राजा—(सोत्कण्ठम् ।) पुनरत्रागमिष्यन्ति ।
भट्टाचार्यः—अथ किम् । सङ्गिनस्त्वत्र वर्तन्ते ।
राजा—कथमेकाकी चलितः ।
भट्टाचार्यः—तादृशः कथमेकाकी । तथापि मया समीचीना विप्राः सङ्गे नियुक्ताः सन्ति ।
राजा—कियद्दूरं तावत् ।
भट्टाचार्यः—गोदावरीं यावत्ते यास्यन्ति । भगवांस्तु सेतुबन्धपर्यन्तं गमिष्यतीत्यनुमीयते ।
राजा—ब्राह्मणास्तावद्दूरं किमु न प्रेषिताः ।
भट्टाचार्यः—तस्याननुमतेः । गोदावरीपर्यन्तं तु रामानन्दानुरोधात्तेषां सङ्गोऽङ्गीकृतः ।
राजा—कस्तावत्तस्यानुरोधः ।
भट्टाचार्यः—गन्तव्यमिति निश्चये कृते मयोक्तं गोदावरीतीरे रामानन्दो वर्तते, सोऽवश्यमेवानुग्राह्यः ।
राजा—कथं तस्येदं सौभाग्यम् ।
भट्टाचार्यः—महाराज, स खलु सहजवैष्णवो भवति । पूर्वमयमस्माकमुपहासपात्रमासीत् । संप्रति भगवदनुग्रहे जाते तन्महिमज्ञता नो जाता ।
राजा—श्रुतोऽस्ति मया त्वयि यादृशस्तस्यानुग्रहो जातः ।
भट्टाचार्यः—भगवत्प्रभावो हि स्वतः प्रकाशी ।
(प्रविश्य ।)
दौवारिकः—भट्टाचार्य, भवत्प्रेषिता विप्रा गोदावरीतो निवर्तिता भवन्तं प्रतीक्षन्ते ।
भट्टाचार्यः—उत्कण्ठते राजा । प्रवेश्यन्तामिहैव ।
दौवारिकः—यथाज्ञापयसि । (इति पुनस्तानादाय प्रविशति ।)
भट्टाचार्यः—अहो, आगच्छतागच्छत ।
(विप्रा उपसृत्य राजानमाशीर्भिरभ्यर्च्य सार्वभौमं प्रणमन्ति ।)
राजा—उपविश्यामूलं कथयत ।
(सर्वे उपविशन्ति ।)
भट्टाचार्यः—एकतम एव कथयतु ।
एकः—इतस्तावदालाननाथदेवमवलोक्य स्तुत्वा महामत्तकरीन्द्रवदनङ्कुशकुशलगतिकुशलस्त्वरया रयातिशयैरप्यस्माभिरनुगन्तुं दुःशकः शकलमिव सुमेरोरौदीच्येन प्रबलतरमरुता विभज्य चलितं निरवधि भगवन्नामसंकीर्तनविकस्वरस्वरपरभागाधरीकृतधाराधरधोरणिधीरध्वनिरध्वनि बतैकमनोऽभिवीक्ष्यमाणो जनैर्लघीयसा कालेनैव कूर्मक्षेत्रमुत्तीर्णवान् ।
सार्वभौमः—एतदभ्यन्तरे भिक्षा नाभूत् ।
विप्रः—नाभूदेव ।
भट्टाचार्यः—भवद्भिः किंकृतम् ।
विप्रः—अस्माभिस्तु यथालाभं किंचिदशित्वा दृश्यमान एवायमनुगम्यते । ततस्तत्रैव कूर्मक्षेत्रे कूर्मदेवं प्रणम्य स्तुत्वा कूर्मनाम्नो द्विजवरस्य गृहमुत्तीर्णवान् । समनन्तरं तेनैव निमन्त्रितः कृतभिक्षश्च यदन्यत्कृतवान् तदप्यद्भुतम् ।
भट्टाचार्यः—किं तत् ।
विप्रः—तत्रैव कश्चिद्वासुदेवनामा विप्रो गलत्कुष्ठः कुष्ठकृमिनिकरकरम्बितबहुलरुधिरवसापूयक्लिन्नसर्वाङ्गः कदाचित्पनीपत्यमानान्कृमीनुत्थाप्य तत्रैव निवेशयन्ननुद्विग्नो भगवन्मग्नमना इव केनाप्यकथितोऽपि स्वयमेव भगवताप्रापि । अनन्तरमविलम्बेनैव चिरकाललब्धपरमसुहृदिव गाढतरमायताभ्यां भुजाभ्यामयं तथाविध एव पर्यरम्भि समनन्तरं तेन विग्रहेण ।
rājā—(sotkaṇṭham |) punaratrāgamiṣyanti |
bhaṭṭācāryaḥ—atha kim | saṅginastvatra vartante |
rājā—kathamekākī calitaḥ |
