एवं सा बहुला सेना कलिङ्गानां तरस्विनाम् ॥
परिवार्य रणे भीष्मं भीमसेनम् उपाद्रवत् ॥
ततः कलिङ्गसैन्यानां प्रमुखे भरतर्षभ ॥
श्रुतायुषम् अभिप्रेक्ष्य भीमसेनः समभ्ययात् ॥
तम् आयान्तम् अभिप्रेक्ष्य कलिङ्गो नवभिः शरैः ॥
भीमसेनम् अमेयात्मा प्रत्यविध्यत् स्तनान्तरे ॥
कलिङ्गबाणाभिहतस् तोत्त्रार्दित इव द्विपः ॥
भीमसेनः प्रजज्वाल क्रोधेनाग्निर् इवेन्धनैः ॥
अथाशोकः समादाय रथं हेमपरिष्कृतम् ॥
भीमं संपादयाम् आस रथेन रथसारथिः ॥
तम् आरुह्य रथं तूर्णं कौन्तेयः शत्रुसूदनः ॥
कलिङ्गम् अभिदुद्राव तिष्ठ तिष्ठेति चाब्रवीत् ॥
ततः श्रुतायुर् बलवान् भीमाय निशिताञ् शरान् ॥
प्रेषयाम् आस संक्रुद्धो दर्शयन् पाणिलाघवम् ॥
स कार्मुकवरोत्सृष्टैर् नवभिर् निशितैः शरैः ॥
समाहतो भृशं राजन् कलिङ्गेन महायशाः ॥
संचुक्रुधे भृशं भीमो दण्डाहत इवोरगः ॥
क्रुद्धश् च चापम् आयम्य बलवद् बलिनां वरः ॥
कलिङ्गम् अवधीत् पार्थो भीमः सप्तभिर् आयसैः ॥
क्षुराभ्यां चक्ररक्षौ च कलिङ्गस्य महाबलौ ॥
सत्यदेवं च सत्यं च प्राहिणोद् यमसादनम् ॥
ततः पुनर् अमेयात्मा नाराचैर् निशितैस् त्रिभिः ॥
केतुमन्तं रणे भीमो ऽगमयद् यमसादनम् ॥
ततः कलिङ्गाः संक्रुद्धा भीमसेनम् अमर्षणम् ॥
अनीकैर् बहुसाहस्रैः क्षत्रियाः समवारयन् ॥
ततः शक्तिगदाखड्गतोमरर्ष्टिपरश्वधैः ॥
कलिङ्गाश् च ततो राजन् भीमसेनम् अवाकिरन् ॥
संनिवार्य स तां घोरां शरवृष्टिं समुत्थिताम् ॥
गदाम् आदाय तरसा परिप्लुत्य महाबलः ॥
भीमः सप्तशतान् वीरान् अनयद् यमसादनम् ॥
पुनश् चैव द्विसाहस्रान् कलिङ्गान् अरिमर्दनः ॥
प्राहिणोन् मृत्युलोकाय तद् अद्भुतम् इवाभवत् ॥
evaṃ sā bahulā senā kaliṅgānāṃ tarasvinām ||
parivārya raṇe bhīṣmaṃ bhīmasenam upādravat ||
tataḥ kaliṅgasainyānāṃ pramukhe bharatarṣabha ||
śrutāyuṣam abhiprekṣya bhīmasenaḥ samabhyayāt ||
tam āyāntam abhiprekṣya kaliṅgo navabhiḥ śaraiḥ ||
bhīmasenam ameyātmā pratyavidhyat stanāntare ||
kaliṅgabāṇābhihatas tottrārdita iva dvipaḥ ||
bhīmasenaḥ prajajvāla krodhenāgnir ivendhanaiḥ ||
athāśokaḥ samādāya rathaṃ hemapariṣkṛtam ||
bhīmaṃ saṃpādayām āsa rathena rathasārathiḥ ||
tam āruhya rathaṃ tūrṇaṃ kaunteyaḥ śatrusūdanaḥ ||
kaliṅgam abhidudrāva tiṣṭha tiṣṭheti cābravīt ||
tataḥ śrutāyur balavān bhīmāya niśitāñ śarān ||
preṣayām āsa saṃkruddho darśayan pāṇilāghavam ||
sa kārmukavarotsṛṣṭair navabhir niśitaiḥ śaraiḥ ||
samāhato bhṛśaṃ rājan kaliṅgena mahāyaśāḥ ||
saṃcukrudhe bhṛśaṃ bhīmo daṇḍāhata ivoragaḥ ||
kruddhaś ca cāpam āyamya balavad balināṃ varaḥ ||
kaliṅgam avadhīt pārtho bhīmaḥ saptabhir āyasaiḥ ||
kṣurābhyāṃ cakrarakṣau ca kaliṅgasya mahābalau ||
