भट्टाचार्यः—एकावृत्त्या तु कृष्णस्य नामैकं तत्प्रयच्छति ।
इति रामनामतः कृष्णनाम श्रेयः ।
मल्लभट्टः—सत्यमेतत् । अस्माभिरपि भूपालस्य सदसीदमेव निरणायि । एवम् । दक्षिणस्यां दिशि ये ये विष्णुभक्तास्ते किल रघुनाथभक्तिद्वारैव वनवासे पञ्चवट्यादिषु रघुनाथचरितचारुस्थलदर्शनात्तत्रैवानुरक्तिस्तेषां स्वाभाविकी । संप्रति यतीन्द्रमेनमालोक्य कृष्णपक्षपाता एव बभूवुः । एवं क्वचन स्थले कमपि ब्राह्मणमतिमूर्खतया शब्दार्थविबोधविरहेण शुद्धिवर्जितं भगवद्गीतां पठन्तं प्रायशः सर्वैरेव विहस्यमानमथ च यावत्पाठं तावदेव पुलकाश्रुविवशं विलोक्य, अहो अयमुत्तमोऽधिकारीति भगवांस्तमवादीत्—'ब्रह्मन्, यत्पठ्यते तस्य कोऽर्थः' इति । स प्रत्यूचे—'स्वामिन्, नाहमर्थं किमपि वेद्मि, अपि तु पार्थरथस्थं तोत्रपाणिं तमालश्यामं श्रीकृष्णं यावत्पठामि तावदेव विलोकयामि' इति । तदा भगवतोक्तम्—'उत्तमोऽधिकारी भवान्गीतापाठस्य' इति तमालिलिङ्ग । तदनु स खलु गीतापाठजादानन्दादपि प्रचुरतरमानन्दमासाद्य, 'स्वामिन्, स एव त्वम्' इति भूमौ निपत्य प्रणमन्नतिशयविह्वलो बभूव ।
सार्वभौमः—उचितमेवास्य तथा ज्ञानम् । निरन्तरभगवत्स्फूर्तिनिर्मलहृदयत्वेन यथार्थस्फूर्तिरेव भवति ।
मल्लभट्टः—एवमेवास्मत्सदसि विचारितमस्ति । एवमनन्तैव विचित्रा कथा तैस्तैर्गूढपुरुषैः कथिता कति कथनीया भवति ।
सार्वभौमः—एवमेतत् ।
राजा—(सोत्कण्ठम् ।) हन्त, कदा भगवान्वीक्षितव्यः ।
(नेपथ्ये । हन्त । वीक्षणसमयोऽयम्, तदलं विलम्बेन ।)
(सहर्षम् ।) भट्टाचार्य, यथायं यथाप्रस्तावमेव जगन्नाथदर्शनसमयं प्रस्तौति तथा मन्ये । श्रीकृष्णचैतन्योऽप्यागतप्रायः ।
भट्टाचार्यः—भट्टारक, एवमेव ।
राजा—भट्टाचार्य, अयं पुरुषोत्तमः पुरुषोत्तमक्षेत्रस्य बीजभूतं किमपि भविष्यति । अस्मात्किल बहव एवानन्दाङ्कुरा जायेरन् । नीलाचलचन्द्रस्य सेवासौभाग्यविशेषोऽपि भविष्यति ।
सार्वभौमः—सत्यमेतत् । पुण्यात्मनो हि नरदेवा देवांशभूता एव । तेन भवतां मनसि यदुन्मीलति तदेव सत्यम् । (नेपथ्ये ।) हन्त भोः । सत्यं सत्यम् ।
राजा—(सहर्षम् ।) अद्यापि तथैव वाक्शकुनम् । तत्पश्य ज्ञायतां कोऽयम् । भट्टाचार्य, तैर्थिकस्तैर्थिकान्तरेण सह जगन्नाथदर्शनोत्कण्ठां प्रपञ्चयति ।
(प्रविश्य ।)
दौवारिकः—देव, अतिसत्वरं धावमानाः कतिचित्पुरुषाः समायान्ति ।
राजा—ज्ञायतां निरस्त्राः सास्त्रा वा तेऽमी ।
दौवारिकः—(निष्क्रम्य पुनः प्रविश्य च ।) देव, निरस्त्रा एव सर्वे ।
सार्वभौमः—नूनं प्रत्यावर्तते स एव देवः ।
(पुनर्नेपथ्ये संभूय 'हरिं वन्दे हरिं वन्दे' इति कोलाहलः ।)
अवितथमेव भगवान्प्रत्यावृत्तः ।
bhaṭṭācāryaḥ—ekāvṛttyā tu kṛṣṇasya nāmaikaṃ tatprayacchati |
iti rāmanāmataḥ kṛṣṇanāma śreyaḥ |
mallabhaṭṭaḥ—satyametat | asmābhirapi bhūpālasya sadasīdameva niraṇāyi | evam | dakṣiṇasyāṃ diśi ye ye viṣṇubhaktāste kila raghunāthabhaktidvāraiva vanavāse pañcavaṭyādiṣu raghunāthacaritacārusthaladarśanāttatraivānuraktisteṣāṃ svābhāvikī | saṃprati yatīndramenamālokya kṛṣṇapakṣapātā eva babhūvuḥ | evaṃ kvacana sthale kamapi brāhmaṇamatimūrkhatayā śabdārthavibodhaviraheṇa śuddhivarjitaṃ bhagavadgītāṃ paṭhantaṃ prāyaśaḥ sarvaireva vihasyamānamatha ca yāvatpāṭhaṃ tāvadeva pulakāśruvivaśaṃ vilokya, aho ayamuttamo'dhikārīti bhagavāṃstamavādīt—'brahman, yatpaṭhyate tasya ko'rthaḥ' iti | sa pratyūce—'svāmin, nāhamarthaṃ kimapi vedmi, api tu pārtharathasthaṃ totrapāṇiṃ tamālaśyāmaṃ śrīkṛṣṇaṃ yāvatpaṭhāmi tāvadeva vilokayāmi' iti | tadā bhagavatoktam—'uttamo'dhikārī bhavāngītāpāṭhasya' iti tamāliliṅga | tadanu sa khalu gītāpāṭhajādānandādapi pracurataramānandamāsādya, 'svāmin, sa eva tvam' iti bhūmau nipatya praṇamannatiśayavihvalo babhūva |
sārvabhaumaḥ—ucitamevāsya tathā jñānam | nirantarabhagavatsphūrtinirmalahṛdayatvena yathārthasphūrtireva bhavati |
mallabhaṭṭaḥ—evamevāsmatsadasi vicāritamasti | evamanantaiva vicitrā kathā taistairgūḍhapuruṣaiḥ kathitā kati kathanīyā bhavati |
