संजय उवाच
गतपूर्वाह्णभूयिष्ठे तस्मिन्न् अहनि भारत ॥
जयं प्राप्तेषु हृष्टेषु पाण्डवेषु महात्मसु ॥
सर्वधर्मविशेषज्ञः पिता देवव्रतस् तव ॥
अभ्ययाज् जवनैर् अश्वैः पाण्डवानाम् अनीकिनीम् ॥
महत्या सेनया गुप्तस् तव पुत्रैश् च सर्वशः ॥
प्रावर्तत ततो युद्धं तुमुलं लोमहर्षणम् ॥
अस्माकं पाण्डवैः सार्धम् अनयात् तव भारत ॥
धनुषां कूजतां तत्र तलानां चाभिहन्यताम् ॥
महान् समभवच् छब्दो गिरीणाम् इव दीर्यताम् ॥
तिष्ठ स्थितो ऽस्मि विद्ध्य् एनं निवर्तस्व स्थिरो भव ॥
स्थितो ऽस्मि प्रहरस्वेति शब्दाः श्रूयन्त सर्वशः ॥
काञ्चनेषु तनुत्रेषु किरीटेषु ध्वजेषु च ॥
शिलानाम् इव शैलेषु पतितानाम् अभूत् स्वनः ॥
पतितान्य् उत्तमाङ्गानि बाहवश् च विभूषिताः ॥
व्यचेष्टन्त महीं प्राप्य शतशो ऽथ सहस्रशः ॥
हृतोत्तमाङ्गाः के चित् तु तथैवोद्यतकार्मुकाः ॥
प्रगृहीतायुधाश् चापि तस्थुः पुरुषसत्तमाः ॥
प्रावर्तत महावेगा नदी रुधिरवाहिनी ॥
मातङ्गाङ्गशिलारौद्रा मांसशोणितकर्दमा ॥
वराश्वनरनागानां शरीरप्रभवा तदा ॥
परलोकार्णवमुखी गृध्रगोमायुमोदिनी ॥
न दृष्टं न श्रुतं चापि युद्धम् एतादृशं नृप ॥
यथा तव सुतानां च पाण्डवानां च भारत ॥
नासीद् रथपथस् तत्र योधैर् युधि निपातितैः ॥
गजैश् च पतितैर् नीलैर् गिरिशृङ्गैर् इवावृतम् ॥
विकीर्णैः कवचैश् चित्रैर् ध्वजैश् छत्रैश् च मारिष ॥
शुशुभे तद् रणस्थानं शरदीव नभस्तलम् ॥
विनिर्भिन्नाः शरैः के चिद् अन्तपीडाविकर्षिणः ॥
अभीताः समरे शत्रून् अभ्यधावन्त दंशिताः ॥
तात भ्रातः सखे बन्धो वयस्य मम मातुल ॥
मा मां परित्यजेत्य् अन्ये चुक्रुशुः पतिता रणे ॥
आधावाभ्येहि मा गच्छ किं भीतो ऽसि क्व यास्यसि ॥
स्थितो ऽहं समरे मा भैर् इति चान्ये विचुक्रुशुः ॥
saṃjaya uvāca
gatapūrvāhṇabhūyiṣṭhe tasminn ahani bhārata ||
jayaṃ prāpteṣu hṛṣṭeṣu pāṇḍaveṣu mahātmasu ||
sarvadharmaviśeṣajñaḥ pitā devavratas tava ||
abhyayāj javanair aśvaiḥ pāṇḍavānām anīkinīm ||
mahatyā senayā guptas tava putraiś ca sarvaśaḥ ||
prāvartata tato yuddhaṃ tumulaṃ lomaharṣaṇam ||
asmākaṃ pāṇḍavaiḥ sārdham anayāt tava bhārata ||
dhanuṣāṃ kūjatāṃ tatra talānāṃ cābhihanyatām ||
mahān samabhavac chabdo girīṇām iva dīryatām ||
tiṣṭha sthito 'smi viddhy enaṃ nivartasva sthiro bhava ||
sthito 'smi praharasveti śabdāḥ śrūyanta sarvaśaḥ ||
kāñcaneṣu tanutreṣu kirīṭeṣu dhvajeṣu ca ||
śilānām iva śaileṣu patitānām abhūt svanaḥ ||
patitāny uttamāṅgāni bāhavaś ca vibhūṣitāḥ ||
vyaceṣṭanta mahīṃ prāpya śataśo 'tha sahasraśaḥ ||
hṛtottamāṅgāḥ ke cit tu tathaivodyatakārmukāḥ ||
pragṛhītāyudhāś cāpi tasthuḥ puruṣasattamāḥ ||
prāvartata mahāvegā nadī rudhiravāhinī ||
mātaṅgāṅgaśilāraudrā māṃsaśoṇitakardamā ||
varāśvanaranāgānāṃ śarīraprabhavā tadā ||
paralokārṇavamukhī gṛdhragomāyumodinī ||
na dṛṣṭaṃ na śrutaṃ cāpi yuddham etādṛśaṃ nṛpa ||
