स्त्री—तदो तदो । (ग)
पुरुषः—ततो दैवात्तस्मिन्काले तत्रागतेन भगवच्चैतन्यपार्षदेन शिवानन्देन तमुदन्तमत्यन्तसंदिह्यमानतयात्यदिदृक्षुणा मनसि कृतम्—'अहो, किमेतस्य दर्शनेन, साक्षादेव मया दृष्टोऽस्ति भगवान् । तदालोकसुखसदृशं किमस्य दर्शनेन भविष्यति सुखम् । नैव' इति निवर्तमानेन पुनर्मनसि कृतम्—'अहो, यद्ययं सर्वलोकबहिर्वर्तमानं मां स्वयमेवाहूय स्वसमीपं नीत्वा मामकमिष्टमन्त्रं प्रख्यापयति तदा सत्यमेवात्र तस्यावेशो जातः' इति चिन्तयित्वा प्रसारिणो जनसमूहस्य बहिः स्थितवति शिवानन्दे यावदावेशं तूष्णीं स्थितोऽप्यसौ 'कः कोऽत्र भोः, दूरे वर्तमानः शिवानन्द आहूयताम्' इति निदेशमात्रेण धावद्भिरेव कतिभिरितस्ततो नामग्राहं विचिन्वद्भिरतिदूरे स्थितं तमादाय तन्निकटमाययौ । अनन्तरं च तेन 'शिवानन्द, भवता मनसि विचारितं यत्, तदाकर्ण्यतां भवदीय इष्टमन्त्रश्चतुरक्षरो गौरगोपालदेवताकः' इत्याकलय्य तेन निर्णीतं सत्यैवेयं प्रथेति ।
स्त्री—अज्जउत्त, तीत्तओ केरिसो । (क)
पुरुषः—तृतीयस्तु चिन्तनमात्राविर्भावो यः सोऽपि श्रूयताम्—'एकदा तस्यैव शिवानन्दस्य भागिनेयः श्रीकान्त एकक एव प्रथमं श्रीपुरुषोत्तममागत्य भगवच्चैतन्यचरणौ ददर्श । अस्मिन्नेव समये कौतुकवशात्पुरीश्वरस्वरूपादिसमक्षं भगवता किंचिज्जगदे जगदेकबन्धुना 'श्रीकान्त, अस्मिन्नब्देऽद्वैतादयो दयोद्धुरा वक्तव्यास्ते यथा नायान्ति, मयैव तत्र गन्तव्यम्' इति । अपि च शिवानन्दोऽपि भगवन्मातुलो वक्तव्यः पौषे मासि तत्रोपसन्नेन मया भवितव्यम्, तत्र जगदानन्दोऽस्ति तत्रैव भिक्षा कर्तव्या' इति निवृत्तेन श्रीकान्तेन भगवत्संदेशे कथिते सति सर्वेऽद्वैतादयश्चलनोद्यमाच्छिथिलीबभूवुः । शिवानन्दस्तु भगवदागमनमभिलिलशिषुर्भगवद्भिक्षायामिदं लगिष्यतीति कृत्वा भगवत्प्रियत्वेन वास्तूकवास्तुकदलीगर्भोत्थाकनिशादिसामग्रीसमवधानाय स्थितवान् ।
स्त्री—तदो तदो । (ख)
पुरुषः—ततो दैवाद्गोदावरीतः समायातेन रामानन्दरायेणोपबोधितो भगवान् न गन्तुमीष्टे ।
स्त्री—तदो तदो । (ग)
पुरुषः—ततोऽसौ शिवानन्दः श्रीनृसिंहानन्दब्रह्मचारीति प्रथितं परमयोगीन्द्रं साक्षान्नृसिंहमिव प्रद्युम्नब्रह्मचारित्वेन पूर्वख्यातावपि भगवतैव नृसिंहोपासनासिद्धत्वेन नृसिंहानन्द इति कारितसंज्ञं समये समुवाच—'स्वामिन्, आयास्यामि' इति कृत्वा भगवान्नायातः । वास्तूकशाकमवलोक्य मनोदुःखमेव जायते ।
स्त्री—तदो तदो । (क)
