संजय उवाच
ततः पिता तव क्रुद्धो निशितैः सायकोत्तमैः ॥
आजघान रणे पार्थान् सहसेनान् समन्ततः ॥
भीमं द्वादशभिर् विद्ध्वा सात्यकिं नवभिः शरैः ॥
नकुलं च त्रिभिर् बाणैः सहदेवं च सप्तभिः ॥
युधिष्ठिरं द्वादशभिर् बाह्वोर् उरसि चार्पयत् ॥
धृष्टद्युम्नं ततो विद्ध्वा विननाद महाबलः ॥
तं द्वादशार्धैर् नकुलो माधवश् च त्रिभिः शरैः ॥
धृष्टद्युम्नश् च सप्तत्या भीमसेनश् च पञ्चभिः ॥
युधिष्ठिरो द्वादशभिः प्रत्यविध्यत् पितामहम् ॥
द्रोणस् तु सात्यकिं विद्ध्वा भीमसेनम् अविध्यत ॥
एकैकं पञ्चभिर् बाणैर् यमदण्डोपमैः शितैः ॥
तौ च तं प्रत्यविध्येतां त्रिभिस् त्रिभिर् अजिह्मगैः ॥
तोत्त्रैर् इव महानागं द्रोणं ब्राह्मणपुंगवम् ॥
सौवीराः कितवाः प्राच्याः प्रतीच्योदीच्यमालवाः ॥
अभीषाहाः शूरसेनाः शिबयो ऽथ वसातयः ॥
संग्रामे नाजहुर् भीष्मं वध्यमानाः शितैः शरैः ॥
तथैवान्ये वध्यमानाः पाण्डवेयैर् महात्मभिः ॥
पाण्डवान् अभ्यवर्तन्त विविधायुधपाणयः ॥
तथैव पाण्डवा राजन् परिवव्रुः पितामहम् ॥
saṃjaya uvāca
tataḥ pitā tava kruddho niśitaiḥ sāyakottamaiḥ ||
ājaghāna raṇe pārthān sahasenān samantataḥ ||
bhīmaṃ dvādaśabhir viddhvā sātyakiṃ navabhiḥ śaraiḥ ||
nakulaṃ ca tribhir bāṇaiḥ sahadevaṃ ca saptabhiḥ ||
yudhiṣṭhiraṃ dvādaśabhir bāhvor urasi cārpayat ||
dhṛṣṭadyumnaṃ tato viddhvā vinanāda mahābalaḥ ||
taṃ dvādaśārdhair nakulo mādhavaś ca tribhiḥ śaraiḥ ||
dhṛṣṭadyumnaś ca saptatyā bhīmasenaś ca pañcabhiḥ ||
yudhiṣṭhiro dvādaśabhiḥ pratyavidhyat pitāmaham ||
droṇas tu sātyakiṃ viddhvā bhīmasenam avidhyata ||
ekaikaṃ pañcabhir bāṇair yamadaṇḍopamaiḥ śitaiḥ ||
tau ca taṃ pratyavidhyetāṃ tribhis tribhir ajihmagaiḥ ||
tottrair iva mahānāgaṃ droṇaṃ brāhmaṇapuṃgavam ||
sauvīrāḥ kitavāḥ prācyāḥ pratīcyodīcyamālavāḥ ||
abhīṣāhāḥ śūrasenāḥ śibayo 'tha vasātayaḥ ||
saṃgrāme nājahur bhīṣmaṃ vadhyamānāḥ śitaiḥ śaraiḥ ||
tathaivānye vadhyamānāḥ pāṇḍaveyair mahātmabhiḥ ||
pāṇḍavān abhyavartanta vividhāyudhapāṇayaḥ ||
tathaiva pāṇḍavā rājan parivavruḥ pitāmaham ||
Санджая сказал: «Затем твой отец, разгневавшись, со всех сторон поразил в бою Партхов вместе с их войсками острыми превосходными стрелами. Он ранил Бхиму двенадцатью стрелами, Сатьяки — девятью, Накулу — тремя, Сахадеву — семью, а Юдхиштхире вонзил двенадцать стрел в руки и грудь. Потом, ранив Дхриштадьюмну, могучий Бхишма громко зарычал. Накула поразил его шестью стрелами, Мадхава-Сатьяки — тремя, Дхриштадьюмна — семьюдесятью, Бхимасена — пятью, а Юдхиштхира — двенадцатью; так они в ответ ранили питамаху. Дрона же, ранив Сатьяки, ударил Бхимасену и каждого из них пятью острыми стрелами, подобными посоху Ямы. А они оба в ответ пронзили Дрону, лучшего брахмана, каждый тремя прямыми стрелами, словно стрекалами великого слона. Саувиры, Китавы, восточные, западные и северные Малавы, Абхишахи, Шурасены, Шибии и Васати, хотя их поражали острыми стрелами, не оставили Бхишму в сражении. Так же и другие, избиваемые великими Пандавами, наступали на Пандавов с разным оружием в руках, а Пандавы, царь, окружили питамаху».
672b620aa569 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Начало главы показывает обе силы одновременно: Бхишма и Дрона обрушивают удары на Пандавов, но Пандавы не отступают от окружения Бхишмы. Центральная точка боя остаётся прежней — питамаха, вокруг которого сходятся верность, долг и опасность.