स तु मनसीदं विदाञ्चकार—मत्सम्बन्धेन सम्बन्धबन्धेन कदाचिद् एतेऽपि क्रमाद् अद्धा कृष्णसम्बन्धा भवेयुर् इति सम्भावनासमुपलम्भाद् अहम् एषु विषमेषु च पक्षपातं रक्षन्न् अस्मि । एते तु पक्षतामात्रं लक्षयन्तस् तं मां परमादरतयानुसरन्ति । मदीयहृदयमणिं तं पुनर् अरिसरणिम् अनुगणितं कुर्वन्ति । तत्र चालं बहुना, जहुम् अपि तम् अस्मदीयं न जहुः, किन्त्व् अबन्धुवद् बबन्धुः । तस्मात् कृष्णेन कथ्यमानं तथ्यम् एव तद् एषां वैतथ्यम् इति नामी सममयीं मुद्राम् अर्हन्ति, किन्तु भेदमयीम् एव । तत्र च क्षुद्रेष्व् अमीषु शूद्रेषु वेदम् इव कृष्णस्य नाम नांनातुं युक्तं परं तूग्रसेनस्य वरम् इति ।
sa tu manasīdaṁ vidāñcakāra—mat-sambandhena sambandha-bandhena kadācid ete’pi kramād addhā kṛṣṇa-sambandhā bhaveyur iti sambhāvanā-samupalambhād aham eṣu viṣameṣu ca pakṣapātaṁ rakṣann asmi | ete tu pakṣatā-mātraṁ lakṣayantas taṁ māṁ paramādaratayānusaranti | madīya-hṛdaya-maṇiṁ taṁ punar ari-saraṇim anugaṇitaṁ kurvanti | tatra cālaṁ bahunā, jahum api tam asmadīyaṁ na jahuḥ, kintv abandhuvad babandhuḥ | tasmāt kṛṣṇena kathyamānaṁ tathyam eva tad eṣāṁ vaitathyam iti nāmī samamayīṁ mudrām arhanti, kintu bhedamayīm eva | tatra ca kṣudreṣv amīṣu śūdreṣu vedam iva kṛṣṇasya nāma nāṁnātuṁ yuktaṁ paraṁ tūgrasenasya varam iti |
„А он подумал: «Надеясь, что через родство со мной они со временем, может быть, придут и к родству с Кришной, я держу их сторону, хоть они и неровня. А они, видя лишь моё пристрастие, с великим почтением идут за мной — а того, кто драгоценность моего сердца, причисляют к врагам. Да что говорить: даже того, нашего, они не отпустили, а связали, как чужого. Так что Кришна говорит правду, и им подобает печать не равенства, а различия. И этим ничтожным шудрам не пристало слышать имя Кришны — как и Веду; им лучше имя Уграсены»“.
a08138aab01e · опубликовано 25 сент. 2026 г., 04:24:31 UTC
Доступно наRUЛистайте стихи клавишами
Перевод приблизителен.