ततश्च ताभिरनिवर्त्यानां तासां तदेव निर्धार्य धार्यमाणोत्कलिकयालिकया कृतानुकूल्यानां शुभेऽहनि हनिष्यमाणान्तराये हृत्प्रमोदरससन्दोहविष्यं हविष्यं समारभ्य कृतव्रतोद्यमानां बभूवुस्ताम्बूलाभावेन स्वभावभाबहुलतया वर्षाजलधौतानि नवाशोकदलानीव दशनवसनानि, प्रत्यहमभ्यङ्गमभ्यङ्गराहित्येन परुषतया केतकीदलपाण्डुराण्यङ्गकानि, तथा निःस्नेहतयाहतया निर्विण्णजनमनांसीव रूक्षाणि चिकुरनिकुरम्बाणि तथा सकृददनतयानतया तनवोऽपि तनवोऽपिहितरुचोऽद्वितीयाया द्वितीयायाः शशिकलायाः सौभाग्यहारिण्यो हारिण्योऽपि यदि पुनरजनि रजनिविरामस्तदा भूशयनाः शयनादुत्थिताः सत्यः कृष्णाशया शयालुताविरहेण विकषाकषायवदरुणनयना नयनादिधावनं विधाय रागानक्तं नक्तन्तनवसनं निरस्य रस्यतमं वसनान्तरं परिधाय विगतवैकल्यं प्रतिकल्यं प्रतिपत्स्यमानयमुनाप्लवप्लवमानमानसाः समनन्तरमनन्तरहसा पूर्वसंवादेनाकारणकारणाभावेऽपि मिलित्वा “आलि! त्वामपेक्ष्य वर्तामहे महेच्छे त्वरितमेहि” इति विलम्बमानां प्रति प्रतिपद्यमानमाननागिरः, तदनु परस्परपरमप्रेम्णेव विषक्तविसलतावलिवलितललितलक्ष्मणा धरणितलसञ्चारिचारिमभरप्रगाढाः कमलिन्य इव, इतरेतरतरलशाखाशाखाकमनं किञ्चन काञ्चनकान्तलतोद्यानमिव जङ्गमं, निजनिजचपलतावलेपलेपनाय परस्परगुम्फनक्षणप्रभाः क्षणप्रभावितभूतलावताराः क्षणप्रभा इव गृहीतभुजवलया, वलयावलिनिनदनिर्जितमदकलकलविङ्कझङ्करणमान्दोलितकराः करालतरतरणिकिरणैर्यथा कमलिनीमलिनीभावो न भवति, तथाहरहरतिजरीजृम्भ्यमाणकृष्णतृष्णापरिभवेनापि विलसन्मुख्यो, मुख्योत्तमकल्पकल्पनासंभृतदेवीपूजासम्भारभारमणीयपाणिभिरनुचरीभिरनुगम्यमानाः, चतुर्मुखमुखलेखलेखामुखमुखरितहरिगुणगुणनझङ्कारकारणदरविवृतमुखकमलामोदप्रमोदप्रपतदलिकुलातिरेकरेकणकणत्कूणनकमनीयनयनाञ्चलं भविकविकस्वरस्वरसौभाग्यं परिवादिनीपरिवादि नीरन्ध्रमृदुलतरं गायन्त्यो लघुतरम्, तमोनुद्यनुद्यति तिमिरनुदोऽपत्यतायामपि तिमिरधाराधारायमाणायाः सकलतापोपशमनानुजातायाः शमनानुजातायाः रोधो रोधोपशमपूर्वमेव समाजग्मुः ॥5॥
tataśca tābhiranivartyānāṁ tāsāṁ tadeva nirdhārya dhāryamāṇotkalikayālikayā kṛtānukūlyānāṁ śubhe'hani haniṣyamāṇāntarāye hṛtpramodarasasandohaviṣyaṁ haviṣyaṁ samārabhya kṛtavratodyamānāṁ babhūvustāmbūlābhāvena svabhāvabhābahulatayā varṣājaladhautāni navāśokadalānīva daśanavasanāni, pratyahamabhyaṅgamabhyaṅgarāhityena paruṣatayā ketakīdalapāṇḍurāṇyaṅgakāni, tathā niḥsnehatayāhatayā nirviṇṇajanamanāṁsīva rūkṣāṇi cikura-nikurambāṇi tathā sakṛdadanatayānatayā tanavo'pi tanavo'pihitaruco'dvitīyāyā dvitīyāyāḥ śaśikalāyāḥ saubhāgyahāriṇyo hāriṇyo'pi yadi punarajani rajanivirāmastadā bhūśayanāḥ śayanādutthitāḥ satyaḥ kṛṣṇāśayā śayālutā-viraheṇa vikaṣākaṣāyavadaruṇanayanā nayanādidhāvanaṁ vidhāya rāgānaktaṁ naktantanavasanaṁ nirasya rasyatamaṁ vasanāntaraṁ paridhāya vigatavaikalyaṁ pratikalyaṁ pratipatsyamānayamunāplavaplavamānamānasāḥ samanantaramanantarahasā pūrvasaṁvādenākāraṇakāraṇābhāve'pi militvā “āli! tvāmapekṣya vartāmahe mahecche tvaritamehi” iti vilambamānāṁ prati pratipadyamānamānanāgiraḥ, tadanu parasparaparamapremṇeva viṣaktavisalatāvalivalitalalita-lakṣmaṇā dharaṇitalasañcāricārimabharapragāḍhāḥ kamalinya iva, itaretarataralaśākhāśākhākamanaṁ kiñcana kāñcanakāntalatodyānamiva jaṅgamaṁ, nijanija-capalatāvalepalepanāya paraspara-gumphanakṣaṇaprabhāḥ kṣaṇaprabhāvitabhūtalāvatārāḥ kṣaṇaprabhā iva gṛhītabhujavalayā, valayāvalininada-nirjitamadakalakalaviṅkajhaṅkaraṇamāndolitakarāḥ karālatarataraṇikiraṇairyathā kamalinīmalinībhāvo na bhavati, tathāharaharatijarījṛmbhyamāṇakṛṣṇatṛṣṇāparibhavenāpi vilasanmukhyo, mukhyottamakalpakalpanāsaṁbhṛtadevīpūjāsambhārabhāramaṇīyapāṇibhiranucarībhiranugamyamānāḥ, caturmukhamukhalekhalekhāmukha-mukharita-hariguṇaguṇanajhaṅkārakāraṇa-daravivṛtamukhakamalāmodapramoda-prapatadalikulātirekarekaṇakaṇatkūṇanakamanīyanayanāñcalaṁ bhavikavikasvarasvarasaubhāgyaṁ parivādinīparivādi nīrandhramṛdulataraṁ gāyantyo laghutaram, tamonudyanudyati timiranudo'patyatāyāmapi timiradhārādhārāyamāṇāyāḥ sakalatāpopaśamanānujātāyāḥ śamanānujātāyāḥ rodho rodhopaśamapūrvameva samājagmuḥ ||5||
Тогда матери, не в силах их отвратить, согласились; и в благой день, когда препятствия должны были исчезнуть, девушки начали обет, питаясь постной пищей — хавишьей, полной сока радости сердца. Без бетеля их губы стали как новые листья ашоки, омытые дождём; без ежедневного умащения члены стали бледными, как листья кетаки; без масла волосы стали сухими, как умы пресыщенных; от еды раз в день их тела истончились и похитили удачу у второго лунного серпа. А когда кончалась ночь, они, спящие на земле, вставали с глазами, красными от бессонницы из-за надежды на Кришну, умывались, снимали ночную одежду и надевали другую, — и с сердцем, плывущим к предстоящему омовению в Ямуне, сходились по уговору: «Подружка, мы тебя ждём — скорее!» — торопили опоздавшую; и, связанные взаимной любовью, как лотосы, сплетённые стеблями и бродящие по земле; как подвижный золотой сад лиан, переплетённых ветвями; как молнии, спустившиеся на землю, держась за руки; — качая руками, звеня браслетами громче хмельных воробьёв, — сияя лицами, хоть их и терзала растущая день ото дня жажда Кришны; сопровождаемые служанками, несущими в руках всё для почитания богини; — тихо пели нежную, полную песнь о достоинствах Хари, воспетых устами Брахмы и прочих, — и пришли на берег сестры Ямы, что гасит всякий жар.
332c7fdd93f1 · प्रकाशित 29 सित॰ 2026, 1:03:28 am UTC
उपलब्ध भाषाएँRUश्लोक बदलें इन कुंजियों से
Обет Катьяяни — ШБ 10.22.1–5. Ямуна — сестра Ямы.