हा हेति दिवि देवानां पार्थिवानां च सर्वशः ॥
पतमाने रथाद् भीष्मे बभूव सुमहान् स्वनः ॥
तं पतन्तम् अभिप्रेक्ष्य महात्मानं पितामहम् ॥
सह भीष्मेण सर्वेषां प्रापतन् हृदयानि नः ॥
स पपात महाबाहुर् वसुधाम् अनुनादयन् ॥
इन्द्रध्वज इवोत्सृष्टः केतुः सर्वधनुष्मताम् ॥
धरणीं नास्पृशच् चापि शरसंघैः समाचितः ॥
शरतल्पे महेष्वासं शयानं पुरुषर्षभम् ॥
रथात् प्रपतितं चैनं दिव्यो भावः समाविशत् ॥
अभ्यवर्षत पर्जन्यः प्राकम्पत च मेदिनी ॥
पतन् स ददृशे चापि खर्वितं च दिवाकरम् ॥
संज्ञां चैवालभद् वीरः कालं संचिन्त्य भारत ॥
अन्तरिक्षे च शुश्राव दिव्यां वाचं समन्ततः ॥
कथं महात्मा गाङ्गेयः सर्वशस्त्रभृतां वरः ॥
कालं कर्ता नरव्याघ्रः संप्राप्ते दक्षिणायने ॥
स्थितो ऽस्मीति च गाङ्गेयस् तच् छ्रुत्वा वाक्यम् अब्रवीत् ॥
धारयाम् आस च प्राणान् पतितो ऽपि हि भूतले ॥
उत्तरायणम् अन्विच्छन् भीष्मः कुरुपितामहः ॥
तस्य तन् मतम् आज्ञाय गङ्गा हिमवतः सुता ॥
महर्षीन् हंसरूपेण प्रेषयाम् आस तत्र वै ॥
ततः संपातिनो हंसास् त्वरिता मानसौकसः ॥
आजग्मुः सहिता द्रष्टुं भीष्मं कुरुपितामहम् ॥
यत्र शेते नरश्रेष्ठः शरतल्पे पितामहः ॥
ते तु भीष्मं समासाद्य मुनयो हंसरूपिणः ॥
अपश्यञ् शरतल्पस्थं भीष्मं कुरुपितामहम् ॥
ते तं दृष्ट्वा महात्मानं कृत्वा चापि प्रदक्षिणम् ॥
गाङ्गेयं भरतश्रेष्ठं दक्षिणेन च भास्करम् ॥
इतरेतरम् आमन्त्र्य प्राहुस् तत्र मनीषिणः ॥
भीष्म एव महात्मा सन् संस्थाता दक्षिणायने ॥
इत्य् उक्त्वा प्रस्थितान् हंसान् दक्षिणाम् अभितो दिशम् ॥
संप्रेक्ष्य वै महाबुद्धिश् चिन्तयित्वा च भारत ॥
तान् अब्रवीच् छांतनवो नाहं गन्ता कथं चन ॥
दक्षिणावृत्त आदित्ये एतन् मे मनसि स्थितम् ॥
गमिष्यामि स्वकं स्थानम् आसीद् यन् मे पुरातनम् ॥
उदगावृत्त आदित्ये हंसाः सत्यं ब्रवीमि वः ॥
धारयिष्याम्य् अहं प्राणान् उत्तरायणकाङ्क्षया ॥
ऐश्वर्यभूतः प्राणानाम् उत्सर्गे नियतो ह्य् अहम् ॥
तस्मात् प्राणान् धारयिष्ये मुमूर्षुर् उदगायने ॥
यश् च दत्तो वरो मह्यं पित्रा तेन महात्मना ॥
छन्दतो मृत्युर् इत्य् एवं तस्य चास्तु वरस् तथा ॥
धारयिष्ये ततः प्राणान् उत्सर्गे नियते सति ॥
इत्य् उक्त्वा तांस् तदा हंसान् अशेत शरतल्पगः ॥
hā heti divi devānāṃ pārthivānāṃ ca sarvaśaḥ ||
patamāne rathād bhīṣme babhūva sumahān svanaḥ ||
taṃ patantam abhiprekṣya mahātmānaṃ pitāmaham ||
saha bhīṣmeṇa sarveṣāṃ prāpatan hṛdayāni naḥ ||
sa papāta mahābāhur vasudhām anunādayan ||
indradhvaja ivotsṛṣṭaḥ ketuḥ sarvadhanuṣmatām ||
dharaṇīṃ nāspṛśac cāpi śarasaṃghaiḥ samācitaḥ ||
śaratalpe maheṣvāsaṃ śayānaṃ puruṣarṣabham ||
rathāt prapatitaṃ cainaṃ divyo bhāvaḥ samāviśat ||
abhyavarṣata parjanyaḥ prākampata ca medinī ||
patan sa dadṛśe cāpi kharvitaṃ ca divākaram ||
saṃjñāṃ caivālabhad vīraḥ kālaṃ saṃcintya bhārata ||
antarikṣe ca śuśrāva divyāṃ vācaṃ samantataḥ ||
kathaṃ mahātmā gāṅgeyaḥ sarvaśastrabhṛtāṃ varaḥ ||
kālaṃ kartā naravyāghraḥ saṃprāpte dakṣiṇāyane ||
sthito 'smīti ca gāṅgeyas tac chrutvā vākyam abravīt ||
dhārayām āsa ca prāṇān patito 'pi hi bhūtale ||
uttarāyaṇam anvicchan bhīṣmaḥ kurupitāmahaḥ ||
tasya tan matam ājñāya gaṅgā himavataḥ sutā ||
maharṣīn haṃsarūpeṇa preṣayām āsa tatra vai ||
tataḥ saṃpātino haṃsās tvaritā mānasaukasaḥ ||
ājagmuḥ sahitā draṣṭuṃ bhīṣmaṃ kurupitāmaham ||
yatra śete naraśreṣṭhaḥ śaratalpe pitāmahaḥ ||
te tu bhīṣmaṃ samāsādya munayo haṃsarūpiṇaḥ ||
apaśyañ śaratalpasthaṃ bhīṣmaṃ kurupitāmaham ||
te taṃ dṛṣṭvā mahātmānaṃ kṛtvā cāpi pradakṣiṇam ||
