तदाज्ञया समागत्य ततो नृपतिनन्दनः । ईक्षां चक्रे च तां साध्वीं लक्ष्मीं मूर्तिमतीमिव ॥
सा च कन्या समुत्थाय सुवर्णासनतो द्विज । ववन्दे चरणौ तस्य पुलकाञ्चितविग्रहा ॥
ततो गान्धर्वविधिना स राजतनयः सुधीः । अङ्गीचकार तां कन्यां तत्रैव प्राप्तकौतुकः ॥
तत्प्रेमवारिधाराभिः संसक्तो नृपनन्दनः । तत्रैव तां निशां निन्ये कुर्वन्केलिं तया सह ॥
अथ प्रभाते विमले सा मृगीलोचना सती । आदितः सर्ववृत्तान्तं कथयामास माधवम् ॥
ततः सुलोचना साध्वी जयन्तीं तां नृपात्मजाम् । माधवं च समादाय सुषेणस्य सभां ययौ ॥
तां कन्यां स नृपः श्रुत्वा हर्षितो माधवाय वै । सुलोचनां जयन्तीं च विवाहेन ददौ ततः ॥
tadājñayā samāgatya tato nṛpatinandanaḥ | īkṣāṃ cakre ca tāṃ sādhvīṃ lakṣmīṃ mūrtimatīmiva ||
sā ca kanyā samutthāya suvarṇāsanato dvija | vavande caraṇau tasya pulakāñcitavigrahā ||
tato gāndharvavidhinā sa rājatanayaḥ sudhīḥ | aṅgīcakāra tāṃ kanyāṃ tatraiva prāptakautukaḥ ||
tatpremavāridhārābhiḥ saṃsakto nṛpanandanaḥ | tatraiva tāṃ niśāṃ ninye kurvankeliṃ tayā saha ||
atha prabhāte vimale sā mṛgīlocanā satī | āditaḥ sarvavṛttāntaṃ kathayāmāsa mādhavam ||
tataḥ sulocanā sādhvī jayantīṃ tāṃ nṛpātmajām | mādhavaṃ ca samādāya suṣeṇasya sabhāṃ yayau ||
tāṃ kanyāṃ sa nṛpaḥ śrutvā harṣito mādhavāya vai | sulocanāṃ jayantīṃ ca vivāhena dadau tataḥ ||
По её повелению придя, сын царя сотворил взгляд на ту добродетельную, словно на воплощённую Лакшми. И та дева, встав с золотого сиденья, о дваждырождённый, поклонилась его стопам, с телом, покрывшимся мурашками. Затем по обряду гандхарвов тот благоразумный сын царя принял ту деву там же, обретший радость. Сопряжённый потоками вод её любви, сын царя там же провёл ту ночь, творя с нею радость. Затем на ясном рассвете та добродетельная, с очами лани, рассказала Мадхаве всю повесть с начала. Затем добродетельная Сулочана, взяв ту царевну Джаянти и Мадхаву, пошла в собрание Сушены. Услышав о той деве, тот царь, обрадованный, дал затем Мадхаве браком Сулочану и Джаянти.
6a4e4fe632c9 · published Sep 3, 2026, 4:14:08 AM UTC
Available inRUPage between verses with
Она открывается не словами, а поклоном в ноги. Обличье снято тем же движением, каким прежде было надето, — и объясняет всё уже потом.