पुरुषः—ततस्तेनोक्तम् । मयैवानेतव्यो दिनद्वयमपेक्षतामिति तत्प्रभावज्ञोऽसौ तथैव श्रद्दधे । स च नृसिंहानन्दो नृसिंहानन्दोऽपि तं समयमारभ्य समाधिस्थो दिनद्वयान्तरे शिवानन्दमाहूय 'अये, भगवच्चैतन्यो राघवालये समानीतोऽस्ति । प्रातरत्रागमिष्यति मयैव पक्तव्यं भिक्षा च दातव्या' इति श्रुत्वा तस्मिन्नपि तथोद्युक्ते सति स्वयमुषसि कृतस्नानः शुचितरो भूत्वा पाके प्रवृत्तः स्वेच्छापूर्वं यथेष्टमेव पाचितवान् । अनन्तरं तस्मिन्नेव समये श्रीचैतन्यस्य जगन्नाथस्य नृसिंहस्य च पृथक् त्रयो भोगा विभज्य निष्पादिताः । अनन्तरं तत्तन्नाम्ना समर्प्य बहिर्भूय निमीलितचक्षुरान्तरेण चक्षुषा पश्यति त्रीनेव भोगानेक एव भगवान्भुङ्क्ते । अनन्तरं संजातमहानन्दो गलदश्रुधारः सारवमुच्चैः प्रणयामर्षकृताक्षेपमिव भद्रं भो भद्रं जगन्नाथेन सह तवैक्यमतो जगन्नाथस्य भोगो भुज्यतां नाम, मम नृसिंहस्य भोगः कथं भुज्यते, नृसिंहोऽद्य मयायमुपोषित इत्युच्चैराक्रन्दञ्शिवानन्देनोक्तम् 'स्वामिन्, कथमाक्रुश्यते' इति ।
स्त्री—तदो तदो । (ख)
पुरुषः—ततस्तेनोक्तम् 'तव गोस्वामिना चैतन्येन भोगत्रयमेव भुक्तं नृसिंहस्योपवासो जातः' इति ।
स्त्री—तदो तदो । (ग)
पुरुषः—ततः शिवानन्देनोक्तम्—'स्वामिन्, नृसिंहार्थमन्या भोगसामग्री कर्तव्येति । तथाकृते स्वस्थो बभूवेति स्थिते शिवानन्दस्य संशयो जातः—'किमनेनावेशवशादेवोक्तमथवा सत्यमेव' इति मनसि कृत्वा पुनरन्यस्मिन्संवत्सरे पुरुषोत्तममासाद्य भगवच्चैतन्यसविधे गतः । प्रसङ्गतो नृसिंहानन्दस्य तन्महिमकथनेऽवान्तरभूता पाकक्रिया तस्यातिसमीचीनेत्यपि वदति भगवति सर्वेषु संदिहानेषु मया गते संवत्सरे पौषे मासि तस्य भिक्षा कृता ।
तत्र तस्य पाककौशलं ज्ञातमित्युक्ते पुनः सर्वे संदिग्धा एव स्थिताः । शिवानन्दस्तु निःसंदेहो बभूवेति व्याख्यातस्ते त्रिविधोऽनुग्रहप्रकारः ।
स्त्री—अच्चरिअं अच्चरिअं । ता एदं पि कधेहि । रामाणन्देण कहं तत्थ गन्दुं णिसेहो किदो । (क)
पुरुषः—प्रिये, स तावद्भगवतोऽतिप्रणयी तद्विच्छेदं न सहते । तेन तदुपरोधान्मथुरां जिगमिषुरपि वर्षद्वयमद्य श्व इति कृत्वा विलम्बितो भगवान् ।
स्त्री—अदो वरं एत्थज्जेव वट्टिस्सदि । अहवा महुरां गमिस्सदि । (ख)
पुरुषः—प्रिये, अधुना तु चिरमनुनीय तमेव रामानन्दं तेनानुमतं गौडवर्त्मन्येव गन्तुमुद्यतोऽस्ति ।
स्त्री—अज्जउत्त, पुणो एत्थ आअमिस्सदि । (ग)
पुरुषः—अथ किम् ।
स्त्री—एत्थ अत्थि संदेहो । जदो महुरा क्खु एदस्स पिअट्ठाणं । (घ)
पुरुषः—यद्यप्येवं तथापि ।
strī—tado tado | (ga)
puruṣaḥ—tato daivāttasminkāle tatrāgatena bhagavaccaitanyapārṣadena śivānandena tamudantamatyantasaṃdihyamānatayātyadidṛkṣuṇā manasi kṛtam—'aho, kimetasya darśanena, sākṣādeva mayā dṛṣṭo'sti bhagavān | tadālokasukhasadṛśaṃ kimasya darśanena bhaviṣyati sukham | naiva' iti nivartamānena punarmanasi kṛtam—'aho, yadyayaṃ sarvalokabahirvartamānaṃ māṃ svayamevāhūya svasamīpaṃ nītvā māmakamiṣṭamantraṃ prakhyāpayati tadā satyamevātra tasyāveśo jātaḥ' iti cintayitvā prasāriṇo janasamūhasya bahiḥ sthitavati śivānande yāvadāveśaṃ tūṣṇīṃ sthito'pyasau 'kaḥ ko'tra bhoḥ, dūre vartamānaḥ śivānanda āhūyatām' iti nideśamātreṇa dhāvadbhireva katibhiritastato nāmagrāhaṃ vicinvadbhiratidūre sthitaṃ tamādāya tannikaṭamāyayau | anantaraṃ ca tena 'śivānanda, bhavatā manasi vicāritaṃ yat, tadākarṇyatāṃ bhavadīya iṣṭamantraścaturakṣaro gauragopāladevatākaḥ' ityākalayya tena nirṇītaṃ satyaiveyaṃ pratheti |
strī—ajjautta, tīttao keriso | (ka)
puruṣaḥ—tṛtīyastu cintanamātrāvirbhāvo yaḥ so'pi śrūyatām—'ekadā tasyaiva śivānandasya bhāgineyaḥ śrīkānta ekaka eva prathamaṃ śrīpuruṣottamamāgatya bhagavaccaitanyacaraṇau dadarśa | asminneva samaye kautukavaśātpurīśvarasvarūpādisamakṣaṃ bhagavatā kiṃcijjagade jagadekabandhunā 'śrīkānta, asminnabde'dvaitādayo dayoddhurā vaktavyāste yathā nāyānti, mayaiva tatra gantavyam' iti | api ca śivānando'pi bhagavanmātulo vaktavyaḥ pauṣe māsi tatropasannena mayā bhavitavyam, tatra jagadānando'sti tatraiva bhikṣā kartavyā' iti nivṛttena śrīkāntena bhagavatsaṃdeśe kathite sati sarve'dvaitādayaścalanodyamācchithilībabhūvuḥ | śivānandastu bhagavadāgamanamabhililaśiṣurbhagavadbhikṣāyāmidaṃ lagiṣyatīti kṛtvā bhagavatpriyatvena vāstūkavāstukadalīgarbhotthākaniśādisāmagrīsamavadhānāya sthitavān |
strī—tado tado | (kha)
puruṣaḥ—tato daivādgodāvarītaḥ samāyātena rāmānandarāyeṇopabodhito bhagavān na gantumīṣṭe |
strī—tado tado | (ga)
puruṣaḥ—tato'sau śivānandaḥ śrīnṛsiṃhānandabrahmacārīti prathitaṃ paramayogīndraṃ sākṣānnṛsiṃhamiva pradyumnabrahmacāritvena pūrvakhyātāvapi bhagavataiva nṛsiṃhopāsanāsiddhatvena nṛsiṃhānanda iti kāritasaṃjñaṃ samaye samuvāca—'svāmin, āyāsyāmi' iti kṛtvā bhagavānnāyātaḥ | vāstūkaśākamavalokya manoduḥkhameva jāyate |
strī—tado tado | (ka)
puruṣaḥ—tatastenoktam | mayaivānetavyo dinadvayamapekṣatāmiti tatprabhāvajño'sau tathaiva śraddadhe | sa ca nṛsiṃhānando nṛsiṃhānando'pi taṃ samayamārabhya samādhistho dinadvayāntare śivānandamāhūya 'aye, bhagavaccaitanyo rāghavālaye samānīto'sti | prātaratrāgamiṣyati mayaiva paktavyaṃ bhikṣā ca dātavyā' iti śrutvā tasminnapi tathodyukte sati svayamuṣasi kṛtasnānaḥ śucitaro bhūtvā pāke pravṛttaḥ svecchāpūrvaṃ yatheṣṭameva pācitavān | anantaraṃ tasminneva samaye śrīcaitanyasya jagannāthasya nṛsiṃhasya ca pṛthak trayo bhogā vibhajya niṣpāditāḥ | anantaraṃ tattannāmnā samarpya bahirbhūya nimīlitacakṣurāntareṇa cakṣuṣā paśyati trīneva bhogāneka eva bhagavānbhuṅkte | anantaraṃ saṃjātamahānando galadaśrudhāraḥ sāravamuccaiḥ praṇayāmarṣakṛtākṣepamiva bhadraṃ bho bhadraṃ jagannāthena saha tavaikyamato jagannāthasya bhogo bhujyatāṃ nāma, mama nṛsiṃhasya bhogaḥ kathaṃ bhujyate, nṛsiṃho'dya mayāyamupoṣita ityuccairākrandañśivānandenoktam 'svāmin, kathamākruśyate' iti |
