तत्तुसमन्वयात्
tattusamanvayāt
То же [ведение Вишну всеми Ведами] — именно так: ибо по хорошо взвешенным знакам смысл писания сходится на Нём.
अथ पूर्वार्थ-दार्ढ्याय ब्रह्मणः सर्व-वेद-वेद्यत्वम् उच्यते । योऽसौ सर्वैर् वेदैर् गीयत इति गोपालोपनिषदि । सर्वे वेदा यत्-पदम् आमनन्ति इति कठ-वल्ल्यां च पठ्यते । तत्र संशयः । सर्व-वेद-वेद्यत्वं विष्णोर् अयुक्तं न वेति । वेदेषु प्रायेण कर्म-विधान-दर्शनात् अयुक्तं तस्य तत् । वृष्टि-पुत्र-स्वर्गादि-फलकानि कारि-रिपुत्रकाम्येष्टि-ज्योतिष्टोमादीनि कर्माणि साङ्गानि सेति-कर्तव्यानि विदधतो वेदा दृश्यन्ते । ते च प्रमाणत्वेन स्व-विषयावगति-पर्यवसायिनो, विष्णु-परतया न शक्या नेतुम् इति प्राप्तेः—
तत् तु समन्वयात् ॥
तु-शब्दः शङ्काच् छेदार्थः । तत्-सर्व-वेद-वेद्यत्वं विष्णोर् उक्तम् । कुतः ? समन्वयात् । अन्वयस् तात्पर्य-लिङ्गम् । समन्वयत्वं सुविचारितत्वम् । सुविमृष्टैर् उपक्रमोपसंहारादिभिः षड्भिर् लिङ्गैस् तत्रैव शास्त्र-तात्पर्यात् स एव तद् वेद्य इत्य् अर्थः । इतरथा कथं योऽसाव् इत्य् आदि-श्रुति-वाक्योपपत्तिः । आह चैवं भगवान् पुण्डरीकाक्षः । वेदैश् च सर्वैर् अहम् एव वेद्यो वेदान्त-विद् वेद-विद् एव चाहम् इति ।
किं विधत्ते किम् आचष्टे किम् अनूद्य विकल्पयेत् ।
इत्य् अस्या हृदयं लोके नान्यो मद् वेद कश्चन ।
मां विधत्ते ऽभिधत्ते मां विकल्प्यापोह्यते त्व् अहम् ॥ [भा.पु. 11.21.42-43] इति वा ।
एतद् उक्तं भवति—साक्षात् परम्पराभ्यां वेदा ब्रह्मणि प्रवर्तन्ते । तत्र स्वरूप-गुण-निरूपणेन ज्ञान-काण्डे साक्षात् कर्म-काण्डे तु ज्ञानाङ्ग-भूत-कर्म-प्रतिपादनेन परम्परयेति मन्यन्ते । तत् त्व् औपनिषदं पुरुषं पृच्छामि, तम् एतं वेदानुवचनेन ब्राह्मणा विविदिषन्ति इत्य् आदि श्रवणात् । वृष्टि-पुत्र-स्वर्गादि-फलक-कर्म-विधायिता तु तेषां रुच्य्-उत्पादनार्थायैव । वृष्ट्य्-आदि-फल-दृष्ट्या तेष्व् अभिजात-रुचेस् तद्-अर्थान् विचारयतो नित्यानित्य-वस्तु-विवेकिनो ब्रह्म-तृष्णा जगद्-वैतृष्णं च स्याद् इति सिद्धं सर्वेषां तेषां ब्रह्म-परत्वम् । कामितस्यैव वृष्ट्य्-आदेः फलत्वेन प्रतीतेर् अकामितोऽसौ न स्यात् । किं च ज्ञानोदयार्था बुद्धि-शुद्धिर् एव भवेत् । तम् एतम् इत्य् आदेर् इति ब्रह्माङ्ग-भूत-देवतार्चनं खलु ब्रह्मार्चनम् एव तत्-फलं तु चित्त-शुद्धिर् एवेत्य् अन्यत् प्राग्वत् ॥4॥
atha pūrvārtha-dārḍhyāya brahmaṇaḥ sarva-veda-vedyatvam ucyate | yo'sau sarvair vedair gīyata iti gopālopaniṣadi | sarve vedā yat-padam āmananti iti kaṭha-vallyāṁ ca paṭhyate | tatra saṁśayaḥ | sarva-veda-vedyatvaṁ viṣṇor ayuktaṁ na veti | vedeṣu prāyeṇa karma-vidhāna-darśanāt ayuktaṁ tasya tat | vṛṣṭi-putra-svargādi-phalakāni kāri-riputrakāmyeṣṭi-jyotiṣṭomādīni karmāṇi sāṅgāni seti-kartavyāni vidadhato vedā dṛśyante | te ca pramāṇatvena sva-viṣayāvagati-paryavasāyino, viṣṇu-paratayā na śakyā netum iti prāpteḥ—
tat tu samanvayāt ||
tu-śabdaḥ śaṅkāc chedārthaḥ | tat-sarva-veda-vedyatvaṁ viṣṇor uktam | kutaḥ ? samanvayāt | anvayas tātparya-liṅgam | samanvayatvaṁ suvicāritatvam | suvimṛṣṭair upakramopasaṁhārādibhiḥ ṣaḍbhir liṅgais tatraiva śāstra-tātparyāt sa eva tad vedya ity arthaḥ | itarathā kathaṁ yo'sāv ity ādi-śruti-vākyopapattiḥ | āha caivaṁ bhagavān puṇḍarīkākṣaḥ | vedaiś ca sarvair aham eva vedyo vedānta-vid veda-vid eva cāham iti |
kiṁ vidhatte kim ācaṣṭe kim anūdya vikalpayet |
ity asyā hṛdayaṁ loke nānyo mad veda kaścana |
māṁ vidhatte 'bhidhatte māṁ vikalpyāpohyate tv aham || [bhā.pu. 11.21.42-43] iti vā |
