धृतराष्ट्र उवाच
भयं मे सुमहज् जातं विस्मयश् चैव संजय ॥
श्रुत्वा पाण्डुकुमाराणां कर्म देवैः सुदुष्करम् ॥
पुत्राणां च पराभवं श्रुत्वा संजय सर्वशः ॥
चिन्ता मे महती सूत भविष्यति कथं त्व् इति ॥
ध्रुवं विदुरवाक्यानि धक्ष्यन्ति हृदयं मम ॥
यथा हि दृश्यते सर्वं दैवयोगेन संजय ॥
यत्र भीष्ममुखाञ् शूरान् अस्त्रज्ञान् योधसत्तमान् ॥
पाण्डवानाम् अनीकानि योधयन्ति प्रहारिणः ॥
केनावध्या महात्मानः पाण्डुपुत्रा महाबलाः ॥
केन दत्तवरास् तात किं वा ज्ञानं विदन्ति ते ॥
येन क्षयं न गच्छन्ति दिवि तारागणा इव ॥
पुनः पुनर् न मृष्यामि हतं सैन्यं स्म पाण्डवैः ॥
मय्य् एव दण्डः पतति दैवात् परमदारुणः ॥
यथावध्याः पाण्डुसुता यथा वध्याश् च मे सुताः ॥
एतन् मे सर्वम् आचक्ष्व यथातत्त्वेन संजय ॥
न हि पारं प्रपश्यामि दुःखस्यास्य कथं चन ॥
समुद्रस्येव महतो भुजाभ्यां प्रतरन् नरः ॥
पुत्राणां व्यसनं मन्ये ध्रुवं प्राप्तं सुदारुणम् ॥
घातयिष्यति मे पुत्रान् सर्वान् भीमो न संशयः ॥
न हि पश्यामि तं वीरं यो मे रक्षेत् सुतान् रणे ॥
ध्रुवं विनाशः समरे पुत्राणां मम संजय ॥
तस्मान् मे कारणं सूत युक्तिं चैव विशेषतः ॥
पृच्छतो ऽद्य यथातत्त्वं सर्वम् आख्यातुम् अर्हसि ॥
दुर्योधनो ऽपि यच् चक्रे दृष्ट्वा स्वान् विमुखान् रणे ॥
भीष्मद्रोणौ कृपश् चैव सौबलेयो जयद्रथः ॥
द्रौणिर् वापि महेष्वासो विकर्णो वा महाबलः ॥
निश्चयो वापि कस् तेषां तदा ह्य् आसीन् महात्मनाम् ॥
विमुखेषु महाप्राज्ञ मम पुत्रेषु संजय ॥
dhṛtarāṣṭra uvāca
bhayaṃ me sumahaj jātaṃ vismayaś caiva saṃjaya ||
śrutvā pāṇḍukumārāṇāṃ karma devaiḥ suduṣkaram ||
putrāṇāṃ ca parābhavaṃ śrutvā saṃjaya sarvaśaḥ ||
cintā me mahatī sūta bhaviṣyati kathaṃ tv iti ||
dhruvaṃ viduravākyāni dhakṣyanti hṛdayaṃ mama ||
yathā hi dṛśyate sarvaṃ daivayogena saṃjaya ||
yatra bhīṣmamukhāñ śūrān astrajñān yodhasattamān ||
pāṇḍavānām anīkāni yodhayanti prahāriṇaḥ ||
kenāvadhyā mahātmānaḥ pāṇḍuputrā mahābalāḥ ||
kena dattavarās tāta kiṃ vā jñānaṃ vidanti te ||
yena kṣayaṃ na gacchanti divi tārāgaṇā iva ||
punaḥ punar na mṛṣyāmi hataṃ sainyaṃ sma pāṇḍavaiḥ ||
mayy eva daṇḍaḥ patati daivāt paramadāruṇaḥ ||
yathāvadhyāḥ pāṇḍusutā yathā vadhyāś ca me sutāḥ ||
etan me sarvam ācakṣva yathātattvena saṃjaya ||
na hi pāraṃ prapaśyāmi duḥkhasyāsya kathaṃ cana ||
samudrasyeva mahato bhujābhyāṃ prataran naraḥ ||
putrāṇāṃ vyasanaṃ manye dhruvaṃ prāptaṃ sudāruṇam ||
ghātayiṣyati me putrān sarvān bhīmo na saṃśayaḥ ||
na hi paśyāmi taṃ vīraṃ yo me rakṣet sutān raṇe ||
dhruvaṃ vināśaḥ samare putrāṇāṃ mama saṃjaya ||
tasmān me kāraṇaṃ sūta yuktiṃ caiva viśeṣataḥ ||
pṛcchato 'dya yathātattvaṃ sarvam ākhyātum arhasi ||
duryodhano 'pi yac cakre dṛṣṭvā svān vimukhān raṇe ||
bhīṣmadroṇau kṛpaś caiva saubaleyo jayadrathaḥ ||
drauṇir vāpi maheṣvāso vikarṇo vā mahābalaḥ ||
niścayo vāpi kas teṣāṃ tadā hy āsīn mahātmanām ||
vimukheṣu mahāprājña mama putreṣu saṃjaya ||
Дхритараштра сказал: «У меня возник великий страх и вместе с ним изумление, о Санджая, когда я услышал о деянии сыновей Панду, трудном даже для богов, и обо всём поражении моих сыновей. Велика моя тревога, о Сута: что будет дальше? Несомненно, слова Видуры будут жечь моё сердце, потому что всё, о Санджая, теперь видится как действие судьбы. Там, где войска Пандавов заставляют биться героев во главе с Бхишмой — знатоков оружия и лучших воинов, — чем же эти великодушные и могучие сыновья Панду неуязвимы? Кем им даровано благословение, сын? Какое знание они знают, что не идут к гибели, словно сонмы звёзд в небе? Снова и снова я не могу вынести, что войско разбито Пандавами; на меня одного падает крайне страшная кара судьбы. Расскажи мне всё как есть, Санджая: почему сыновья Панду неуязвимы и почему мои сыновья обречены? Я никак не вижу берега этому горю, как человек, пытающийся переплыть великий океан одними руками. Думаю, моих сыновей уже настигло страшное бедствие: Бхима несомненно погубит их всех. Я не вижу героя, который защитил бы моих сыновей в бою; несомненна их гибель в сражении, Санджая. Поэтому, Сута, ты должен подробно и правдиво рассказать мне, спрашивающему, причину и ход дела: что сделал Дурьодхана, увидев своих обращёнными вспять в бою, и какое решение тогда было у Бхишмы, Дроны, Крипы, Саубалеи, Джаядратхи, великого лучника Драуни или могучего Викарны, когда мои сыновья дрогнули, о мудрый Санджая?»
18fe0fedf939 · опубликовано 17 июл. 2026 г., 21:35:51 UTC
Доступно наRUENЛистайте стихи клавишами
Дхритараштра впервые говорит почти без самообмана: он помнит предостережения Видуры и видит в поражении сыновей не случайность, а возвращение давнего долга. Его вопрос о неуязвимости Пандавов подводит к главной теме главы — их сила коренится не в тайной магии, а в дхарме и покровительстве Вишну.