भीष्मस्य धनुषश् छेदं नामृष्यन्त महारथाः ॥
द्रोणश् च कृतवर्मा च सैन्धवश् च जयद्रथः ॥
भूरिश्रवाः शलः शल्यो भगदत्तस् तथैव च ॥
सप्तैते परमक्रुद्धाः किरीटिनम् अभिद्रुताः ॥
उत्तमास्त्राणि दिव्यानि दर्शयन्तो महारथाः ॥
अभिपेतुर् भृशं क्रुद्धाश् छादयन्त स्म पाण्डवान् ॥
तेषाम् आपततां शब्दः शुश्रुवे फल्गुनं प्रति ॥
उद्वृत्तानां यथा शब्दः समुद्राणां युगक्षये ॥
हतानयत गृह्णीत युध्यतापि च कृन्तत ॥
इत्य् आसीत् तुमुलः शब्दः फल्गुनस्य रथं प्रति ॥
तं शब्दं तुमुलं श्रुत्वा पाण्डवानां महारथाः ॥
अभ्यधावन् परीप्सन्तः फल्गुनं भरतर्षभ ॥
सात्यकिर् भीमसेनश् च धृष्टद्युम्नश् च पार्षतः ॥
विराटद्रुपदौ चोभौ राक्षसश् च घटोत्कचः ॥
अभिमन्युश् च संक्रुद्धः सप्तैते क्रोधमूर्छिताः ॥
समभ्यधावंस् त्वरिताश् चित्रकार्मुकधारिणः ॥
तेषां समभवद् युद्धं तुमुलं लोमहर्षणम् ॥
संग्रामे भरतश्रेष्ठ देवानां दानवैर् इव ॥
शिखण्डी तु रथश्रेष्ठो रक्ष्यमाणः किरीटिना ॥
अविध्यद् दशभिर् भीष्मं छिन्नधन्वानम् आहवे ॥
सारथिं दशभिश् चास्य ध्वजं चैकेन चिच्छिदे ॥
सो ऽन्यत् कार्मुकम् आदाय गाङ्गेयो वेगवत्तरम् ॥
तद् अप्य् अस्य शितैर् भल्लैस् त्रिभिश् चिच्छेद फल्गुनः ॥
एवं स पाण्डवः क्रुद्ध आत्तम् आत्तं पुनः पुनः ॥
धनुर् भीष्मस्य चिच्छेद सव्यसाची परंतपः ॥
स च्छिन्नधन्वा संक्रुद्धः सृक्किणी परिसंलिहन् ॥
शक्तिं जग्राह संक्रुद्धो गिरीणाम् अपि दारणीम् ॥
तां च चिक्षेप संक्रुद्धः फल्गुनस्य रथं प्रति ॥
ताम् आपतन्तीं संप्रेक्ष्य ज्वलन्तीम् अशनीम् इव ॥
समादत्त शितान् भल्लान् पञ्च पाण्डवनन्दनः ॥
तस्य चिच्छेद तां शक्तिं पञ्चधा पञ्चभिः शरैः ॥
संक्रुद्धो भरतश्रेष्ठ भीष्मबाहुबलेरिताम् ॥
सा पपात परिच्छिन्ना संक्रुद्धेन किरीटिना ॥
मेघवृन्दपरिभ्रष्टा विच्छिन्नेव शतह्रदा ॥
छिन्नां तां शक्तिम् आलोक्य भीष्मः क्रोधसमन्वितः ॥
अचिन्तयद् रणे वीरो बुद्ध्या परपुरंजयः ॥
bhīṣmasya dhanuṣaś chedaṃ nāmṛṣyanta mahārathāḥ ||
droṇaś ca kṛtavarmā ca saindhavaś ca jayadrathaḥ ||
bhūriśravāḥ śalaḥ śalyo bhagadattas tathaiva ca ||
saptaite paramakruddhāḥ kirīṭinam abhidrutāḥ ||
uttamāstrāṇi divyāni darśayanto mahārathāḥ ||
abhipetur bhṛśaṃ kruddhāś chādayanta sma pāṇḍavān ||
teṣām āpatatāṃ śabdaḥ śuśruve phalgunaṃ prati ||
udvṛttānāṃ yathā śabdaḥ samudrāṇāṃ yugakṣaye ||
hatānayata gṛhṇīta yudhyatāpi ca kṛntata ||
ity āsīt tumulaḥ śabdaḥ phalgunasya rathaṃ prati ||
taṃ śabdaṃ tumulaṃ śrutvā pāṇḍavānāṃ mahārathāḥ ||
abhyadhāvan parīpsantaḥ phalgunaṃ bharatarṣabha ||
sātyakir bhīmasenaś ca dhṛṣṭadyumnaś ca pārṣataḥ ||
virāṭadrupadau cobhau rākṣasaś ca ghaṭotkacaḥ ||
abhimanyuś ca saṃkruddhaḥ saptaite krodhamūrchitāḥ ||
samabhyadhāvaṃs tvaritāś citrakārmukadhāriṇaḥ ||
teṣāṃ samabhavad yuddhaṃ tumulaṃ lomaharṣaṇam ||
saṃgrāme bharataśreṣṭha devānāṃ dānavair iva ||
śikhaṇḍī tu rathaśreṣṭho rakṣyamāṇaḥ kirīṭinā ||
avidhyad daśabhir bhīṣmaṃ chinnadhanvānam āhave ||
sārathiṃ daśabhiś cāsya dhvajaṃ caikena cicchide ||
so 'nyat kārmukam ādāya gāṅgeyo vegavattaram ||
tad apy asya śitair bhallais tribhiś ciccheda phalgunaḥ ||
