कलिङ्गस् तु महेष्वासः पुत्रश् चास्य महारथः ॥
शक्रदेव इति ख्यातो जघ्नतुः पाण्डवं शरैः ॥
ततो भीमो महाबाहुर् विधुन्वन् रुचिरं धनुः ॥
योधयाम् आस कालिङ्गान् स्वबाहुबलम् आश्रितः ॥
शक्रदेवस् तु समरे विसृजन् सायकान् बहून् ॥
अश्वाञ् जघान समरे भीमसेनस्य सायकैः ॥
ववर्ष शरवर्षाणि तपान्ते जलदो यथा ॥
हताश्वे तु रथे तिष्ठन् भीमसेनो महाबलः ॥
शक्रदेवाय चिक्षेप सर्वशैक्यायसीं गदाम् ॥
स तया निहतो राजन् कलिङ्गस्य सुतो रथात् ॥
सध्वजः सह सूतेन जगाम धरणीतलम् ॥
हतम् आत्मसुतं दृष्ट्वा कलिङ्गानां जनाधिपः ॥
रथैर् अनेकसाहस्रैर् भिमस्यावारयद् दिशः ॥
ततो भीमो महाबाहुर् गुर्वीं त्यक्त्वा महागदाम् ॥
उद्बबर्हाथ निस्त्रिंशं चिकीर्षुः कर्म दारुणम् ॥
चर्म चाप्रतिमं राजन्न् आर्षभं पुरुषर्षभ ॥
नक्षत्रैर् अर्धचन्द्रैश् च शातकुम्भमयैश् चितम् ॥
कलिङ्गस् तु ततः क्रुद्धो धनुर्ज्याम् अवमृज्य ह ॥
प्रगृह्य च शरं घोरम् एकं सर्पविषोपमम् ॥
प्राहिणोद् भीमसेनाय वधाकाङ्क्षी जनेश्वरः ॥
तम् आपतन्तं वेगेन प्रेरितं निशितं शरम् ॥
भीमसेनो द्विधा राजंश् चिच्छेद विपुलासिना ॥
उदक्रोशच् च संहृष्टस् त्रासयानो वरूथिनीम् ॥
कलिङ्गस् तु ततः क्रुद्धो भीमसेनाय संयुगे ॥
तोमरान् प्राहिणोच् छीघ्रं चतुर्दश शिलाशितान् ॥
तान् अप्राप्तान् महाबाहुः खगतान् एव पाण्डवः ॥
चिच्छेद सहसा राजन्न् असंभ्रान्तो वरासिना ॥
निकृत्य तु रणे भीमस् तोमरान् वै चतुर्दश ॥
भानुमन्तम् अभिप्रेक्ष्य प्राद्रवत् पुरुषर्षभः ॥
भानुमांस् तु ततो भीमं शरवर्षेण छादयन् ॥
ननाद बलवन् नादं नादयानो नभस्तलम् ॥
न तं स ममृषे भीमः सिंहनादं महारणे ॥
ततः स्वरेण महता विननाद महास्वनम् ॥
तेन शब्देन वित्रस्ता कलिङ्गानां वरूथिनी ॥
न भीमं समरे मेने मानुषं भरतर्षभ ॥
kaliṅgas tu maheṣvāsaḥ putraś cāsya mahārathaḥ ||
śakradeva iti khyāto jaghnatuḥ pāṇḍavaṃ śaraiḥ ||
tato bhīmo mahābāhur vidhunvan ruciraṃ dhanuḥ ||
yodhayām āsa kāliṅgān svabāhubalam āśritaḥ ||
śakradevas tu samare visṛjan sāyakān bahūn ||
aśvāñ jaghāna samare bhīmasenasya sāyakaiḥ ||
vavarṣa śaravarṣāṇi tapānte jalado yathā ||
hatāśve tu rathe tiṣṭhan bhīmaseno mahābalaḥ ||
śakradevāya cikṣepa sarvaśaikyāyasīṃ gadām ||
sa tayā nihato rājan kaliṅgasya suto rathāt ||
sadhvajaḥ saha sūtena jagāma dharaṇītalam ||
hatam ātmasutaṃ dṛṣṭvā kaliṅgānāṃ janādhipaḥ ||
rathair anekasāhasrair bhimasyāvārayad diśaḥ ||
tato bhīmo mahābāhur gurvīṃ tyaktvā mahāgadām ||
udbabarhātha nistriṃśaṃ cikīrṣuḥ karma dāruṇam ||
carma cāpratimaṃ rājann ārṣabhaṃ puruṣarṣabha ||
nakṣatrair ardhacandraiś ca śātakumbhamayaiś citam ||
kaliṅgas tu tataḥ kruddho dhanurjyām avamṛjya ha ||
pragṛhya ca śaraṃ ghoram ekaṃ sarpaviṣopamam ||
prāhiṇod bhīmasenāya vadhākāṅkṣī janeśvaraḥ ||
tam āpatantaṃ vegena preritaṃ niśitaṃ śaram ||
bhīmaseno dvidhā rājaṃś ciccheda vipulāsinā ||