satyadevaṃ ca satyaṃ ca prāhiṇod yamasādanam ||
tataḥ punar ameyātmā nārācair niśitais tribhiḥ ||
ketumantaṃ raṇe bhīmo 'gamayad yamasādanam ||
tataḥ kaliṅgāḥ saṃkruddhā bhīmasenam amarṣaṇam ||
anīkair bahusāhasraiḥ kṣatriyāḥ samavārayan ||
tataḥ śaktigadākhaḍgatomararṣṭiparaśvadhaiḥ ||
kaliṅgāś ca tato rājan bhīmasenam avākiran ||
saṃnivārya sa tāṃ ghorāṃ śaravṛṣṭiṃ samutthitām ||
gadām ādāya tarasā pariplutya mahābalaḥ ||
bhīmaḥ saptaśatān vīrān anayad yamasādanam ||
punaś caiva dvisāhasrān kaliṅgān arimardanaḥ ||
prāhiṇon mṛtyulokāya tad adbhutam ivābhavat ||
Так многочисленная армия стремительных калингов, окружив в бою Бхишму, бросилась на Бхимасену. Тогда Бхима, увидев Шрутаюса во главе калингского войска, двинулся к нему, о лучший из Бхаратов. Калинга, увидев его приближение, девятью стрелами поразил безмерного духом Бхимасену в грудь. Поражённый стрелами Калинги, как слон, мучимый погонялом, Бхимасена вспыхнул гневом, как огонь от топлива. Тогда возничий Ашока подвёл Бхиме колесницу, украшенную золотом. Быстро взойдя на неё, Каунтея, губитель врагов, бросился на Калингу и сказал: “Стой! Стой!” Могучий Шрутаюс, разгневанный, послал в Бхиму острые стрелы, показывая ловкость руки. Великославный Бхима, сильно поражённый Калингой девятью острыми стрелами, выпущенными из лучшего лука, страшно разгневался, как змея, ударенная палкой. Разгневанный, лучший из сильных, он мощно натянул лук и семью железными стрелами убил Калингу. Двумя кшурами он отправил в обитель Ямы двух могучих защитников колёс Калинги — Сатьядеву и Сатью. Затем безмерный духом Бхима тремя острыми нарачами отправил в бою Кетуманта в обитель Ямы. Тогда разгневанные кшатрии-калинги многотысячными строями окружили гневного Бхимасену. Они осыпали Бхиму шакти, палицами, мечами, томарами, ришти и секирами, о царь. Отразив этот поднявшийся страшный ливень стрел, могучий Бхима быстро взял палицу, прыгнул вперёд и отправил семьсот героев в обитель Ямы. Затем сокрушитель врагов послал в мир смерти ещё две тысячи калингов, и это казалось чудом».
95afb96d5cf8 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Здесь ярость Бхимы становится ответом на прямое поражение и окружение. Важна точность эпизода: он не просто “разрушает войско”, а последовательно убивает Шрутаюса, его защитников и Кетуманта, ломая узлы вражеского строя.