विचित्रकवचे तस्मिन् हते मद्रनृपानुजे ॥
हाहाकारं विकुर्वाणाः कुरवो विप्रदुद्रुवुः ॥
शल्यानुजं हतं दृष्ट्वा तावकास् त्यक्तजीविताः ॥
वित्रेसुः पाण्डवभयाद् रजोध्वस्तास् तथा भृशम् ॥
तांस् तथा भज्यतस् त्रस्तान् कौरवान् भरतर्षभ ॥
शिनेर् नप्ता किरन् बाणैर् अभ्यवर्तत सात्यकिः ॥
तम् आयान्तं महेष्वासम् अप्रसह्यं दुरासदम् ॥
हार्दिक्यस् त्वरितो राजन् प्रत्यगृह्णाद् अभीतवत् ॥
तौ समेतौ महात्मानौ वार्ष्णेयाव् अपराजितौ ॥
हार्दिक्यः सात्यकिश् चैव सिंहाव् इव मदोत्कटौ ॥
इषुभिर् विमलाभासैश् छादयन्तौ परस्परम् ॥
अर्चिर्भिर् इव सूर्यस्य दिवाकरसमप्रभौ ॥
चापमार्गबलोद्धूतान् मार्गणान् वृष्णिसिंहयोः ॥
आकाशे समपश्याम पतंगान् इव शीघ्रगान् ॥
vicitrakavace tasmin hate madranṛpānuje ||
hāhākāraṃ vikurvāṇāḥ kuravo vipradudruvuḥ ||
śalyānujaṃ hataṃ dṛṣṭvā tāvakās tyaktajīvitāḥ ||
vitresuḥ pāṇḍavabhayād rajodhvastās tathā bhṛśam ||
tāṃs tathā bhajyatas trastān kauravān bharatarṣabha ||
śiner naptā kiran bāṇair abhyavartata sātyakiḥ ||
tam āyāntaṃ maheṣvāsam aprasahyaṃ durāsadam ||
hārdikyas tvarito rājan pratyagṛhṇād abhītavat ||
tau sametau mahātmānau vārṣṇeyāv aparājitau ||
hārdikyaḥ sātyakiś caiva siṃhāv iva madotkaṭau ||
iṣubhir vimalābhāsaiś chādayantau parasparam ||
arcirbhir iva sūryasya divākarasamaprabhau ||
cāpamārgabaloddhūtān mārgaṇān vṛṣṇisiṃhayoḥ ||
ākāśe samapaśyāma pataṃgān iva śīghragān ||
«Когда тот, в пёстром панцире младший брат царя мадров, был убит, Кауравы, поднимая вопль „увы“, разбежались. Увидев убитого брата Шальи, твои, отрешившись от жизни, устрашились из страха пред Пандавами, сильно покрытые пылью. Их, так бегущих, устрашённых Кауравов, о бык среди Бхаратов, настиг внук Шини, Сатьяки, осыпая стрелами. Его, надвигавшегося великого лучника, неодолимого, труднодоступного, Хардикья быстро, о царь, встретил бесстрашно. Они оба, сошедшиеся, великие духом, два непобедимых Вришнийца — Хардикья и Сатьяки, — словно два льва, охваченные яростью, окутывали друг друга стрелами с чистым блеском, сиянием подобные солнцу, словно лучами солнца. Стрелы двух львов Вришни, вздымаемые силою пути лука, мы видели в небе, словно быстролетящих птиц».
44322e0fad71 · 发布于 2026年6月20日 14:15:00 UTC
可用语言RU用方向键翻颂
С гибелью Шальи и его брата кауравское войско бежит, отрешившись от жизни. Сходятся два Вришнийца — Сатьяки и Критаварман-Хардикья, «как два разъярённых льва»: горькая черта войны — родичи по крови (оба из рода Вришни) бьются насмерть. Распря не щадит и сородичей; узы крови рвутся вслед за падением вождей.