bhaṭṭācāryaḥ—tādṛśaḥ kathamekākī | tathāpi mayā samīcīnā viprāḥ saṅge niyuktāḥ santi |
rājā—kiyaddūraṃ tāvat |
bhaṭṭācāryaḥ—godāvarīṃ yāvatte yāsyanti | bhagavāṃstu setubandhaparyantaṃ gamiṣyatītyanumīyate |
rājā—brāhmaṇāstāvaddūraṃ kimu na preṣitāḥ |
bhaṭṭācāryaḥ—tasyānanumateḥ | godāvarīparyantaṃ tu rāmānandānurodhātteṣāṃ saṅgo'ṅgīkṛtaḥ |
rājā—kastāvattasyānurodhaḥ |
bhaṭṭācāryaḥ—gantavyamiti niścaye kṛte mayoktaṃ godāvarītīre rāmānando vartate, so'vaśyamevānugrāhyaḥ |
rājā—kathaṃ tasyedaṃ saubhāgyam |
bhaṭṭācāryaḥ—mahārāja, sa khalu sahajavaiṣṇavo bhavati | pūrvamayamasmākamupahāsapātramāsīt | saṃprati bhagavadanugrahe jāte tanmahimajñatā no jātā |
rājā—śruto'sti mayā tvayi yādṛśastasyānugraho jātaḥ |
bhaṭṭācāryaḥ—bhagavatprabhāvo hi svataḥ prakāśī |
(praviśya |)
dauvārikaḥ—bhaṭṭācārya, bhavatpreṣitā viprā godāvarīto nivartitā bhavantaṃ pratīkṣante |
bhaṭṭācāryaḥ—utkaṇṭhate rājā | praveśyantāmihaiva |
dauvārikaḥ—yathājñāpayasi | (iti punastānādāya praviśati |)
bhaṭṭācāryaḥ—aho, āgacchatāgacchata |
(viprā upasṛtya rājānamāśīrbhirabhyarcya sārvabhaumaṃ praṇamanti |)
rājā—upaviśyāmūlaṃ kathayata |
(sarve upaviśanti |)
bhaṭṭācāryaḥ—ekatama eva kathayatu |
ekaḥ—itastāvadālānanāthadevamavalokya stutvā mahāmattakarīndravadanaṅkuśakuśalagatikuśalastvarayā rayātiśayairapyasmābhiranugantuṃ duḥśakaḥ śakalamiva sumeroraudīcyena prabalataramarutā vibhajya calitaṃ niravadhi bhagavannāmasaṃkīrtanavikasvarasvaraparabhāgādharīkṛtadhārādharadhoraṇidhīradhvaniradhvani bataikamano'bhivīkṣyamāṇo janairlaghīyasā kālenaiva kūrmakṣetramuttīrṇavān |
sārvabhaumaḥ—etadabhyantare bhikṣā nābhūt |
vipraḥ—nābhūdeva |
bhaṭṭācāryaḥ—bhavadbhiḥ kiṃkṛtam |
vipraḥ—asmābhistu yathālābhaṃ kiṃcidaśitvā dṛśyamāna evāyamanugamyate | tatastatraiva kūrmakṣetre kūrmadevaṃ praṇamya stutvā kūrmanāmno dvijavarasya gṛhamuttīrṇavān | samanantaraṃ tenaiva nimantritaḥ kṛtabhikṣaśca yadanyatkṛtavān tadapyadbhutam |
bhaṭṭācāryaḥ—kiṃ tat |
vipraḥ—tatraiva kaścidvāsudevanāmā vipro galatkuṣṭhaḥ kuṣṭhakṛminikarakarambitabahularudhiravasāpūyaklinnasarvāṅgaḥ kadācitpanīpatyamānānkṛmīnutthāpya tatraiva niveśayannanudvigno bhagavanmagnamanā iva kenāpyakathito'pi svayameva bhagavatāprāpi | anantaramavilambenaiva cirakālalabdhaparamasuhṛdiva gāḍhataramāyatābhyāṃ bhujābhyāmayaṃ tathāvidha eva paryarambhi samanantaraṃ tena vigraheṇa |
Царь. (С тоской.) Он вернётся сюда?
