ततस् तत् पुनर् आवृत्तं युधिष्ठिरबलं महत् ॥
दृष्ट्वा पार्थं महाबाहुं भीष्मायोद्यन्तम् आहवे ॥
ततो भीष्मः कुरुश्रेष्ठः सिंहवद् विनदन् मुहुः ॥
धनंजयरथं शीघ्रं शरवर्षैर् अवाकिरत् ॥
क्षणेन स रथस् तस्य सहयः सहसारथिः ॥
शरवर्षेण महता न प्राज्ञायत किं चन ॥
वासुदेवस् त्व् असंभ्रान्तो धैर्यम् आस्थाय सात्वतः ॥
चोदयाम् आस तान् अश्वान् वितुन्नान् भीष्मसायकैः ॥
ततः पार्थो धनुर् गृह्य दिव्यं जलदनिस्वनम् ॥
पातयाम् आस भीष्मस्य धनुश् छित्त्वा शितैः शरैः ॥
स च्छिन्नधन्वा कौरव्यः पुनर् अन्यन् महद् धनुः ॥
निमेषान्तरमात्रेण सज्यं चक्रे पिता तव ॥
विचकर्ष ततो दोर्भ्यां धनुर् जलदनिस्वनम् ॥
अथास्य तद् अपि क्रुद्धश् चिच्छेद धनुर् अर्जुनः ॥
तस्य तत् पूजयाम् आस लाघवं शंतनोः सुतः ॥
साधु पार्थ महाबाहो साधु कुन्तीसुतेति च ॥
समाभाष्यैनम् अपरं प्रगृह्य रुचिरं धनुः ॥
मुमोच समरे भीष्मः शरान् पार्थरथं प्रति ॥
अदर्शयद् वासुदेवो हययाने परं बलम् ॥
मोघान् कुर्वञ् शरांस् तस्य मण्डलानि विदर्शयन् ॥
शुशुभाते नरव्याघ्रौ भीष्मपार्थौ शरक्षतौ ॥
गोवृषाव् इव संरब्धौ विषाणोल्लिखिताङ्कितौ ॥
tatas tat punar āvṛttaṃ yudhiṣṭhirabalaṃ mahat ||
dṛṣṭvā pārthaṃ mahābāhuṃ bhīṣmāyodyantam āhave ||
tato bhīṣmaḥ kuruśreṣṭhaḥ siṃhavad vinadan muhuḥ ||
dhanaṃjayarathaṃ śīghraṃ śaravarṣair avākirat ||
kṣaṇena sa rathas tasya sahayaḥ sahasārathiḥ ||
śaravarṣeṇa mahatā na prājñāyata kiṃ cana ||
vāsudevas tv asaṃbhrānto dhairyam āsthāya sātvataḥ ||
codayām āsa tān aśvān vitunnān bhīṣmasāyakaiḥ ||
tataḥ pārtho dhanur gṛhya divyaṃ jaladanisvanam ||
pātayām āsa bhīṣmasya dhanuś chittvā śitaiḥ śaraiḥ ||
sa cchinnadhanvā kauravyaḥ punar anyan mahad dhanuḥ ||
nimeṣāntaramātreṇa sajyaṃ cakre pitā tava ||
vicakarṣa tato dorbhyāṃ dhanur jaladanisvanam ||
athāsya tad api kruddhaś ciccheda dhanur arjunaḥ ||
tasya tat pūjayām āsa lāghavaṃ śaṃtanoḥ sutaḥ ||
sādhu pārtha mahābāho sādhu kuntīsuteti ca ||
samābhāṣyainam aparaṃ pragṛhya ruciraṃ dhanuḥ ||
mumoca samare bhīṣmaḥ śarān pārtharathaṃ prati ||
adarśayad vāsudevo hayayāne paraṃ balam ||
moghān kurvañ śarāṃs tasya maṇḍalāni vidarśayan ||
śuśubhāte naravyāghrau bhīṣmapārthau śarakṣatau ||
govṛṣāv iva saṃrabdhau viṣāṇollikhitāṅkitau ||
Тогда великое войско Юдхиштхиры снова повернулось, увидев, что сильнорукий Партха в бою идёт на Бхишму. Бхишма, лучший из Куру, многократно рыча словно лев, быстро осыпал колесницу Дхананджаи дождями стрел. В одно мгновение его колесница вместе с конями и возницей стала неразличима под огромным ливнем стрел. Но Васудева, Сатвата, не смутившись и утвердившись в стойкости, направлял коней, пронзённых стрелами Бхишмы. Затем Партха взял свой дивный лук, гремящий как туча, и острыми стрелами рассёк лук Бхишмы, сбив его. Твой отец, Кауравья, оставшись с разрубленным луком, в одно мгновение взял другой великий лук и натянул тетиву. Он растянул руками лук, гремящий как туча, но разгневанный Арджуна рассёк и этот его лук. Сын Шантану восхитился его ловкостью и сказал: “Хорошо, Партха, сильнорукий! Хорошо, сын Кунти!” Затем, обратившись к нему так, Бхишма взял другой прекрасный лук и в бою выпустил стрелы в колесницу Партхи. Васудева явил высшее искусство управления конями: он делал стрелы Бхишмы тщетными, показывая круговые движения. Бхишма и Партха, два тигра среди людей, израненные стрелами, сияли словно два разъярённых быка, исчерченные рогами».
b2df807f4a73 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Дуэль Бхишмы и Арджуны держится на взаимном признании мастерства. Бхишма хвалит Арджуну прямо среди боя, а Кришна показывает, что защита колесницы тоже является формой высшей доблести.