yathā tava sutānāṃ ca pāṇḍavānāṃ ca bhārata ||
nāsīd rathapathas tatra yodhair yudhi nipātitaiḥ ||
gajaiś ca patitair nīlair giriśṛṅgair ivāvṛtam ||
vikīrṇaiḥ kavacaiś citrair dhvajaiś chatraiś ca māriṣa ||
śuśubhe tad raṇasthānaṃ śaradīva nabhastalam ||
vinirbhinnāḥ śaraiḥ ke cid antapīḍāvikarṣiṇaḥ ||
abhītāḥ samare śatrūn abhyadhāvanta daṃśitāḥ ||
tāta bhrātaḥ sakhe bandho vayasya mama mātula ||
mā māṃ parityajety anye cukruśuḥ patitā raṇe ||
ādhāvābhyehi mā gaccha kiṃ bhīto 'si kva yāsyasi ||
sthito 'haṃ samare mā bhair iti cānye vicukruśuḥ ||
Санджая сказал: «В тот день, о Бхарата, когда большая часть утра уже прошла и великодушные Пандавы радовались достигнутому успеху, твой отец Деваврата, знаток всех тонкостей дхармы, на быстрых конях двинулся на войско Пандавов. Его прикрывала великая армия, и со всех сторон — твои сыновья. Тогда между нашими и Пандавами началось оглушительное, заставляющее волосы подниматься сражение, вызванное твоим безрассудством, о Бхарата. Гул звенящих луков и хлопающих тетив был подобен треску раскалывающихся гор. Повсюду слышались крики: “Стой!”, “Я стою!”, “Порази его!”, “Вернись!”, “Будь твёрд!”, “Бей, я на месте!” Удары по золотым доспехам, шлемам и знамёнам гремели, словно камни, падающие на скалы. Отсечённые головы и украшенные руки сотнями и тысячами, упав на землю, ещё дёргались; некоторые лучшие воины стояли без голов, всё ещё с поднятыми луками и оружием в руках. Разлилась стремительная кровавая река: страшная телами слонов, мутная мясом и кровью, возникшая из тел лучших коней, людей и слонов, текущая к океану иного мира и радующая грифов с шакалами. О царь, не было ни видано, ни слышано сражения, подобного битве твоих сыновей с Пандавами. Из-за павших воинов и тёмных слонов там не осталось колесничного пути: всё было загромождено, как горными вершинами. Разбросанные пёстрые доспехи, знамёна и зонты делали поле боя похожим на осенний небосвод, о почтенный. Одни, пронзённые стрелами, вырывавшими внутренности, всё же бесстрашно бросались на врагов; другие, павшие в бою, кричали: “Отец! Брат! Друг! Родич! Ровесник! Дядя! Не бросай меня!” Иные вопили: “Беги сюда! Подойди! Не уходи! Чего ты испугался? Куда уйдёшь? Я стою в бою, не бойся!”»
78382ae1c09f · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Санджая не скрывает причины бойни: он прямо говорит, что это сражение вызвано безрассудством Дхритараштры. Картина поля боя показывает цену политической слепоты: красивые знамёна и золотые доспехи мгновенно становятся украшением кровавой реки.