etad uktaṁ bhavati—sākṣāt paramparābhyāṁ vedā brahmaṇi pravartante | tatra svarūpa-guṇa-nirūpaṇena jñāna-kāṇḍe sākṣāt karma-kāṇḍe tu jñānāṅga-bhūta-karma-pratipādanena paramparayeti manyante | tat tv aupaniṣadaṁ puruṣaṁ pṛcchāmi, tam etaṁ vedānuvacanena brāhmaṇā vividiṣanti ity ādi śravaṇāt | vṛṣṭi-putra-svargādi-phalaka-karma-vidhāyitā tu teṣāṁ rucy-utpādanārthāyaiva | vṛṣṭy-ādi-phala-dṛṣṭyā teṣv abhijāta-ruces tad-arthān vicārayato nityānitya-vastu-vivekino brahma-tṛṣṇā jagad-vaitṛṣṇaṁ ca syād iti siddhaṁ sarveṣāṁ teṣāṁ brahma-paratvam | kāmitasyaiva vṛṣṭy-ādeḥ phalatvena pratīter akāmito'sau na syāt | kiṁ ca jñānodayārthā buddhi-śuddhir eva bhavet | tam etam ity āder iti brahmāṅga-bhūta-devatārcanaṁ khalu brahmārcanam eva tat-phalaṁ tu citta-śuddhir evety anyat prāgvat ||4||
cfc09198a4cf · published Jul 27, 2026, 3:46:39 AM UTC
Available inRUPage between verses with
Теперь, для укрепления прежнего смысла, высказывается: Брахман — предмет ве́дения всех Вед. «Тот, кого воспевают все Веды» — в Гопала-упанишаде; и в Катха-валли читается: «слово, о котором согласно говорят все Веды» [1.2.15].
Здесь сомнение: неуместна ли ведомость Вишну всеми Ведами или [уместна]? Поскольку в Ведах большей частью видно предписание обрядов — она ему неуместна: Веды видятся предписывающими, с их членами и порядком исполнения, обряды карири, путракамья-ишти, джьотиштому и прочие, плодоносящие дождём, сыном, раем; и они, как прамана, завершаются постижением своего предмета — их невозможно повернуть к Вишну. Таков полученный [довод]. —
«То же — ибо согласное схождение».
Слово «же» — для отсечения сомнения. То — ведомость Вишну всеми Ведами — высказано [верно]. Почему? «Ибо саманвая»: анвая — знак смысла; саманвайность — хорошая взвешенность: по хорошо взвешенным шести знакам — зачину, завершению и прочим — смысл писания [устанавливается] именно в Нём: Он и есть их предмет ве́дения. Иначе как сложилось бы речение шрути «Тот, кого [воспевают все Веды]»? И так говорит [сам] Бхагаван Лотосоокий: «Всеми Ведами познаваем именно Я; Я — знаток Веданты, Я же — ведатель Веды» [Гита 15.15]; или: «Что [Веда] предписывает, что возвещает, что, пересказав, перебирает? — вот её сердце: в мире никто, кроме Меня, его не знает: Меня она предписывает, Меня возглашает, Мною, выставленным в выборе, снимается [иное]» [Бхагавата 11.21.42-43].
Сказано этим вот что: Веды обращаются к Брахману прямо и через передачу. Именно: в джняна-канде — прямо, определением [Его] природы и качеств; в карма-канде же — через передачу, изложением обрядов, ставших членами знания. Ибо слышится: «о том упанишадном Пуруше спрашиваю», «Его брахманы желают познать повторением Веды…». Предписание же обрядов с плодами дождя, сына, рая — лишь ради порождения вкуса: у родившего ввиду тех плодов вкус [к Ведам], разбирающего затем их смыслы и различающего вечное и невечное родится жажда Брахмана и разжаждание мира — так установлено: все они обращены к Брахману. Ибо плодом мыслится лишь желанное — дождь и прочее; для нежелающего его не будет — к тому же [будет ему] сама чистота разума, ради восхода знания. И по [речению] «Его [желают познать]…» — почитание божеств, ставшее членом [почитания] Брахмана, есть именно почитание Брахмана; плод же его — лишь чистота сердца. Прочее — как прежде.