संजय उवाच
ततो ऽब्रवीन् महाराज वार्ष्णेयः कुरुनन्दनम् ॥
रोचते मे महाबाहो सततं तव भाषितम् ॥
देवव्रतः कृती भीष्मः प्रेक्षितेनापि निर्दहेत् ॥
गम्यतां स वधोपायं प्रष्टुं सागरगासुतः ॥
वक्तुम् अर्हति सत्यं स त्वया पृष्टो विशेषतः ॥
ते वयं तत्र गच्छामः प्रष्टुं कुरुपितामहम् ॥
प्रणम्य शिरसा चैनं मन्त्रं पृच्छाम माधव ॥
स नो दास्यति यं मन्त्रं तेन योत्स्यामहे परान् ॥
एवं संमन्त्र्य वै वीराः पाण्डवाः पाण्डुपूर्वज ॥
जग्मुस् ते सहिताः सर्वे वासुदेवश् च वीर्यवान् ॥
विमुक्तशस्त्रकवचा भीष्मस्य सदनं प्रति ॥
प्रविश्य च तदा भीष्मं शिरोभिः प्रतिपेदिरे ॥
पूजयन्तो महाराज पाण्डवा भरतर्षभ ॥
प्रणम्य शिरसा चैनं भीष्मं शरणम् अन्वयुः ॥
तान् उवाच महाबाहुर् भीष्मः कुरुपितामहः ॥
स्वागतं तव वार्ष्णेय स्वागतं ते धनंजय ॥
स्वागतं धर्मपुत्राय भीमाय यमयोस् तथा ॥
किं कार्यं वः करोम्य् अद्य युष्मत्प्रीतिविवर्धनम् ॥
सर्वात्मना च कर्तास्मि यद्य् अपि स्यात् सुदुष्करम् ॥
तथा ब्रुवाणं गाङ्गेयं प्रीतियुक्तं पुनः पुनः ॥
उवाच वाक्यं दीनात्मा धर्मपुत्रो युधिष्ठिरः ॥
saṃjaya uvāca
tato 'bravīn mahārāja vārṣṇeyaḥ kurunandanam ||
rocate me mahābāho satataṃ tava bhāṣitam ||
devavrataḥ kṛtī bhīṣmaḥ prekṣitenāpi nirdahet ||
gamyatāṃ sa vadhopāyaṃ praṣṭuṃ sāgaragāsutaḥ ||
vaktum arhati satyaṃ sa tvayā pṛṣṭo viśeṣataḥ ||
te vayaṃ tatra gacchāmaḥ praṣṭuṃ kurupitāmaham ||
praṇamya śirasā cainaṃ mantraṃ pṛcchāma mādhava ||
sa no dāsyati yaṃ mantraṃ tena yotsyāmahe parān ||
evaṃ saṃmantrya vai vīrāḥ pāṇḍavāḥ pāṇḍupūrvaja ||
jagmus te sahitāḥ sarve vāsudevaś ca vīryavān ||
vimuktaśastrakavacā bhīṣmasya sadanaṃ prati ||
praviśya ca tadā bhīṣmaṃ śirobhiḥ pratipedire ||
pūjayanto mahārāja pāṇḍavā bharatarṣabha ||
praṇamya śirasā cainaṃ bhīṣmaṃ śaraṇam anvayuḥ ||
tān uvāca mahābāhur bhīṣmaḥ kurupitāmahaḥ ||
svāgataṃ tava vārṣṇeya svāgataṃ te dhanaṃjaya ||
svāgataṃ dharmaputrāya bhīmāya yamayos tathā ||
kiṃ kāryaṃ vaḥ karomy adya yuṣmatprītivivardhanam ||
sarvātmanā ca kartāsmi yady api syāt suduṣkaram ||
tathā bruvāṇaṃ gāṅgeyaṃ prītiyuktaṃ punaḥ punaḥ ||
uvāca vākyaṃ dīnātmā dharmaputro yudhiṣṭhiraḥ ||
Санджая сказал: «Тогда Варшнея сказал сыну Куру, великий царь: “Мне всегда нравится твоя речь, сильнорукий. Деваврата, искусный Бхишма, способен сжечь даже одним взглядом. Надо идти к сыну Ганги и спросить о способе его поражения. Если особенно ты спросишь его, он достоин сказать истину. Поэтому мы пойдём туда, чтобы спросить питамаху Куру; склонив перед ним головы, мы узнаем совет, Мадхава. Какое наставление он нам даст, по нему мы и будем сражаться с врагами”. Так посоветовавшись, герои Пандавы, потомок Панду, и доблестный Васудева все вместе пошли к жилищу Бхишмы, сняв оружие и доспехи. Войдя тогда к Бхишме, Пандавы, о бык Бхаратов, почитая его, пали перед ним головами; поклонившись ему, они пришли к Бхишме как к прибежищу. Могучерукий Бхишма, питамаха Куру, сказал им: “Добро пожаловать тебе, Варшнея; добро пожаловать тебе, Дхананджая; добро пожаловать сыну Дхармы, Бхиме и двум близнецам. Что мне сегодня сделать для вас, чтобы увеличить вашу радость? Я исполню это всем существом, даже если оно будет чрезвычайно трудно”. Когда сын Ганги снова и снова говорил так, полный любви, удручённый душой Юдхиштхира, сын Дхармы, произнёс речь».
c74a9bf51944 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Пандавы приходят к Бхишме без оружия, как ученики и внуки, а не как ночные враги. Сцена показывает, что дхарма здесь держится не только на победе, но и на сохранении почтения даже к тому, кого предстоит победить.