स विद्धो व्यथितश् चैव मुहूर्तं कश्मलायुतः ॥
निषसाद रथोपस्थे ध्वजयष्टिम् उपाश्रितः ॥
प्रतिलभ्य ततः संज्ञां द्रोणपुत्रः प्रतापवान् ॥
वार्ष्णेयं समरे क्रुद्धो नाराचेन समर्दयत् ॥
शैनेयं स तु निर्भिद्य प्राविशद् धरणीतलम् ॥
वसन्तकाले बलवान् बिलं सर्पशिशुर् यथा ॥
ततो ऽपरेण भल्लेन माधवस्य ध्वजोत्तमम् ॥
चिच्छेद समरे द्रौणिः सिंहनादं ननाद च ॥
पुनश् चैनं शरैर् घोरैश् छादयाम् आस भारत ॥
निदाघान्ते महाराज यथा मेघो दिवाकरम् ॥
सात्यकिश् च महाराज शरजालं निहत्य तत् ॥
द्रौणिम् अभ्यपतत् तूर्णं शरजालैर् अनेकधा ॥
तापयाम् आस च द्रौणिं शैनेयः परवीरहा ॥
विमुक्तो मेघजालेन यथैव तपनस् तथा ॥
शराणां च सहस्रेण पुनर् एनं समुद्यतम् ॥
सात्यकिश् छादयाम् आस ननाद च महाबलः ॥
दृष्ट्वा पुत्रं तथा ग्रस्तं राहुणेव निशाकरम् ॥
अभ्यद्रवत शैनेयं भारद्वाजः प्रतापवान् ॥
विव्याध च पृषत्केन सुतीक्ष्णेन महामृधे ॥
परीप्सन् स्वसुतं राजन् वार्ष्णेयेनाभितापितम् ॥
सात्यकिस् तु रणे जित्वा गुरुपुत्रं महारथम् ॥
द्रोणं विव्याध विंशत्या सर्वपारशवैः शरैः ॥
तदन्तरम् अमेयात्मा कौन्तेयः श्वेतवाहनः ॥
अभ्यद्रवद् रणे क्रुद्धो द्रोणं प्रति महारथः ॥
ततो द्रोणश् च पार्थश् च समेयातां महामृधे ॥
यथा बुधश् च शुक्रश् च महाराज नभस्तले ॥
sa viddho vyathitaś caiva muhūrtaṃ kaśmalāyutaḥ ||
niṣasāda rathopasthe dhvajayaṣṭim upāśritaḥ ||
pratilabhya tataḥ saṃjñāṃ droṇaputraḥ pratāpavān ||
vārṣṇeyaṃ samare kruddho nārācena samardayat ||
śaineyaṃ sa tu nirbhidya prāviśad dharaṇītalam ||
vasantakāle balavān bilaṃ sarpaśiśur yathā ||
tato 'pareṇa bhallena mādhavasya dhvajottamam ||
ciccheda samare drauṇiḥ siṃhanādaṃ nanāda ca ||
punaś cainaṃ śarair ghoraiś chādayām āsa bhārata ||
nidāghānte mahārāja yathā megho divākaram ||
sātyakiś ca mahārāja śarajālaṃ nihatya tat ||
drauṇim abhyapatat tūrṇaṃ śarajālair anekadhā ||
tāpayām āsa ca drauṇiṃ śaineyaḥ paravīrahā ||
vimukto meghajālena yathaiva tapanas tathā ||
śarāṇāṃ ca sahasreṇa punar enaṃ samudyatam ||
sātyakiś chādayām āsa nanāda ca mahābalaḥ ||
dṛṣṭvā putraṃ tathā grastaṃ rāhuṇeva niśākaram ||
abhyadravata śaineyaṃ bhāradvājaḥ pratāpavān ||
vivyādha ca pṛṣatkena sutīkṣṇena mahāmṛdhe ||
parīpsan svasutaṃ rājan vārṣṇeyenābhitāpitam ||
sātyakis tu raṇe jitvā guruputraṃ mahāratham ||
droṇaṃ vivyādha viṃśatyā sarvapāraśavaiḥ śaraiḥ ||
tadantaram ameyātmā kaunteyaḥ śvetavāhanaḥ ||
abhyadravad raṇe kruddho droṇaṃ prati mahārathaḥ ||
tato droṇaś ca pārthaś ca sameyātāṃ mahāmṛdhe ||
yathā budhaś ca śukraś ca mahārāja nabhastale ||
Пронзённый и измученный, Драуни на мгновение впал в оцепенение и сел на площадке колесницы, прислонившись к древку знамени. Затем, придя в себя, могучий сын Дроны в гневе поразил Варшнею-Сатьяки нарачей. Пробив Шайнею, эта стрела вошла в землю, словно весной могучий змеёныш — в нору. Затем другой бхаллой Драуни отсёк в бою лучшее знамя Мадхавы-Сатьяки и издал львиный клич. Снова он осыпал его страшными стрелами, о Бхарата, как туча закрывает солнце на исходе жаркого сезона. Но Сатьяки, великий царь, разрушив эту сеть стрел, быстро бросился на Драуни с множеством стрел. Шайнея, губитель вражеских героев, стал палить Драуни, словно солнце, вышедшее из сети облаков. Сатьяки снова осыпал тысячей стрел того, кто поднимался к бою, и могучий воин громко крикнул. Увидев, что его сын так схвачен, словно месяц Раху, славный Бхарадваджа-Дрона бросился на Шайнею. Желая защитить своего сына, измученного Варшнеей, он в великой битве пронзил Сатьяки очень острой пṛṣаткой, царь. Но Сатьяки, победив в бою махаратху, сына учителя, пронзил Дрону двадцатью сплошь железными стрелами. Тем временем неизмеримый Каунтея, белоконный махаратха, разгневавшись, устремился в бою против Дроны. Затем Дрона и Партха сошлись в великой битве, великий царь, словно Будха и Шукра на небосводе».
d96cb8b65905 · опубликовано 17 июл. 2026 г., 21:47:12 UTC
Доступно наRUENЛистайте стихи клавишами
Бой Сатьяки с Драуни сразу вовлекает Дрону: отцовская привязанность входит в поле так же реально, как оружие. Финал главы выводит к более крупной встрече — Дрона и Арджуна сходятся как две яркие планеты, предвещая новый центр сражения.