udakrośac ca saṃhṛṣṭas trāsayāno varūthinīm ||
kaliṅgas tu tataḥ kruddho bhīmasenāya saṃyuge ||
tomarān prāhiṇoc chīghraṃ caturdaśa śilāśitān ||
tān aprāptān mahābāhuḥ khagatān eva pāṇḍavaḥ ||
ciccheda sahasā rājann asaṃbhrānto varāsinā ||
nikṛtya tu raṇe bhīmas tomarān vai caturdaśa ||
bhānumantam abhiprekṣya prādravat puruṣarṣabhaḥ ||
bhānumāṃs tu tato bhīmaṃ śaravarṣeṇa chādayan ||
nanāda balavan nādaṃ nādayāno nabhastalam ||
na taṃ sa mamṛṣe bhīmaḥ siṃhanādaṃ mahāraṇe ||
tataḥ svareṇa mahatā vinanāda mahāsvanam ||
tena śabdena vitrastā kaliṅgānāṃ varūthinī ||
na bhīmaṃ samare mene mānuṣaṃ bharatarṣabha ||
Калинга, великий лучник, и его сын, великий ратхин, известный как Шакрадева, поразили Пандаву стрелами. Тогда сильнорукий Бхима, потрясая прекрасный лук и полагаясь на силу собственных рук, сражался с калингами. Шакрадева в бою, выпуская множество стрел, сразил стрелами коней Бхимасены и пролил на него ливни стрел, как туча в конце жары. Стоя на колеснице с убитыми конями, могучий Бхимасена метнул в Шакрадеву цельножелезную палицу. Сын Калинги, убитый ею, вместе со стягом и возничим рухнул с колесницы на землю, о царь. Увидев убитого сына, правитель калингов тысячами колесниц закрыл Бхиме все стороны. Тогда сильнорукий Бхима, оставив тяжёлую великую палицу, вынул меч, желая совершить страшное дело, и взял несравненный щит из бычьей кожи, украшенный золотыми звёздами и полумесяцами, о лучший из людей. Разгневанный Калинга натянул тетиву, взял одну страшную стрелу, подобную змеиному яду, и, желая убить Бхимасену, послал её в него, о владыка людей. Бхима широким мечом рассёк надвое эту острую стрелу, стремительно летевшую к нему, и радостно вскричал, устрашая вражеский строй. Тогда разгневанный Калинга быстро метнул в Бхимасену четырнадцать томаров, отточенных на камне. Могучерукий Пандава, невозмутимый, разрубил их лучшим мечом прямо в воздухе, пока они ещё не достигли его. Разрубив в бою четырнадцать томаров, Бхима, лучший из людей, увидел Бхануманта и бросился к нему. Бханумант покрыл Бхиму дождём стрел и издал могучий крик, заставляя звучать небосвод. Но Бхима не стерпел этого львиного клича в великом бою и сам заревел огромным голосом. От этого звука строй калингов устрашился и уже не считал Бхиму в сражении человеком, о лучший из Бхаратов».
1d436a15da51 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Глава постепенно переводит Бхиму из образа колесничего героя в образ пешей разрушительной силы. Но этот ужас для врагов остаётся частью защиты Пандавов: его гнев направлен на тех, кто окружил и давит его сторону.