evaṃ sa pāṇḍavaḥ kruddha āttam āttaṃ punaḥ punaḥ ||
dhanur bhīṣmasya ciccheda savyasācī paraṃtapaḥ ||
sa cchinnadhanvā saṃkruddhaḥ sṛkkiṇī parisaṃlihan ||
śaktiṃ jagrāha saṃkruddho girīṇām api dāraṇīm ||
tāṃ ca cikṣepa saṃkruddhaḥ phalgunasya rathaṃ prati ||
tām āpatantīṃ saṃprekṣya jvalantīm aśanīm iva ||
samādatta śitān bhallān pañca pāṇḍavanandanaḥ ||
tasya ciccheda tāṃ śaktiṃ pañcadhā pañcabhiḥ śaraiḥ ||
saṃkruddho bharataśreṣṭha bhīṣmabāhubaleritām ||
sā papāta paricchinnā saṃkruddhena kirīṭinā ||
meghavṛndaparibhraṣṭā vicchinneva śatahradā ||
chinnāṃ tāṃ śaktim ālokya bhīṣmaḥ krodhasamanvitaḥ ||
acintayad raṇe vīro buddhyā parapuraṃjayaḥ ||
Махаратхи не стерпели того, что лук Бхишмы был рассечён: Дрона, Критаварман, Сайндхава Джаядратха, Бхуришрава, Шала, Шалья и Бхагадатта - эти семеро, крайне разгневанные, бросились на Киритина. Являя лучшие божественные астры, махаратхи яростно наступали и осыпали Пандавов. Шум их нападения на Фалгуну был слышен, как грохот вздыбленных океанов при конце юги. «Убивайте! Ведите! Хватайте! Сражайтесь и рассекайте!» - такой бурный крик стоял вокруг колесницы Фалгуны. Услышав этот шум, махаратхи Пандавов бросились спасать Фалгуну, о бык Бхаратов: Сатьяки, Бхимасена, Дхриштадьюмна Паршата, оба царя Вирата и Друпада, ракшас Гхатоткача и разгневанный Абхиманью. Эти семеро, охваченные гневом и держащие пёстрые луки, поспешно устремились вперёд. Между ними в сражении началась бурная, вызывающая трепет битва, о лучший Бхарата, словно битва богов с данавами. Шикханди, лучший ратхин, защищаемый Киритиным, десятью стрелами пронзил Бхишму, оставшегося без лука, десятью - его возницу, а одним срезал его знамя. Гангея взял другой, ещё более мощный лук, но Фалгуна и его рассёк тремя острыми бхаллами. Так разгневанный Пандава, Савьясачин, истребитель врагов, снова и снова рассекал каждый лук, который брал Бхишма. Тогда Бхишма, лишённый лука, разгневанный, облизывая губы, схватил шакти, способную расколоть даже горы, и метнул её в колесницу Фалгуны. Увидев, как она летит, пылая словно молния, радость Пандавов взял пять острых бхалл. Разгневанный Киритин, о лучший Бхарата, пятью стрелами рассёк на пять частей эту шакти, пущенную силой рук Бхишмы. Разрубленная яростным Арджуной, она упала, словно молния, сорвавшаяся из облачной массы и рассечённая в воздухе. Увидев, что его шакти рассечена, герой Бхишма, покоритель вражеских городов, в гневе стал размышлять в бою».
624b0cbaba75 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Окружение Бхишмы ещё пытается защитить его воинскую неприкосновенность, но Арджуна системно ломает все его средства боя: лук за луком, затем даже горорассекающую шакти. Сила Бхишмы не исчезла, но он уже видит, что ход судьбы изменился.