यम उवाच—प्रभुवर ! यत्र तस्य तत्पुत्रता तद्गात्रं नष्टम् एव । गात्रान्तरेणैवास्माभिर् जीवानां यात्रा क्रियते । सम्प्रति च स्वर्गं गच्छतां नारकवर्गाणां मध्याद् अवशिष्टस्य क्लिष्टस्य तस्य भृशम् अनच्छं दिष्टं वितर्क्य रक्षितस्य यद् आज्ञापयन्ति प्राज्ञानां शिरोमणयस् तद् एव कर्तव्यम् ।
श्रीकृष्ण उवाच—अव्याजम् एव व्याजहार धर्मराजः । मयाप्य् एतद् विचार्य पञ्चजनदेहं विदार्य तत्कलेवरलेशलब्धयेऽभिनिवेशः कृतः । तम् एव लेशं पेशलशरीरं विधाय जीवयिष्यामीति । अथ तद् अलाभाद् एव परेतनरदेवस्य तव भवनम् आगमम् । भवतु, भवता तावद् यथावद् एव स समानीयताम् ।
yama uvāca—prabhu-vara ! yatra tasya tat-putratā tad-gātraṁ naṣṭam eva | gātrāntareṇaivāsmābhir jīvānāṁ yātrā kriyate | samprati ca svargaṁ gacchatāṁ nāraka-vargāṇāṁ madhyād avaśiṣṭasya kliṣṭasya tasya bhṛśam anacchaṁ diṣṭaṁ vitarkya rakṣitasya yad ājñāpayanti prājñānāṁ śiromaṇayas tad eva kartavyam |
śrī-kṛṣṇa uvāca—avyājam eva vyājahāra dharmarājaḥ | mayāpy etad vicārya pañca-jana-dehaṁ vidārya tat-kalevara-leśa-labdhaye’bhiniveśaḥ kṛtaḥ | tam eva leśaṁ peśala-śarīraṁ vidhāya jīvayiṣyāmīti | atha tad alābhād eva pareta-naradevasya tava bhavanam āgamam | bhavatu, bhavatā tāvad yathāvad eva sa samānīyatām |
未能识别诗律
Яма сказал: «Лучший из владык! Тело, в котором он был его сыном, погибло. Мы ведём живых существ дальше лишь в других телах. А сейчас, когда сонм грешников уходит на небо, с ним, что остался, измученный, чью весьма нечистую участь я предвидел и потому уберёг, — пусть будет, как прикажут венцы мудрых». Шри Кришна сказал: «Дхармараджа говорит без хитрости. Я и сам так рассудил, разорвал тело Панчаджаны и искал хоть частицу его тела: из этой частицы я сделал бы прекрасное тело и оживил его. Не найдя её, я и пришёл в твой дом, царь усопших. Что ж, приведи его как есть».
341ae275a6d9 · 发布于 2026年9月25日 02:48:28 UTC
可用语言RU用方向键翻颂