स तान् अभीषून् पुनर् आददानः; प्रगृह्य शङ्खं द्विषतां निहन्ता ॥
विनादयाम् आस ततो दिशश् च; स पाञ्चजन्यस्य रवेण शौरिः ॥
व्याविद्धनिष्काङ्गदकुण्डलं तं; रजोविकीर्णाञ्चितपक्ष्मनेत्रम् ॥
विशुद्धदंष्ट्रं प्रगृहीतशङ्खं; विचुक्रुशुः प्रेक्ष्य कुरुप्रवीराः ॥
मृदङ्गभेरीपटहप्रणादा; नेमिस्वना दुन्दुभिनिस्वनाश् च ॥
ससिंहनादाश् च बभूवुर् उग्राः; सर्वेष्व् अनीकेषु ततः कुरूणाम् ॥
गाण्डीवघोषः स्तनयित्नुकल्पो; जगाम पार्थस्य नभो दिशश् च ॥
जग्मुश् च बाणा विमलाः प्रसन्नाः; सर्वा दिशः पाण्डवचापमुक्ताः ॥
तं कौरवाणाम् अधिपो बलेन; भीष्मेण भूरिश्रवसा च सार्धम् ॥
अभ्युद्ययाव् उद्यतबाणपाणिः; कक्षं दिधक्षन्न् इव धूमकेतुः ॥
अथार्जुनाय प्रजहार भल्लान्; भूरिश्रवाः सप्त सुवर्णपुङ्खान् ॥
दुर्योधनस् तोमरम् उग्रवेगं; शल्यो गदां शांतनवश् च शक्तिम् ॥
स सप्तभिः सप्त शरप्रवेकान्; संवार्य भूरिश्रवसा विसृष्टान् ॥
शितेन दुर्योधनबाहुमुक्तं; क्षुरेण तत् तोमरम् उन्ममाथ ॥
ततः शुभाम् आपततीं स शक्तिं; विद्युत्प्रभां शांतनवेन मुक्ताम् ॥
गदां च मद्राधिपबाहुमुक्तां; द्वाभ्यां शराभ्यां निचकर्त वीरः ॥
ततो भुजाभ्यां बलवद् विकृष्य; चित्रं धनुर् गाण्डिवम् अप्रमेयम् ॥
माहेन्द्रम् अस्त्रं विधिवत् सुघोरं; प्रादुश्चकाराद्भुतम् अन्तरिक्षे ॥
तेनोत्तमास्त्रेण ततो महात्मा; सर्वाण्य् अनीकानि महाधनुष्मान् ॥
शरौघजालैर् विमलाग्निवर्णैर्; निवारयाम् आस किरीटमाली ॥
शिलीमुखाः पार्थधनुःप्रमुक्ता; रथान् ध्वजाग्राणि धनूंषि बाहून् ॥
निकृत्य देहान् विविशुः परेषां; नरेन्द्रनागेन्द्रतुरंगमाणाम् ॥
ततो दिशश् चानुदिशश् च पार्थः; शरैः सुधारैर् निशितैर् वितत्य ॥
गाण्डीवशब्देन मनांसि तेषां; किरीटमाली व्यथयां चकार ॥
तस्मिंस् तथा घोरतमे प्रवृत्ते; शङ्खस्वना दुन्दुभिनिस्वनाश् च ॥
अन्तर्हिता गाण्डिवनिस्वनेन; भभूवुर् उग्राश् च रणप्रणादाः ॥
गाण्डीवशब्दं तम् अथो विदित्वा; विराटराजप्रमुखा नृवीराः ॥
पाञ्चालराजो द्रुपदश् च वीरस्; तं देशम् आजग्मुर् अदीनसत्त्वाः ॥
सर्वाणि सैन्यानि तु तावकानि; यतो यतो गाण्डिवजः प्रणादः ॥
ततस् ततः संनतिम् एव जग्मुर्; न तं प्रतीपो ऽभिससार कश् चित् ॥
sa tān abhīṣūn punar ādadānaḥ; pragṛhya śaṅkhaṃ dviṣatāṃ nihantā ||
vinādayām āsa tato diśaś ca; sa pāñcajanyasya raveṇa śauriḥ ||
vyāviddhaniṣkāṅgadakuṇḍalaṃ taṃ; rajovikīrṇāñcitapakṣmanetram ||
viśuddhadaṃṣṭraṃ pragṛhītaśaṅkhaṃ; vicukruśuḥ prekṣya kurupravīrāḥ ||
mṛdaṅgabherīpaṭahapraṇādā; nemisvanā dundubhinisvanāś ca ||
sasiṃhanādāś ca babhūvur ugrāḥ; sarveṣv anīkeṣu tataḥ kurūṇām ||
gāṇḍīvaghoṣaḥ stanayitnukalpo; jagāma pārthasya nabho diśaś ca ||
jagmuś ca bāṇā vimalāḥ prasannāḥ; sarvā diśaḥ pāṇḍavacāpamuktāḥ ||
taṃ kauravāṇām adhipo balena; bhīṣmeṇa bhūriśravasā ca sārdham ||
abhyudyayāv udyatabāṇapāṇiḥ; kakṣaṃ didhakṣann iva dhūmaketuḥ ||
athārjunāya prajahāra bhallān; bhūriśravāḥ sapta suvarṇapuṅkhān ||
duryodhanas tomaram ugravegaṃ; śalyo gadāṃ śāṃtanavaś ca śaktim ||
sa saptabhiḥ sapta śarapravekān; saṃvārya bhūriśravasā visṛṣṭān ||
śitena duryodhanabāhumuktaṃ; kṣureṇa tat tomaram unmamātha ||
tataḥ śubhām āpatatīṃ sa śaktiṃ; vidyutprabhāṃ śāṃtanavena muktām ||
gadāṃ ca madrādhipabāhumuktāṃ; dvābhyāṃ śarābhyāṃ nicakarta vīraḥ ||
tato bhujābhyāṃ balavad vikṛṣya; citraṃ dhanur gāṇḍivam aprameyam ||
māhendram astraṃ vidhivat sughoraṃ; prāduścakārādbhutam antarikṣe ||
