दृश्यते तु
dṛśyate tu
[Иноприродное родит иноприродное —] это же видано: черви из мёда, злато из чинтамани.
पुनर् अपि ब्रह्मोपादानताक्षेपाय तर्कम् आश्रयन् साङ्ख्याः प्रवर्तते । यद्यप्य् अयम् आत्म-याथात्म्य-निर्णये त्यक्तस् तर्कः श्रुति-विरोधात् न कुतर्कापसदस्यात्म-लाभः इत्य् उक्तेः । तथापि परं प्रति दौष्य-प्रकाशनम् एतत् । तत्रैवं संशयः । जगद् ब्रह्मोपादानकं स्यान् न वेति । किं प्राप्तं ब्रह्मोपादानकं नेति वैरूप्यात् । सर्वज्ञ-सर्वेश्वर-विशुद्ध-सुख-रूपतया ब्रह्माभिमताम् । अज्ञानीश्वर-मलिन-दुःखितया प्रत्यक्षादिभिर् अवगतं जगत् । अतस् तयोर् वैरूप्यं निर्विवादम् । उपादेयं खलु उपादान-स्वरूपं दृष्टम् । यथा मृत्-सुवर्ण-तन्त्व्-आद्य्-उपादेयं घट-मुकुट-पटादि । अतो वै ब्रह्म-वैरूप्येण तद्-उपादेयत्वासम्भवात् तत्-स्वरूपम् उपादानं किञ्चिद् अन्वेषणीयम् । तच् च प्रधानम् एव । सुख-दुःख-मोहात्मकं जगत् प्रति तादृशस्य तस्यैव योग्यत्वात् । यच् चोपादेय-सारूप्य-साधनाय तथाभूतेऽप्य् उपादाने ब्रह्मणि चिज्-जडात्मिकातिसूक्ष्मा शक्ति-द्वयी प्राग् अप्य् अस्तीत्य् उच्यते । तेनापि वैरूप्यात् दुष्परिहरं सूक्ष्मात् सूक्ष्म-शक्तिकाद् उपादानात् स्थूलतरोपादेयोदय-निरूपणात् । एवम् अन्यच् च वैरूप्यं विभावनीयम् । एवं ब्रह्म-वैरूप्यात् तद्-उपादानकं जगन् नेति तर्कश् च शास्त्रस्यावस्थापेक्ष्यः तद्-अनुगृहीतस्यैव क्वचिद् विशयेऽर्थ-निश्चय-हेतुत्वाद् इति पूर्व-पक्षः । तद् इमं निरस्यति—
दृश्यते तु ॥
तु-शब्देन शङ्का निरस्यते । पूर्वतो नेत्य् अनुवर्तते । यद् उक्तं ब्रह्म-वैरूप्यात् तद्-उपादानकां जगन् नेति तन् न विरूपाणाम् अप्य् उपादानोपादेय-भावस्य दृष्टत्वात् । यथा गुणानाम् उत्पत्तिर् विजातीयाद् द्रव्यात्, यथा कृमीणां माक्षिकात्, यथा करि-तुरगादीनां कल्प-द्रुमात् । यथा च सुवर्णादीनां चिन्तामणेर् इति । इत्थम् अभिप्रेत्यैव दृष्टान्तितम् आथर्वणिकैः—
यथोर्ण-नाभिः सृजते गृह्णते च
यथा पृथिव्याम् ओषधयः सम्भवन्ति ।
यथा सतः पुरुषात् केश-लोभानि
तथाक्षरात् सम्भवतीह विश्वम् ॥ [मु.उ. 1.1.7] इति ॥6॥
punar api brahmopādānatākṣepāya tarkam āśrayan sāṅkhyāḥ pravartate | yadyapy ayam ātma-yāthātmya-nirṇaye tyaktas tarkaḥ śruti-virodhāt na kutarkāpasadasyātma-lābhaḥ ity ukteḥ | tathāpi paraṁ prati dauṣya-prakāśanam etat | tatraivaṁ saṁśayaḥ | jagad brahmopādānakaṁ syān na veti | kiṁ prāptaṁ brahmopādānakaṁ neti vairūpyāt | sarvajña-sarveśvara-viśuddha-sukha-rūpatayā brahmābhimatām | ajñānīśvara-malina-duḥkhitayā pratyakṣādibhir avagataṁ jagat | atas tayor vairūpyaṁ nirvivādam | upādeyaṁ khalu upādāna-svarūpaṁ dṛṣṭam | yathā mṛt-suvarṇa-tantv-ādy-upādeyaṁ ghaṭa-mukuṭa-paṭādi | ato vai brahma-vairūpyeṇa tad-upādeyatvāsambhavāt tat-svarūpam upādānaṁ kiñcid anveṣaṇīyam | tac ca pradhānam eva | sukha-duḥkha-mohātmakaṁ jagat prati tādṛśasya tasyaiva