sārvabhaumaḥ—evametat |
rājā—(sotkaṇṭham |) hanta, kadā bhagavānvīkṣitavyaḥ |
(nepathye | hanta | vīkṣaṇasamayo'yam, tadalaṃ vilambena |)
(saharṣam |) bhaṭṭācārya, yathāyaṃ yathāprastāvameva jagannāthadarśanasamayaṃ prastauti tathā manye | śrīkṛṣṇacaitanyo'pyāgataprāyaḥ |
bhaṭṭācāryaḥ—bhaṭṭāraka, evameva |
rājā—bhaṭṭācārya, ayaṃ puruṣottamaḥ puruṣottamakṣetrasya bījabhūtaṃ kimapi bhaviṣyati | asmātkila bahava evānandāṅkurā jāyeran | nīlācalacandrasya sevāsaubhāgyaviśeṣo'pi bhaviṣyati |
sārvabhaumaḥ—satyametat | puṇyātmano hi naradevā devāṃśabhūtā eva | tena bhavatāṃ manasi yadunmīlati tadeva satyam | (nepathye |) hanta bhoḥ | satyaṃ satyam |
rājā—(saharṣam |) adyāpi tathaiva vākśakunam | tatpaśya jñāyatāṃ ko'yam | bhaṭṭācārya, tairthikastairthikāntareṇa saha jagannāthadarśanotkaṇṭhāṃ prapañcayati |
(praviśya |)
dauvārikaḥ—deva, atisatvaraṃ dhāvamānāḥ katicitpuruṣāḥ samāyānti |
rājā—jñāyatāṃ nirastrāḥ sāstrā vā te'mī |
dauvārikaḥ—(niṣkramya punaḥ praviśya ca |) deva, nirastrā eva sarve |
sārvabhaumaḥ—nūnaṃ pratyāvartate sa eva devaḥ |
(punarnepathye saṃbhūya 'hariṃ vande hariṃ vande' iti kolāhalaḥ |)
avitathameva bhagavānpratyāvṛttaḥ |
Бхаттачарья. — тот плод даёт одно имя Кришны, повторённое однажды. Потому имя Кришны лучше имени Рамы.
Маллабхатта. Это правда. И у нашего государя в собрании пришли к тому же. Вот ещё: на юге все, кто предан Вишну, приходят к нему через преданность Владыке рода Рагху; видя дивные места Его деяний в изгнании — Панчавати и другие, — они естественно привязаны к ним. А теперь, увидев этого владыку аскетов, все встали на сторону Кришны. Ещё в одном месте был брахман, по крайней глупости не понимавший ни слов, ни смысла и читавший «Бхагавад-гиту» с ошибками; все над ним смеялись. Но пока он читал, его била дрожь и лились слёзы. Господь, увидев это, подумал: «Ах, вот лучший из достойных» — и спросил: «Брахман, что значит то, что ты читаешь?» Тот ответил: «Владыка, я не знаю никакого смысла; но пока читаю, вижу Шри Кришну, тёмного, как тамала, сидящего на колеснице Партхи с кнутом в руке». Тогда Господь сказал: «Ты лучший из достойных читать „Гиту“» — и обнял его. А тот, получив блаженство больше, чем от чтения „Гиты“, сказал: «Владыка, Ты и есть Он», — пал на землю, кланяясь, и потерял себя.
Сарвабхаума. Такое понимание ему как раз подобает: у кого сердце очищено непрестанным явлением Господа, у того и является истинный смысл.
Маллабхатта. Так и в нашем собрании рассудили. Таких удивительных историй, рассказанных теми тайными людьми, — бесчисленно; сколько их пересказать?
Сарвабхаума. Так и есть.
Царь. (С тоской.) Ах, когда же мне увидеть Господа?
(За сценой: «Ах! Время увидеть — сейчас, так не медлите».)
Царь. (Радостно.) Бхаттачарья, по-моему, этот голос, как положено, объявляет час даршана Джаганнатхи. И Шри Кришна Чайтанья, верно, вот-вот придёт.
44eca4c8a987 · publicado 14 sept 2026, 18:00:00 UTC
Disponible enRUPasa de verso en verso con
История о неграмотном чтеце «Гиты» — одна из самых известных в жизнеописаниях, и здесь она рассказана при царе и учёном. Над брахманом смеются все, кто знает грамматику; Господь называет его лучшим.
Сарвабхаума, недавний учитель веданты, соглашается без оговорок: смысл открывается чистому сердцу, а не знанию слов.
И голос из-за сцены отвечает на тоску царя, будто подслушав: «время увидеть — сейчас». Он говорит о службе в храме, а слышится обещание.