Бхаттачарья. А как же. Спутники Его остались здесь.
Царь. Как же Он пошёл один?
Бхаттачарья. Такой — разве бывает один? Но всё же я приставил к Нему достойных брахманов.
Царь. Докуда?
Бхаттачарья. Они дойдут до Годавари. А Господь, думаю, дойдёт до Сетубандхи.
Царь. Отчего же брахманов не отправили так далеко?
Бхаттачарья. Он не позволил. А до Годавари принял их общество ради Рамананды.
Царь. Что же с Раманандой?
Бхаттачарья. Когда Он твёрдо решил идти, я сказал: «На берегу Годавари живёт Рамананда; его непременно надо одарить милостью».
Царь. Отчего ему такая удача?
Бхаттачарья. Государь, он вайшнав от природы. Прежде он был у нас предметом насмешек; теперь, когда пришла милость Господа, мы поняли его величие.
Царь. Я слышал, какая милость случилась с тобой.
Бхаттачарья. Сила Господа сама себя являет.
(Входит привратник.)
Привратник. Бхаттачарья, брахманы, которых ты посылал, вернулись с Годавари и ждут тебя.
Бхаттачарья. Царь истомился. Пусть их введут прямо сюда.
Привратник. Как велишь. (Выходит и возвращается с ними.)
Бхаттачарья. Ах, входите, входите!
(Брахманы, подойдя, благословляют царя и кланяются Сарвабхауме.)
Царь. Садитесь и расскажите всё с самого начала.
(Все садятся.)
Бхаттачарья. Пусть расскажет кто-нибудь один.
Один из них. Отсюда Он сначала пошёл к Алалантхе, поклонился Божеству и воспел Его; и пошёл быстро — искусно, как великий слон в течке, не знающий стрекала, — так что и мы, как ни спешили, едва поспевали; словно глыба Сумеру, отколотая бурным северным ветром. Непрестанное пение имени Господа звучало у Него громче гула грозовых туч; люди по дороге смотрели на Него, не отводя глаз, — и очень скоро Он дошёл до Курма-кшетры.
Сарвабхаума. А милостыни за это время не было?
Брахман. Не было.
Бхаттачарья. А вы что делали?
Брахман. Мы ели что придётся и шли за Ним, лишь бы не терять Его из виду. Там, в Курма-кшетре, Он поклонился и воспел Курмадеву и зашёл в дом лучшего из дваждырождённых по имени Курма. Тот сразу пригласил Его и дал милостыню. А что Он сделал потом — тоже диво.
Бхаттачарья. Что же?
Брахман. Там был брахман по имени Васудева, больной проказой в последней стадии: всё тело мокло от крови, жира и гноя, кишело червями; когда черви падали, он поднимал их и сажал обратно — без всякого отвращения, будто погружённый сердцем в Господа. Никто ему ничего не говорил — Господь Сам к нему подошёл. И тотчас, как давно обретённого лучшего друга, крепко обнял его длинными руками, — таким, как он есть. И сразу же тот человек —
2e2b86c72089 · 发布于 2026年9月14日 18:00:00 UTC
可用语言RU用方向键翻颂
Рассказ брахманов — первый в пьесе рассказ о Махапрабху глазами посторонних. Они не преданные, они сопровождающие, и потому говорят о еде, о скорости, о том, что едва поспевали.
Самая сильная сцена рассказана без украшений: прокажённый Васудева, который сажает обратно выпавших червей — чтобы не лишить их пищи. Господь не лечит его словом издалека; Он обнимает его «таким, как он есть».
И Сарвабхаума теперь говорит о Рамананде: прежде «предмет насмешек», теперь — тот, кого надо одарить милостью. Бывший насмешник сам посылает Господа к преданному.