एवं समीपमुपसन्नानां सन्नानां ह्रीभरेण कासाञ्चित् पुरोगाणामङ्गैरन्तरिताङ्गीनर्ताङ्गीनर्यनकोणेनालक्ष्य सवैलक्ष्यसवैदग्ध्यं स रसिकशेखरः खरतरमनोरागपरभागपरभाजनं जनं जनं प्रति प्रतिजगाद—“कथमयि मयि कृतसाध्वसाः साध्वसारस्येन पुरः पश्चाद्भावेनानवस्थितावस्थिताः कथं वात्मानं गोपायितुमर्हिष्यथ । उन्नतरूपतरूपरि परितस्थुषा मया समया सकलाः कलावत्यो भद्रेणैव वीक्ष्यन्ते, तत् किमनयानयानुबन्धपरया प्रतारणया? तदधुना साधुनासाध्वसेन श्रेणीभूय भूयसीं श्रेणीं दधत्योऽवस्थातुमर्हन्ति, तथा कृते प्रकृते प्रयोजने वासोग्रहणेऽपि कौशल्यं कौ शल्यं तदेव यदन्तरङ्गजनरङ्गजनकं न भवतीति मद्वचसा च साम्प्रतं वासो गृहीत” इति । तदा तदाकर्ण्य कर्ण्यमतिरसायनं मतिरसाय नन्ददपि पुरोगतानां समानभावेन समानभावेन तदा तदाज्ञानुरूपमेव यथायथं श्रेणीभूय तस्थुः ॥65॥
evaṁ samīpamupasannānāṁ sannānāṁ hrībhareṇa kāsāñcit purogāṇāmaṅgairantaritāṅgīnartāṅgīnaryanakoṇenālakṣya savailakṣya-savaidagdhyaṁ sa rasikaśekharaḥ kharataramanorāgaparabhāgaparabhājanaṁ janaṁ janaṁ prati pratijagāda—“kathamayi mayi kṛtasādhvasāḥ sādhvasārasyena puraḥ paścādbhāvenānavasthitāvasthitāḥ kathaṁ vātmānaṁ gopāyitumarhiṣyatha | unnatarūpa-tarūpari paritasthuṣā mayā samayā sakalāḥ kalāvatyo bhadreṇaiva vīkṣyante, tat kimanayānayānubandhaparayā pratāraṇayā? tadadhunā sādhunāsādhvasena śreṇībhūya bhūyasīṁ śreṇīṁ dadhatyo'vasthātumarhanti, tathā kṛte prakṛte prayojane vāsograhaṇe'pi kauśalyaṁ kau śalyaṁ tadeva yadantaraṅgajanaraṅgajanakaṁ na bhavatīti madvacasā ca sāmprataṁ vāso gṛhīta” iti | tadā tadākarṇya karṇyamatirasāyanaṁ matirasāya nandadapi purogatānāṁ samānabhāvena samānabhāvena tadā tadājñānurūpameva yathāyathaṁ śreṇībhūya tasthuḥ ||65||
Когда они так подошли, изнемогая от стыда, и иные впереди прикрывались телами других, — венец знатоков расы, заметив это краешком глаза, с насмешкой и искусством сказал каждой, сосуду сильнейшей любви: «Зачем, робея передо мной, вы то выходите вперёд, то прячетесь назад, — как вы себя спрячете? Я сижу на высоком дереве и всех вас, искусные, хорошо вижу. К чему этот неразумный обман? Встаньте-ка теперь спокойно, в ряд; искусство и в получении одежды — чтобы не было занозы, мешающей близким; так что сейчас, по моему слову, берите одежды». Услышав это, они, как он велел, одинаково встали в ряд.
4e7b9cdc3dcc · प्रकाशित 29 सित॰ 2026, 1:03:28 am UTC
उपलब्ध भाषाएँRUश्लोक बदलें इन कुंजियों से
Кришна велит встать в ряд.