संजय उवाच
पुत्रेण तव राजेन्द्र स तथोक्तो महाबलः ॥
महत्या सेनया गुप्तः प्रायाद् भीमरथं प्रति ॥
ताम् आपतन्तीं सहसा कलिङ्गानां महाचमूम् ॥
रथनागाश्वकलिलां प्रगृहीतमहायुधाम् ॥
भीमसेनः कलिङ्गानाम् आर्छद् भारत वाहिनीम् ॥
केतुमन्तं च नैषादिम् आयान्तं सह चेदिभिः ॥
ततः श्रुतायुः संक्रुद्धो राज्ञा केतुमता सह ॥
आससाद रणे भीमं व्यूढानीकेषु चेदिषु ॥
रथैर् अनेकसाहस्रैः कलिङ्गानां जनाधिपः ॥
अयुतेन गजानां च निषादैः सह केतुमान् ॥
भीमसेनं रणे राजन् समन्तात् पर्यवारयत् ॥
चेदिमत्स्यकरूषाश् च भीमसेनपुरोगमाः ॥
अभ्यवर्तन्त सहसा निषादान् सह राजभिः ॥
ततः प्रववृते युद्धं घोररूपं भयानकम् ॥
प्रजानन् न च योधान् स्वान् परस्परजिघांसया ॥
घोरम् आसीत् ततो युद्धं भीमस्य सहसा परैः ॥
यथेन्द्रस्य महाराज महत्या दैत्यसेनया ॥
तस्य सैन्यस्य संग्रामे युध्यमानस्य भारत ॥
बभूव सुमहाञ् शब्दः सागरस्येव गर्जतः ॥
अन्योन्यस्य तदा योधा निकृन्तन्तो विशां पते ॥
महीं चक्रुश् चितां सर्वां शशशोणितसंनिभाम् ॥
योधांश् च स्वान् परान् वापि नाभ्यजानञ् जिघांसया ॥
स्वान् अप्य् आददते स्वाश् च शूराः समरदुर्जयाः ॥
विमर्दः सुमहान् आसीद् अल्पानां बहुभिः सह ॥
कलिङ्गैः सह चेदीनां निषादैश् च विशां पते ॥
कृत्वा पुरुषकारं तु यथाशक्ति महाबलाः ॥
भीमसेनं परित्यज्य संन्यवर्तन्त चेदयः ॥
सर्वैः कलिङ्गैर् आसन्नः संनिवृत्तेषु चेदिषु ॥
स्वबाहुबलम् आस्थाय न न्यवर्तत पाण्डवः ॥
न चचाल रथोपस्थाद् भीमसेनो महाबलः ॥
शितैर् अवाकिरन् बाणैः कलिङ्गानां वरूथिनीम् ॥
saṃjaya uvāca
putreṇa tava rājendra sa tathokto mahābalaḥ ||
mahatyā senayā guptaḥ prāyād bhīmarathaṃ prati ||
tām āpatantīṃ sahasā kaliṅgānāṃ mahācamūm ||
rathanāgāśvakalilāṃ pragṛhītamahāyudhām ||
bhīmasenaḥ kaliṅgānām ārchad bhārata vāhinīm ||
ketumantaṃ ca naiṣādim āyāntaṃ saha cedibhiḥ ||
tataḥ śrutāyuḥ saṃkruddho rājñā ketumatā saha ||
āsasāda raṇe bhīmaṃ vyūḍhānīkeṣu cediṣu ||
rathair anekasāhasraiḥ kaliṅgānāṃ janādhipaḥ ||
ayutena gajānāṃ ca niṣādaiḥ saha ketumān ||
bhīmasenaṃ raṇe rājan samantāt paryavārayat ||
cedimatsyakarūṣāś ca bhīmasenapurogamāḥ ||
abhyavartanta sahasā niṣādān saha rājabhiḥ ||
tataḥ pravavṛte yuddhaṃ ghorarūpaṃ bhayānakam ||
prajānan na ca yodhān svān parasparajighāṃsayā ||
ghoram āsīt tato yuddhaṃ bhīmasya sahasā paraiḥ ||
yathendrasya mahārāja mahatyā daityasenayā ||
tasya sainyasya saṃgrāme yudhyamānasya bhārata ||
babhūva sumahāñ śabdaḥ sāgarasyeva garjataḥ ||
anyonyasya tadā yodhā nikṛntanto viśāṃ pate ||
mahīṃ cakruś citāṃ sarvāṃ śaśaśoṇitasaṃnibhām ||
yodhāṃś ca svān parān vāpi nābhyajānañ jighāṃsayā ||
svān apy ādadate svāś ca śūrāḥ samaradurjayāḥ ||
vimardaḥ sumahān āsīd alpānāṃ bahubhiḥ saha ||
kaliṅgaiḥ saha cedīnāṃ niṣādaiś ca viśāṃ pate ||
kṛtvā puruṣakāraṃ tu yathāśakti mahābalāḥ ||
bhīmasenaṃ parityajya saṃnyavartanta cedayaḥ ||
sarvaiḥ kaliṅgair āsannaḥ saṃnivṛtteṣu cediṣu ||
svabāhubalam āsthāya na nyavartata pāṇḍavaḥ ||
na cacāla rathopasthād bhīmaseno mahābalaḥ ||
śitair avākiran bāṇaiḥ kaliṅgānāṃ varūthinīm ||
Санджая сказал: «Получив от твоего сына такой приказ, о царь царей, могучий военачальник, защищённый большим войском, двинулся к колеснице Бхимы. Бхимасена встретил эту внезапно наступавшую огромную армию калингов, переполненную колесницами, слонами и конями и держащую большое оружие, а также нишадского Кетуманта, который шёл вместе с чедийцами. Затем разгневанный Шрутаюс вместе с царём Кетумантом напал в бою на Бхиму среди выстроенных чедийцев. Правитель Калинги с многими тысячами колесниц, Кетуман с десятью тысячами слонов и нишадами окружили Бхимасену со всех сторон, о царь. Чеди, матсьи и каруши во главе с Бхимасеной внезапно двинулись против нишадов и царей. Тогда началась грозная и страшная битва; из желания взаимно убивать воины уже не узнавали своих. Бой Бхимы с врагами стал ужасен, как битва Индры с великой армией дайтьев, о великий царь. От сражавшегося войска поднялся огромный грохот, словно рёв океана. Воины, рассекая друг друга, устлали всю землю кровавой краснотой, о владыка людей. В жажде убийства они не различали ни своих, ни чужих; даже свои нападали на своих — герои, труднопобедимые в бою. Произошла огромная давка: немногочисленные чедийцы столкнулись с множеством калингов и нишадов. Могучие чеди, проявив доблесть по мере сил, оставили Бхимасену и отступили. Но Пандава, окружённый всеми калингами после отступления чедийцев, опираясь на силу своих рук, не повернул назад. Могучий Бхимасена не двинулся с площадки колесницы и острыми стрелами осыпал боевой строй калингов».
62f5b93fb880 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Бхима остаётся один не потому, что ищет одиночного подвига, а потому что обстоятельства оставляют его в центре вражеского кольца. Здесь проявляется его природа защитника: когда союзники отходят, он не отступает.