yogyatvāt | yac copādeya-sārūpya-sādhanāya tathābhūte'py upādāne brahmaṇi cij-jaḍātmikātisūkṣmā śakti-dvayī prāg apy astīty ucyate | tenāpi vairūpyāt duṣpariharaṁ sūkṣmāt sūkṣma-śaktikād upādānāt sthūlataropādeyodaya-nirūpaṇāt | evam anyac ca vairūpyaṁ vibhāvanīyam | evaṁ brahma-vairūpyāt tad-upādānakaṁ jagan neti tarkaś ca śāstrasyāvasthāpekṣyaḥ tad-anugṛhītasyaiva kvacid viśaye'rtha-niścaya-hetutvād iti pūrva-pakṣaḥ | tad imaṁ nirasyati—
dṛśyate tu ||
tu-śabdena śaṅkā nirasyate | pūrvato nety anuvartate | yad uktaṁ brahma-vairūpyāt tad-upādānakāṁ jagan neti tan na virūpāṇām apy upādānopādeya-bhāvasya dṛṣṭatvāt | yathā guṇānām utpattir vijātīyād dravyāt, yathā kṛmīṇāṁ mākṣikāt, yathā kari-turagādīnāṁ kalpa-drumāt | yathā ca suvarṇādīnāṁ cintāmaṇer iti | ittham abhipretyaiva dṛṣṭāntitam ātharvaṇikaiḥ—
yathorṇa-nābhiḥ sṛjate gṛhṇate ca
yathā pṛthivyām oṣadhayaḥ sambhavanti |
yathā sataḥ puruṣāt keśa-lobhāni
tathākṣarāt sambhavatīha viśvam || [mu.u. 1.1.7] iti ||6||
81201f08c7fa · published Jul 27, 2026, 4:31:31 AM UTC
Available inRUPage between verses with
Вновь, для оспаривания вещественности Брахмана, санкхьяик выступает, опершись на довод. (Хотя в решении об истине Атмана довод отставлен — по противности шрути и слову «отверженцу кривого довода не обрести Атмана», — всё же это выявление порчи для другого [спорщика].) Сомнение: имеет ли мир веществом Брахмана? [Оппонент:] нет — по разноприродности: Брахман признан всезнающим Всевладыкой, чистым, счастливым; мир же узнан восприятием невежественным, невладычным, грязным, страдающим — разноприродность бесспорна. А изделие видано соприродным веществу: горшок, венец, ткань — [подобия] глины, золота, нити. Потому надо искать соприродное миру вещество — а это прадхана: для мира из счастья, страдания и мороки годна лишь она, такая же. А что говорится «в Брахмане и прежде есть пара тончайших шакти — сознающая и косная», — и тем разноприродность неустранима: из тонкого вещества выписан восход куда более грубого изделия. Таков довод, и он, [мол,] нужен шастре как условие: лишь обласканная доводом, она решает смысл. Его отметает:
«Видано же».
Сказанное — нет: отношение вещества и изделия ВИДАНО и у разноприродных: рождение качеств — из инородной субстанции; червей — из мёда; слонов и коней — из древа желаний; золота — из чинтамани. Именно это имея в виду, атхарваники дали пример: «Как паук испускает и вбирает, как на земле возникают травы, как от живого человека — волосы, так от Нетленного возникает здесь вселенная» [Мундака 1.1.7].