एवं स तान्य् अनीकानि कलिङ्गानां पुनः पुनः ॥
बिभेद समरे वीरः प्रेक्ष्य भीष्मं महाव्रतम् ॥
हतारोहाश् च मातङ्गाः पाण्डवेन महात्मना ॥
विप्रजग्मुर् अनीकेषु मेघा वातहता इव ॥
मृद्नन्तः स्वान्य् अनीकानि विनदन्तः शरातुराः ॥
ततो भीमो महाबाहुः शङ्खं प्राध्मापयद् बली ॥
सर्वकालिङ्गसैन्यानां मनांसि समकम्पयत् ॥
मोहश् चापि कलिङ्गानाम् आविवेश परंतप ॥
प्राकम्पन्त च सैन्यानि वाहनानि च सर्वशः ॥
भीमेन समरे राजन् गजेन्द्रेणेव सर्वतः ॥
मार्गान् बहून् विचरता धावता च ततस् ततः ॥
मुहुर् उत्पतता चैव संमोहः समजायत ॥
भीमसेनभयत्रस्तं सैन्यं च समकम्पत ॥
क्षोभ्यमाणम् असंबाधं ग्राहेणेव महत् सरः ॥
त्रासितेषु च वीरेषु भीमेनाद्भुतकर्मणा ॥
पुनरावर्तमानेषु विद्रवत्सु च संघशः ॥
सर्वकालिङ्गयोधेषु पाण्डूनां ध्वजिनीपतिः ॥
अब्रवीत् स्वान्य् अनीकानि युध्यध्वम् इति पार्षतः ॥
सेनापतिवचः श्रुत्वा शिखण्डिप्रमुखा गणाः ॥
भीमम् एवाभ्यवर्तन्त रथानीकैः प्रहारिभिः ॥
धर्मराजश् च तान् सर्वान् उपजग्राह पाण्डवः ॥
महता मेघवर्णेन नागानीकेन पृष्ठतः ॥
एवं संचोद्य सर्वाणि स्वान्य् अनीकानि पार्षतः ॥
भीमसेनस्य जग्राह पार्ष्णिं सत्पुरुषोचिताम् ॥
न हि पाञ्चालराजस्य लोके कश् चन विद्यते ॥
भीमसात्यकयोर् अन्यः प्राणेभ्यः प्रियकृत्तमः ॥
सो ऽपश्यत् तं कलिङ्गेषु चरन्तम् अरिसूदनम् ॥
भीमसेनं महाबाहुं पार्षतः परवीरहा ॥
ननर्द बहुधा राजन् हृष्टश् चासीत् परंतपः ॥
शङ्खं दध्मौ च समरे सिंहनादं ननाद च ॥
स च पारावताश्वस्य रथे हेमपरिष्कृते ॥
कोविदारध्वजं दृष्ट्वा भीमसेनः समाश्वसत् ॥
धृष्टद्युम्नस् तु तं दृष्ट्वा कलिङ्गैः समभिद्रुतम् ॥
भीमसेनम् अमेयात्मा त्राणायाजौ समभ्ययात् ॥
तौ दूरात् सात्यकिर् दृष्ट्वा धृष्टद्युम्नवृकोदरौ ॥
कलिङ्गान् समरे वीरौ योधयन्तौ मनस्विनौ ॥
स तत्र गत्वा शैनेयो जवेन जयतां वरः ॥
पार्थपार्षतयोः पार्ष्णिं जग्राह पुरुषर्षभः ॥
evaṃ sa tāny anīkāni kaliṅgānāṃ punaḥ punaḥ ||
bibheda samare vīraḥ prekṣya bhīṣmaṃ mahāvratam ||
hatārohāś ca mātaṅgāḥ pāṇḍavena mahātmanā ||
viprajagmur anīkeṣu meghā vātahatā iva ||
mṛdnantaḥ svāny anīkāni vinadantaḥ śarāturāḥ ||
tato bhīmo mahābāhuḥ śaṅkhaṃ prādhmāpayad balī ||
sarvakāliṅgasainyānāṃ manāṃsi samakampayat ||
mohaś cāpi kaliṅgānām āviveśa paraṃtapa ||
prākampanta ca sainyāni vāhanāni ca sarvaśaḥ ||
bhīmena samare rājan gajendreṇeva sarvataḥ ||
mārgān bahūn vicaratā dhāvatā ca tatas tataḥ ||
muhur utpatatā caiva saṃmohaḥ samajāyata ||
bhīmasenabhayatrastaṃ sainyaṃ ca samakampata ||
kṣobhyamāṇam asaṃbādhaṃ grāheṇeva mahat saraḥ ||
trāsiteṣu ca vīreṣu bhīmenādbhutakarmaṇā ||
punarāvartamāneṣu vidravatsu ca saṃghaśaḥ ||
sarvakāliṅgayodheṣu pāṇḍūnāṃ dhvajinīpatiḥ ||
abravīt svāny anīkāni yudhyadhvam iti pārṣataḥ ||
senāpativacaḥ śrutvā śikhaṇḍipramukhā gaṇāḥ ||
bhīmam evābhyavartanta rathānīkaiḥ prahāribhiḥ ||
dharmarājaś ca tān sarvān upajagrāha pāṇḍavaḥ ||
mahatā meghavarṇena nāgānīkena pṛṣṭhataḥ ||
evaṃ saṃcodya sarvāṇi svāny anīkāni pārṣataḥ ||
bhīmasenasya jagrāha pārṣṇiṃ satpuruṣocitām ||
na hi pāñcālarājasya loke kaś cana vidyate ||
