अद्वैतः—आचार्य, आमूलतः कथय ।
आचार्यः—हन्त, एतदर्थमेव जीवितं मया । तदितो निशावसाने नृत्योपरमसमय एव मत्करमालम्ब्य कतिचित्पदानि गच्छन्नग्रे नित्यानन्ददेवमालोक्य 'त्वमप्येहि' इति सङ्केत कृत्वा सुरधुनीमुत्तीर्य चलितवान् । मयोक्तम्—'देव, कथय कथमेकाकिना कुत्र गम्यते' इति । तदनाकलयंस्तूष्णीमेव चलन्ननुपदमावाभ्यामनुगम्यमान एव काटोयानामानं ग्राममासाद्य केशवभारतीयतीन्द्रमुपसेदिवान् । तदावाभ्यामात्मगतमेव विचिन्तितम्—'भगवांस्तुर्याश्रमं परिजिघृक्षुः' इति चिन्तयित्वापि प्रभुतेजसा पराभूताभ्यां न किंचिदपि वक्तुमशक्यत । परेद्यवि 'आचार्यरत्न, त्वयैतस्य कर्मणः पूर्वक्रिया क्रियताम्' इत्युक्तेन मया भगवानवादि—
'तत्किं कर्म' इति । तदनु गदितं भगवता—'मयैतत्कर्तव्यम्' इति । समनन्तरं प्रतिपत्तिमूढेन मया मूकवदनुत्तरेण रोदितुमेव प्रवृत्तम् । समनन्तरमनायत्त्यैव विधिवद्विहितं सकलमेव कर्म । ततो यद्वृत्तं तद्वाचा वक्तुं न शक्यते ।
सर्वे—(आकर्ण्य सविषादम् ।) हा देव, कथमिदमध्यवसितम् । अथवा मद्विधानामेव दुःखद्रुमफलकालविलसितमिदं किमनुयोज्यन्ते प्रभुचरणाः । हन्त हन्त स्मरणदशारूढमपि तन्नो मनः कृन्तति । कथमाचार्य, भवता दृष्टम् । (इति वैक्लव्यं नाटयन्ति ।)
अद्वैतः—किं तावत्तदाश्रमसमुचितं नामाङ्गीकृतं भगवता ।
आचार्यः—'कृष्णचैतन्यः' इति ।
अद्वैतः—(सचमत्कारम् ।) अहो, समुचितमेवैतत् ।
advaitaḥ—ācārya, āmūlataḥ kathaya |
ācāryaḥ—hanta, etadarthameva jīvitaṃ mayā | tadito niśāvasāne nṛtyoparamasamaya eva matkaramālambya katicitpadāni gacchannagre nityānandadevamālokya 'tvamapyehi' iti saṅketa kṛtvā suradhunīmuttīrya calitavān | mayoktam—'deva, kathaya kathamekākinā kutra gamyate' iti | tadanākalayaṃstūṣṇīmeva calannanupadamāvābhyāmanugamyamāna eva kāṭoyānāmānaṃ grāmamāsādya keśavabhāratīyatīndramupasedivān | tadāvābhyāmātmagatameva vicintitam—'bhagavāṃsturyāśramaṃ parijighṛkṣuḥ' iti cintayitvāpi prabhutejasā parābhūtābhyāṃ na kiṃcidapi vaktumaśakyata | paredyavi 'ācāryaratna, tvayaitasya karmaṇaḥ pūrvakriyā kriyatām' ityuktena mayā bhagavānavādi—
'tatkiṃ karma' iti | tadanu gaditaṃ bhagavatā—'mayaitatkartavyam' iti | samanantaraṃ pratipattimūḍhena mayā mūkavadanuttareṇa roditumeva pravṛttam | samanantaramanāyattyaiva vidhivadvihitaṃ sakalameva karma | tato yadvṛttaṃ tadvācā vaktuṃ na śakyate |
sarve—(ākarṇya saviṣādam |) hā deva, kathamidamadhyavasitam | athavā madvidhānāmeva duḥkhadrumaphalakālavilasitamidaṃ kimanuyojyante prabhucaraṇāḥ | hanta hanta smaraṇadaśārūḍhamapi tanno manaḥ kṛntati | kathamācārya, bhavatā dṛṣṭam | (iti vaiklavyaṃ nāṭayanti |)
advaitaḥ—kiṃ tāvattadāśramasamucitaṃ nāmāṅgīkṛtaṃ bhagavatā |
ācāryaḥ—'kṛṣṇacaitanyaḥ' iti |
advaitaḥ—(sacamatkāram |) aho, samucitamevaitat |
Адвайта. Ачарья, расскажи с самого начала.
Ачарья. Ах, ради этого только я и жив. Так вот, на исходе той ночи, едва кончилась пляска, Он взял меня за руку; пройдя несколько шагов, увидел впереди Нитьянанда-деву и знаком показал: «и ты иди», — а затем перешёл небесную реку и пошёл. Я сказал: «Господи, скажи: куда же ты один?» Не обращая на это внимания, Он молча шёл дальше, и мы двое шли за Ним по пятам; так Он дошёл до деревни по имени Катойя и подступил к Кешаве Бхарати, владыке отрёкшихся. Тогда мы двое подумали про себя: «Господь намерен принять четвёртый ашрам», — но, подавленные величием Владыки, не смогли вымолвить ни слова. На другой день я сказал: «Ачарьяратна, соверши-ка ты предварительный обряд для этого дела», — и на это Господь мне ответил:
«А что за дело?» И следом Господь сказал: «Это должно быть сделано мною». И тут я, потерявшись, замолчал, как немой, и только заплакал. А сразу вслед за тем весь обряд был исполнен по правилу, будто сам собою. О том же, что было потом, и сказать нельзя.
Все. (Выслушав, с горечью.) Ах, Господи, зачем же Ты так порешил? Или, может, это всего лишь плод и час злого древа наших горестей, — и к чему тут винить стопы Владыки? Увы, увы: одно даже воспоминание об этом режет нам сердце. Как же, Ачарья, ты это видел? (Изображают смятение.)
Адвайта. А какое имя, подобающее тому ашраму, принял Господь?
Ачарья. «Кришна Чайтанья».
Адвайта. (С изумлением.) Ах, вот это как раз впору!
25789513e5c6 · published Sep 13, 2026, 6:00:00 PM UTC
Available inRUPage between verses with
Рассказ ведётся по шагам, и в нём нет ни одного слова о чувствах, пока говорится о том, что делали: взял за руку, показал знаком, перешёл реку, дошёл до деревни.
Самая точная подробность — молчание провожатых. Они догадались обо всём и не смогли выговорить ни слова: подавлены величием. Обряд «был исполнен, будто сам собою», — то есть и тут никто ничего не решал.
А кончается рассказ именем, и на имени горе обрывается. «Кришна Чайтанья» — то самое, ради чего написана вся книга, звучит впервые здесь, из уст очевидца.