признаку, а сыновья Панду так же узнавали Партху лишь по признаку. Увидев доблесть этих двух лучших воинов, все существа пришли в изумление, о Бхарата. Никто не видел у них в бою изъяна, как никто нигде не видит греха у стоящего в дхарме. Оба скрывались за сетью стрел и затем снова быстро становились видимыми в бою».
99729c4ac2f3 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Поединок Бхишмы и Арджуны описан как почти равное столкновение двух чистых воинских сил. Но присутствие раненого Кришны делает сцену глубже: даже когда Господь принимает роль возницы, Его близкий преданный не остаётся безучастным к Его боли.