bhīmasātyakayor anyaḥ prāṇebhyaḥ priyakṛttamaḥ ||
so 'paśyat taṃ kaliṅgeṣu carantam arisūdanam ||
bhīmasenaṃ mahābāhuṃ pārṣataḥ paravīrahā ||
nanarda bahudhā rājan hṛṣṭaś cāsīt paraṃtapaḥ ||
śaṅkhaṃ dadhmau ca samare siṃhanādaṃ nanāda ca ||
sa ca pārāvatāśvasya rathe hemapariṣkṛte ||
kovidāradhvajaṃ dṛṣṭvā bhīmasenaḥ samāśvasat ||
dhṛṣṭadyumnas tu taṃ dṛṣṭvā kaliṅgaiḥ samabhidrutam ||
bhīmasenam ameyātmā trāṇāyājau samabhyayāt ||
tau dūrāt sātyakir dṛṣṭvā dhṛṣṭadyumnavṛkodarau ||
kaliṅgān samare vīrau yodhayantau manasvinau ||
sa tatra gatvā śaineyo javena jayatāṃ varaḥ ||
pārthapārṣatayoḥ pārṣṇiṃ jagrāha puruṣarṣabhaḥ ||
Так герой снова и снова прорывал строи калингов, глядя на великообетного Бхишму. Слоны с убитыми наездниками, поражённые великодушным Пандавой, разбегались среди рядов, словно тучи, гонимые ветром; мучимые стрелами, они ревели и давили собственные строи. Тогда сильнорукий Бхима затрубил в раковину, и её звук поколебал сердца всей калингской армии. Смятение охватило калингов, о сокрушитель врагов; войска и все средства передвижения задрожали. От Бхимы, который в бою двигался повсюду, словно царь слонов, ходил разными путями, метался туда-сюда и то и дело подпрыгивал, возникло всеобщее замешательство. Войско, испуганное страхом перед Бхимасеной, задрожало, словно большое озеро, взбаламученное крокодилом. Когда герои были устрашены Бхимой дивных деяний, одни возвращались, другие разбегались группами; тогда полководец Пандавов Паршата обратился к своим войскам: “Сражайтесь!” Услышав приказ военачальника, отряды во главе с Шикхандином двинулись прямо к Бхиме боевыми колесничими рядами, а Дхармараджа Пандава поддержал их сзади великим слоновьим строем цвета тучи. Так направив все свои войска, Паршата занял достойную благородного воина заднюю защиту Бхимасены. Ведь в мире не было для царя Панчалы более дорогих благожелателей, чем Бхима и Сатьяки. Паршата, губитель вражьих героев, увидел могучерукого Бхимасену, сокрушителя врагов, действующего среди калингов. Он многократно заревел, возликовал, затрубил в раковину и издал львиный клич, о царь. А Бхимасена, увидев на золотом колеснице с конями голубиного цвета стяг с ковидарой, обрёл уверенность. Дхриштадьюмна, увидев, что безмерного духом Бхиму атакуют калинги, двинулся в бой, чтобы защитить его. Сатьяки издалека увидел Дхриштадьюмну и Врикодару, двух стойких героев, сражающихся с калингами; быстро прибыв туда, Шайнея, лучший из победителей, взял на себя тыловую защиту Партхи и Паршаты».
f20badf0bd0b · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Бхима не остаётся один навсегда: Дхриштадьюмна, Юдхиштхира, Шикхандин и Сатьяки организуют поддержку вокруг него. Это важный поворот главы: личная сила становится частью общей защиты.