तौ रथस्थौ नरव्याघ्रौ भीष्मः शांतनवः पुनः ॥
ववर्ष शरवर्षेण मेघो वृष्ट्या यथाचलौ ॥
प्राणांश् चादत्त योधानां पिता देवव्रतस् तव ॥
गभस्तिभिर् इवादित्यस् तेजांसि शिशिरात्यये ॥
यथा कुरूणां सैन्यानि बभञ्ज युधि पाण्डवः ॥
तथा पाण्डवसैन्यानि बभञ्ज युधि ते पिता ॥
हतविद्रुतसैन्यास् तु निरुत्साहा विचेतसः ॥
निरीक्षितुं न शेकुस् ते भीष्मम् अप्रतिमं रणे ॥
मध्यं गतम् इवादित्यं प्रतपन्तं स्वतेजसा ॥
ते वध्यमाना भीष्मेण कालेनेव युगक्षये ॥
वीक्षां चक्रुर् महाराज पाण्डवा भयपीडिताः ॥
त्रातारं नाध्यगच्छन्त गावः पङ्कगता इव ॥
पिपीलिका इव क्षुण्णा दुर्बला बलिना रणे ॥
महारथं भारत दुष्प्रधर्षं; शरौघिणं प्रतपन्तं नरेन्द्रान् ॥
भीष्मं न शेकुः प्रतिवीक्षितुं ते; शरार्चिषं सूर्यम् इवातपन्तम् ॥
विमृद्नतस् तस्य तु पाण्डुसेनाम्; अस्तं जगामाथ सहस्ररश्मिः ॥
ततो बलानां श्रमकर्शितानां; मनो ऽवहारं प्रति संबभूव ॥
tau rathasthau naravyāghrau bhīṣmaḥ śāṃtanavaḥ punaḥ ||
vavarṣa śaravarṣeṇa megho vṛṣṭyā yathācalau ||
prāṇāṃś cādatta yodhānāṃ pitā devavratas tava ||
gabhastibhir ivādityas tejāṃsi śiśirātyaye ||
yathā kurūṇāṃ sainyāni babhañja yudhi pāṇḍavaḥ ||
tathā pāṇḍavasainyāni babhañja yudhi te pitā ||
hatavidrutasainyās tu nirutsāhā vicetasaḥ ||
nirīkṣituṃ na śekus te bhīṣmam apratimaṃ raṇe ||
madhyaṃ gatam ivādityaṃ pratapantaṃ svatejasā ||
te vadhyamānā bhīṣmeṇa kāleneva yugakṣaye ||
vīkṣāṃ cakrur mahārāja pāṇḍavā bhayapīḍitāḥ ||
trātāraṃ nādhyagacchanta gāvaḥ paṅkagatā iva ||
pipīlikā iva kṣuṇṇā durbalā balinā raṇe ||
mahārathaṃ bhārata duṣpradharṣaṃ; śaraughiṇaṃ pratapantaṃ narendrān ||
bhīṣmaṃ na śekuḥ prativīkṣituṃ te; śarārciṣaṃ sūryam ivātapantam ||
vimṛdnatas tasya tu pāṇḍusenām; astaṃ jagāmātha sahasraraśmiḥ ||
tato balānāṃ śramakarśitānāṃ; mano 'vahāraṃ prati saṃbabhūva ||
Когда эти два тигра среди людей снова стояли на колеснице, Бхишма, сын Шантану, вновь осыпал их дождём стрел, как облако дождём орошает горы. Твой отец Деваврата отнимал жизни воинов, как солнце своими лучами отнимает сияние в конце холодов. Как Пандава в бою сокрушал войска Куру, так и твой отец в бою сокрушал войска Пандавов. Их армии были убиты и обращены в бегство; лишённые рвения и смятённые, они не могли смотреть на несравненного Бхишму в бою, сияющего своим жаром словно солнце в зените. Пандавские воины, поражаемые Бхишмой, словно Калой при конце юги, мучимые страхом, озирались, но не находили защитника — как коровы, попавшие в трясину, как слабые муравьи, раздавленные сильным в бою. Они не могли смотреть на этого трудноодолимого махаратху, о Бхарата, на Бхишму, изливающего стрелы и палящего царей, словно жаркое солнце с лучами-стрелами. Пока он сминал войско Панду, тысячелучевое солнце зашло. Тогда у войск, истощённых усталостью, появилась мысль об отводе».
580188e53fc3 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
После вспышки Кришны и обещания Арджуны бой не заканчивается: Бхишма снова давит Пандавское войско до самого заката. Глава оставляет ощущение незавершённого долга: решение принято, но его плод ещё впереди.