एको भीमः परं शक्त्या युध्यत्य् एष महाभुजः ॥
केवलं बाहुवीर्येण क्षत्रधर्मम् अनुस्मरन् ॥
गदया वीरघातिन्या यथोत्साहं महामनाः ॥
करोत्य् असुकरं कर्म गजाश्वरथपत्तिषु ॥
नालम् एष क्षयं कर्तुं परसैन्यस्य मारिष ॥
आर्जवेनैव युद्धेन वीर वर्षशतैर् अपि ॥
एको ऽस्त्रवित् सखा ते ऽयं सो ऽप्य् अस्मान् समुपेक्षते ॥
निर्दह्यमानान् भीष्मेण द्रोणेन च महात्मना ॥
दिव्यान्य् अस्त्राणि भीष्मस्य द्रोणस्य च महात्मनः ॥
धक्ष्यन्ति क्षत्रियान् सर्वान् प्रयुक्तानि पुनः पुनः ॥
कृष्ण भीष्मः सुसंरब्धः सहितः सर्वपार्थिवैः ॥
क्षपयिष्यति नो नूनं यादृशो ऽस्य पराक्रमः ॥
स त्वं पश्य महेष्वासं योगीष्वर महारथम् ॥
यो भीष्मं शमयेत् संख्ये दावाग्निं जलदो यथा ॥
तव प्रसादाद् गोविन्द पाण्डवा निहतद्विषः ॥
स्वराज्यम् अनुसंप्राप्ता मोदिष्यन्ति सबान्धवाः ॥
eko bhīmaḥ paraṃ śaktyā yudhyaty eṣa mahābhujaḥ ||
kevalaṃ bāhuvīryeṇa kṣatradharmam anusmaran ||
gadayā vīraghātinyā yathotsāhaṃ mahāmanāḥ ||
karoty asukaraṃ karma gajāśvarathapattiṣu ||
nālam eṣa kṣayaṃ kartuṃ parasainyasya māriṣa ||
ārjavenaiva yuddhena vīra varṣaśatair api ||
eko 'stravit sakhā te 'yaṃ so 'py asmān samupekṣate ||
nirdahyamānān bhīṣmeṇa droṇena ca mahātmanā ||
divyāny astrāṇi bhīṣmasya droṇasya ca mahātmanaḥ ||
dhakṣyanti kṣatriyān sarvān prayuktāni punaḥ punaḥ ||
kṛṣṇa bhīṣmaḥ susaṃrabdhaḥ sahitaḥ sarvapārthivaiḥ ||
kṣapayiṣyati no nūnaṃ yādṛśo 'sya parākramaḥ ||
sa tvaṃ paśya maheṣvāsaṃ yogīṣvara mahāratham ||
yo bhīṣmaṃ śamayet saṃkhye dāvāgniṃ jalado yathā ||
tava prasādād govinda pāṇḍavā nihatadviṣaḥ ||
svarājyam anusaṃprāptā modiṣyanti sabāndhavāḥ ||
«Один Бхима, сильнорукий, сражается с предельной силой, одной мощью рук помня кшатрийский долг. Великодушный, он своей палицей, губящей героев, делает почти невозможное среди слонов, коней, колесниц и пехоты. Но, о почтенный герой, он один не сможет уничтожить вражеское войско честным прямым боем даже за сотни лет. Единственный знаток астр, этот твой друг, тоже словно оставляет нас без внимания, пока Бхишма и великодушный Дрона сжигают нас. Божественные оружия Бхишмы и Дроны, применяемые снова и снова, испепелят всех кшатриев. Кришна, яростный Бхишма, поддержанный всеми земными царями, несомненно уничтожит нас: такова его доблесть. Поэтому, владыка йоги, найди великого лучника, великого ратхина, который в битве усмирит Бхишму, как туча усмиряет лесной пожар. По твоей милости, Говинда, Пандавы, уничтожив врагов и получив своё царство, возрадуются вместе с родичами».
73c73df1136f · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Юдхиштхира не умаляет Бхиму, но понимает предел одной силы. Он обращается к Кришне как к тому, кто видит скрытую расстановку дхармы и знает, какая сила должна быть применена.