देवाऊचुः
ततो देवगणाः सर्वे शिवब्रह्मपुरोगमाः । दृष्ट्वा तु मातरं वह्नौ प्रविशन्तीं भयातुराः । समागम्य रघुश्रेष्ठं सर्वे प्राञ्जलयोऽब्रुवन्
राम राम महाबाहो शृणु त्वं चातिविक्रम । सीतातिविमला साध्वी तव नित्यानपायिनी
अनन्या हि त्वया सा तु भास्करेण प्रभा यथा । सेयं लोकहितार्थाय समुत्पन्ना महीतले
माता सर्वस्य जगतः समस्तजगदाश्रया । रावणः कुम्भकर्णश्च भृत्यौ पूर्वपरायणौ
शापात्तौ सनकादीनां समुत्पन्नौ महीतले । तयोर्विमुक्त्यै वैदेही गृहीता दण्डके वने
तावुभौ वै वधं प्राप्तौ त्वया राक्षसपुङ्गवौ । तौ विमुक्तौ दिवं यातौ पुत्रपौत्रसहानुगौ
त्वं विष्णुस्त्वं परं ब्रह्म योगिध्येयः सनातनः । त्वमेव सर्वदेवानामनादिनिधनोऽव्ययः । त्वं हि नारायणः श्रीमान्सीता लक्ष्मीः सनातनी । माता सा सर्वलोकानां पिता त्वं परमेश्वर
नित्यैवैषा जगन्माता तव नित्यानपायिनी । यथा सर्वगतस्त्वं हि तथा चेयं रघूत्तम । तस्माच्छुद्धसमाचारां सीतां साध्वीं दृढव्रताम् । गृहाण सौम्य काकुत्स्थ क्षीराब्धेरिव माचिरम्
एतस्मिन्नन्तरे तत्र लोकसाक्षी स पावकः । आदाय सीतां रामाय प्रददौ सुरसन्निधौ । अब्रवीत्तत्र काकुत्स्थं वह्निः सर्वशरीरगः
इयं शुद्धसमाचारा सीता निष्कल्मषा विभो । गृहाण माचिरं राम सत्यं सत्यं तथाब्रवम्
tato devagaṇāḥ sarve śivabrahmapurogamāḥ | dṛṣṭvā tu mātaraṃ vahnau praviśantīṃ bhayāturāḥ | samāgamya raghuśreṣṭhaṃ sarve prāñjalayo'bruvan
rāma rāma mahābāho śṛṇu tvaṃ cātivikrama | sītātivimalā sādhvī tava nityānapāyinī
ananyā hi tvayā sā tu bhāskareṇa prabhā yathā | seyaṃ lokahitārthāya samutpannā mahītale
mātā sarvasya jagataḥ samastajagadāśrayā | rāvaṇaḥ kumbhakarṇaśca bhṛtyau pūrvaparāyaṇau
śāpāttau sanakādīnāṃ samutpannau mahītale | tayorvimuktyai vaidehī gṛhītā daṇḍake vane
tāvubhau vai vadhaṃ prāptau tvayā rākṣasapuṅgavau | tau vimuktau divaṃ yātau putrapautrasahānugau
tvaṃ viṣṇustvaṃ paraṃ brahma yogidhyeyaḥ sanātanaḥ | tvameva sarvadevānāmanādinidhano'vyayaḥ | tvaṃ hi nārāyaṇaḥ śrīmānsītā lakṣmīḥ sanātanī | mātā sā sarvalokānāṃ pitā tvaṃ parameśvara
nityaivaiṣā jaganmātā tava nityānapāyinī | yathā sarvagatastvaṃ hi tathā ceyaṃ raghūttama | tasmācchuddhasamācārāṃ sītāṃ sādhvīṃ dṛḍhavratām | gṛhāṇa saumya kākutstha kṣīrābdheriva māciram
etasminnantare tatra lokasākṣī sa pāvakaḥ | ādāya sītāṃ rāmāya pradadau surasannidhau | abravīttatra kākutsthaṃ vahniḥ sarvaśarīragaḥ
iyaṃ śuddhasamācārā sītā niṣkalmaṣā vibho | gṛhāṇa māciraṃ rāma satyaṃ satyaṃ tathābravam
Затем все сонмы богов во главе с Шивою и Брахмою, увидев мать, входящую в огонь, измученные страхом, приблизились к лучшему из Рагху и со сложенными ладонями сказали: «Рама, Рама, о мощнорукий, услышь, о превосходно доблестный: Сита весьма чиста, праведна, вечно неразлучна с тобою. Она неотделима от тебя, как сияние от солнца; она явилась на поверхности земли ради блага миров — мать всего мира, опора всего мира. Равана и Кумбхакарна — двое слуг, прежде преданных тебе; по проклятию Санаки и прочих они родились на поверхности земли, и ради их освобождения Вайдехи была взята в лесу Дандака. Оба они, быки среди ракшасов, обрели убиение от тебя; и, освобождённые, ушли на небо с сыновьями, внуками и свитою. Ты Вишну, ты высший Брахман, созерцаемый йогами, вечный; ты же — всех богов, без начала и конца, нетленный. Ты — славный Нараяна, Сита — вечная Лакшми; она мать всех миров, а ты отец, о высший Владыка. Вечна именно она, мать мира, вечно неразлучная с тобою; как вездесущ ты, так и она, о лучший из Рагху. Потому прими, о кроткий потомок Какутстхи, чистую поведением, праведную, твёрдую в обете Ситу — как из молочного океана, не медля». В это время там свидетель миров, огонь, взял Ситу и отдал её Раме в присутствии богов; и сказал там потомку Какутстхи огонь, пребывающий во всех телах: «Эта Сита чиста поведением и беспорочна, о владыка; прими её не медля, о Рама, — истина, истина, так сказал я».
b0b0eacecde2 · опубликовано 3 сент. 2026 г., 04:14:07 UTC
Доступно наRUЛистайте стихи клавишами
Похищение объяснено обратным ходом: она была взята ради освобождения двух похитителей. Тот, кто, казалось, распоряжался событиями, оказывается тем, ради кого их допустили.