संजय उवाच
युध्यताम् एव तेषां तु भास्करे ऽस्तम् उपागते ॥
संध्या समभवद् घोरा नापश्याम ततो रणम् ॥
ततो युधिष्ठिरो राजा संध्यां संदृश्य भारत ॥
वध्यमानं बलं चापि भीष्मेणामित्रघातिना ॥
मुक्तशस्त्रं परावृत्तं पलायनपरायणम् ॥
भीष्मं च युधि संरब्धम् अनुयान्तं महारथान् ॥
सोमकांश् च जितान् दृष्ट्वा निरुत्साहान् महारथान् ॥
चिन्तयित्वा चिरं ध्यात्वा अवहारम् अरोचयत् ॥
ततो ऽवहारं सैन्यानां चक्रे राजा युधिष्ठिरः ॥
तथैव तव सैन्यानाम् अवहारो ह्य् अभूत् तदा ॥
ततो ऽवहारं सैन्यानां कृत्वा तत्र महारथाः ॥
न्यविशन्त कुरुश्रेष्ठ संग्रामे क्षतविक्षताः ॥
भीष्मस्य समरे कर्म चिन्तयानास् तु पाण्डवाः ॥
नालभन्त तदा शान्तिं भृशं भीष्मेण पीडिताः ॥
भीष्मो ऽपि समरे जित्वा पाण्डवान् सह सृञ्जयैः ॥
पूज्यमानस् तव सुतैर् वन्द्यमानश् च भारत ॥
न्यविशत् कुरुभिः सार्धं हृष्टरूपैः समन्ततः ॥
ततो रात्रिः समभवत् सर्वभूतप्रमोहिनी ॥
तस्मिन् रात्रिमुखे घोरे पाण्डवा वृष्णिभिः सह ॥
सृञ्जयाश् च दुराधर्षा मन्त्राय समुपाविशन् ॥
आत्मनिःश्रेयसं सर्वे प्राप्तकालं महाबलाः ॥
मन्त्रयाम् आसुर् अव्यग्रा मन्त्रनिश्चयकोविदाः ॥
ततो युधिष्ठिरो राजा मन्त्रयित्वा चिरं नृप ॥
वासुदेवं समुद्वीक्ष्य वाक्यम् एतद् उवाच ह ॥
saṃjaya uvāca
yudhyatām eva teṣāṃ tu bhāskare 'stam upāgate ||
saṃdhyā samabhavad ghorā nāpaśyāma tato raṇam ||
tato yudhiṣṭhiro rājā saṃdhyāṃ saṃdṛśya bhārata ||
vadhyamānaṃ balaṃ cāpi bhīṣmeṇāmitraghātinā ||
muktaśastraṃ parāvṛttaṃ palāyanaparāyaṇam ||
bhīṣmaṃ ca yudhi saṃrabdham anuyāntaṃ mahārathān ||
somakāṃś ca jitān dṛṣṭvā nirutsāhān mahārathān ||
cintayitvā ciraṃ dhyātvā avahāram arocayat ||
tato 'vahāraṃ sainyānāṃ cakre rājā yudhiṣṭhiraḥ ||
tathaiva tava sainyānām avahāro hy abhūt tadā ||
tato 'vahāraṃ sainyānāṃ kṛtvā tatra mahārathāḥ ||
nyaviśanta kuruśreṣṭha saṃgrāme kṣatavikṣatāḥ ||
bhīṣmasya samare karma cintayānās tu pāṇḍavāḥ ||
nālabhanta tadā śāntiṃ bhṛśaṃ bhīṣmeṇa pīḍitāḥ ||
bhīṣmo 'pi samare jitvā pāṇḍavān saha sṛñjayaiḥ ||
pūjyamānas tava sutair vandyamānaś ca bhārata ||
nyaviśat kurubhiḥ sārdhaṃ hṛṣṭarūpaiḥ samantataḥ ||
tato rātriḥ samabhavat sarvabhūtapramohinī ||
tasmin rātrimukhe ghore pāṇḍavā vṛṣṇibhiḥ saha ||
sṛñjayāś ca durādharṣā mantrāya samupāviśan ||
ātmaniḥśreyasaṃ sarve prāptakālaṃ mahābalāḥ ||
mantrayām āsur avyagrā mantraniścayakovidāḥ ||
tato yudhiṣṭhiro rājā mantrayitvā ciraṃ nṛpa ||
vāsudevaṃ samudvīkṣya vākyam etad uvāca ha ||
Санджая сказал: «Пока они ещё сражались, солнце зашло, наступили страшные сумерки, и мы уже не видели битвы. Тогда царь Юдхиштхира, увидев сумерки, о Бхарата, а также своё войско, избиваемое Бхишмой, губителем врагов, бросившее оружие, повернувшее назад и устремившееся к бегству, увидев и разъярённого Бхишму, преследующего в бою махаратхов, и побеждённых Сомаков, лишённых мужества, долго подумал, погрузился в размышление и решил отвести войска. После этого царь Юдхиштхира приказал отступление своих армий; тогда же был отвод и твоих войск. Совершив отвод войск, махаратхи, израненные в сражении, расположились на стоянку, о лучший из Куру. Пандавы, тяжко измученные Бхишмой, думали о его деяниях в бою и не находили покоя. А Бхишма, победив в сражении Пандавов вместе со Сринджаиями, почитаемый твоими сыновьями и восхваляемый, о Бхарата, расположился вместе с Куру, ликующими со всех сторон. Затем наступила ночь, смущающая все существа. В это страшное начало ночи Пандавы вместе с Вришниями и неприступные Сринджаи сели на совет. Все эти могучие, искусные в решениях совета, спокойно обсуждали своевременное высшее благо для себя. После долгого совещания, царь, Юдхиштхира взглянул на Васудеву и произнёс такие слова».
7354a2a5436c · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
После дневного разгрома ночь не приносит внутреннего покоя. Сражение временно прекращается, но решение ещё должно быть найдено: внешняя темнота становится временем трезвого совета.