tenottamāstreṇa tato mahātmā; sarvāṇy anīkāni mahādhanuṣmān ||
śaraughajālair vimalāgnivarṇair; nivārayām āsa kirīṭamālī ||
śilīmukhāḥ pārthadhanuḥpramuktā; rathān dhvajāgrāṇi dhanūṃṣi bāhūn ||
nikṛtya dehān viviśuḥ pareṣāṃ; narendranāgendraturaṃgamāṇām ||
tato diśaś cānudiśaś ca pārthaḥ; śaraiḥ sudhārair niśitair vitatya ||
gāṇḍīvaśabdena manāṃsi teṣāṃ; kirīṭamālī vyathayāṃ cakāra ||
tasmiṃs tathā ghoratame pravṛtte; śaṅkhasvanā dundubhinisvanāś ca ||
antarhitā gāṇḍivanisvanena; bhabhūvur ugrāś ca raṇapraṇādāḥ ||
gāṇḍīvaśabdaṃ tam atho viditvā; virāṭarājapramukhā nṛvīrāḥ ||
pāñcālarājo drupadaś ca vīras; taṃ deśam ājagmur adīnasattvāḥ ||
sarvāṇi sainyāni tu tāvakāni; yato yato gāṇḍivajaḥ praṇādaḥ ||
tatas tataḥ saṃnatim eva jagmur; na taṃ pratīpo 'bhisasāra kaś cit ||
Снова взяв поводья и подняв раковину, Шаури, губитель врагов, огласил все стороны звуком Панчаджаньи. Лучшие воины Куру закричали, увидев Его с качающимися ожерельем, браслетами и серьгами, с глазами, чьи ресницы были покрыты пылью, с чистыми зубами и поднятой раковиной. Тогда во всех строях Куру поднялись грозные звуки мриданг, бхери, патах, гул колёс, дундубхи и львиные кличи. Громоподобный гул Гандивы Партхи пошёл в небо и во все стороны, и чистые сияющие стрелы, выпущенные из лука Пандавы, полетели во всех направлениях. Владыка кауравов вместе с войском, Бхишмой и Бхуришравасом выступил против него с поднятой стрелой в руке, словно комета, желающая сжечь сухую траву. Бхуришравас выпустил в Арджуну семь златопёрых бхалл, Дурьодхана — страшно быструю томару, Шалья — палицу, а Шантанава — шакти. Семью стрелами Арджуна отразил семь лучших стрел Бхуришраваса; острой кшурой разнёс томару, выпущенную рукой Дурьодханы; а летевшие к нему молниесияющую шакти Бхишмы и палицу, пущенную рукой владыки мадров, герой рассёк двумя стрелами. Затем, мощно натянув обеими руками дивную неизмеримую Гандиву, он по правилу явил в воздухе чудесное и ужаснейшее оружие Индры. Этой высшей астрой великодушный Киритин, великий лучник, остановил все войска сетями чистых огненных потоков стрел. Стрелы, выпущенные из лука Партхи, разрубали колесницы, верхушки стягов, луки и руки и входили в тела врагов: царей, огромных слонов и коней. Заполнив все стороны и межсторонья острыми режущими стрелами, увенчанный Киритой Арджуна гулом Гандивы потряс их сердца. Когда началось это страшнейшее наступление, звуки раковин, дундубхи и грозный боевой шум были заглушены гулом Гандивы. Услышав этот звук Гандивы, герои во главе с царём Виратой и герой Друпада, царь Панчалы, подошли к тому месту с неупавшим духом. А все твои войска, где бы ни раздавался гул Гандивы, там сразу склонялись; никто не выступал ему навстречу».
3892bf7b172d · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Когда Кришна возвращается на колесницу, Арджуна наконец действует без прежней мягкости. Сила Гандивы здесь не отделена от присутствия Кришны: решимость воина становится полной, когда она соединена с водительством Господа.