gāṅgeyaṃ bharataśreṣṭhaṃ dakṣiṇena ca bhāskaram ||
itaretaram āmantrya prāhus tatra manīṣiṇaḥ ||
bhīṣma eva mahātmā san saṃsthātā dakṣiṇāyane ||
ity uktvā prasthitān haṃsān dakṣiṇām abhito diśam ||
saṃprekṣya vai mahābuddhiś cintayitvā ca bhārata ||
tān abravīc chāṃtanavo nāhaṃ gantā kathaṃ cana ||
dakṣiṇāvṛtta āditye etan me manasi sthitam ||
gamiṣyāmi svakaṃ sthānam āsīd yan me purātanam ||
udagāvṛtta āditye haṃsāḥ satyaṃ bravīmi vaḥ ||
dhārayiṣyāmy ahaṃ prāṇān uttarāyaṇakāṅkṣayā ||
aiśvaryabhūtaḥ prāṇānām utsarge niyato hy aham ||
tasmāt prāṇān dhārayiṣye mumūrṣur udagāyane ||
yaś ca datto varo mahyaṃ pitrā tena mahātmanā ||
chandato mṛtyur ity evaṃ tasya cāstu varas tathā ||
dhārayiṣye tataḥ prāṇān utsarge niyate sati ||
ity uktvā tāṃs tadā haṃsān aśeta śaratalpagaḥ ||
Когда Бхишма падал с колесницы, в небе среди богов и повсюду среди земных царей поднялся великий возглас: «Ха! Ха!» Увидев, как падает великодушный питамаха, мы почувствовали, будто вместе с Бхишмой упали сердца всех нас. Могучерукий пал, сотрясая землю, как поверженный стяг Индры, знамя всех лучников. Но, покрытый скоплениями стрел, он даже не коснулся земли. Когда этот великий лучник, бык среди мужей, упал с колесницы и лёг на ложе из стрел, его охватило божественное состояние. Пролился дождь, земля задрожала, и, падая, он увидел, что солнце уже склоняется. Герой снова обрёл сознание и, размышляя о сроке, услышал в воздухе божественный голос со всех сторон: «Как же великодушный Гангея, лучший из всех носителей оружия, о тигр среди людей, оставит тело, когда наступил южный путь солнца?» Услышав это, Гангея сказал: «Я пребываю». Даже упав на землю, Бхишма, питамаха Куру, удержал праны, ожидая уттараяны. Узнав его намерение, Ганга, дочь Химавата, послала туда великих риши в образе ханс. Тогда быстрые хансы, обитатели Манаса, вместе поспешили увидеть Бхишму, питамаху Куру, туда, где лучший из людей лежал на ложе из стрел. Мудрецы в облике ханс подошли к Бхишме и увидели питамаху Куру, лежащего на стрелах. Увидев великодушного Гангею, лучшего из Бхаратов, и совершив обход справа, они заметили солнце на южном пути. Тогда мудрецы, обратившись друг к другу, сказали: «Неужели Бхишма, будучи махатмой, оставит тело в дакшинаяне?» Сказав это, хансы направились к югу. Увидев их и поразмыслив, Шантанав, великий разумом, сказал им: «Я ни за что не уйду, пока солнце движется к югу: таково моё решение. Я пойду в своё древнее место, когда солнце повернёт на север, о хансы; говорю вам истину. Я буду удерживать праны, ожидая уттараяны. Я владычен над оставлением пран и свободен в сроке ухода; поэтому удержу жизнь, желая умереть при северном ходе солнца. И тот дар, который дал мне мой великий отец, - смерть по моей воле, - пусть исполнится. Поэтому я буду удерживать праны до назначенного срока». Сказав это хансам, он остался лежать на ложе из стрел».
ac945a530fa1 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Падение Бхишмы сразу переходит из военного события в йогическое. Он не умирает от ран, а удерживает жизнь силой дара и сознания, ожидая благоприятного северного пути солнца.