strī—tado tado | (kha)
puruṣaḥ—tatastenoktam 'tava gosvāminā caitanyena bhogatrayameva bhuktaṃ nṛsiṃhasyopavāso jātaḥ' iti |
strī—tado tado | (ga)
puruṣaḥ—tataḥ śivānandenoktam—'svāmin, nṛsiṃhārthamanyā bhogasāmagrī kartavyeti | tathākṛte svastho babhūveti sthite śivānandasya saṃśayo jātaḥ—'kimanenāveśavaśādevoktamathavā satyameva' iti manasi kṛtvā punaranyasminsaṃvatsare puruṣottamamāsādya bhagavaccaitanyasavidhe gataḥ | prasaṅgato nṛsiṃhānandasya tanmahimakathane'vāntarabhūtā pākakriyā tasyātisamīcīnetyapi vadati bhagavati sarveṣu saṃdihāneṣu mayā gate saṃvatsare pauṣe māsi tasya bhikṣā kṛtā |
tatra tasya pākakauśalaṃ jñātamityukte punaḥ sarve saṃdigdhā eva sthitāḥ | śivānandastu niḥsaṃdeho babhūveti vyākhyātaste trividho'nugrahaprakāraḥ |
strī—accariaṃ accariaṃ | tā edaṃ pi kadhehi | rāmāṇandeṇa kahaṃ tattha ganduṃ ṇiseho kido | (ka)
puruṣaḥ—priye, sa tāvadbhagavato'tipraṇayī tadvicchedaṃ na sahate | tena taduparodhānmathurāṃ jigamiṣurapi varṣadvayamadya śva iti kṛtvā vilambito bhagavān |
strī—ado varaṃ etthajjeva vaṭṭissadi | ahavā mahurāṃ gamissadi | (kha)
puruṣaḥ—priye, adhunā tu ciramanunīya tameva rāmānandaṃ tenānumataṃ gauḍavartmanyeva gantumudyato'sti |
strī—ajjautta, puṇo ettha āamissadi | (ga)
puruṣaḥ—atha kim |
strī—ettha atthi saṃdeho | jado mahurā kkhu edassa piaṭṭhāṇaṃ | (gha)
puruṣaḥ—yadyapyevaṃ tathāpi |
Жена. Дальше, дальше.
Муж. Тогда по воле судьбы туда пришёл Шивананда, спутник Господа Чайтаньи. Весть его очень смутила, и видеть Накулу ему не хотелось. Он подумал: «Ах, что мне на него смотреть? Самого Господа я видел воочию. Какое счастье от этого сравнится со счастьем увидеть Его? Никакое». И уже повернул назад, но снова подумал: «Ах, если он сам позовёт меня, стоящего вне всей толпы, подведёт к себе и назовёт мою избранную мантру — тогда в нём и вправду Он». С этими мыслями Шивананда встал поодаль, за теснящейся толпой. И Накула, хоть и молчал в своей охваченности, лишь приказал: «Эй, кто там! Позовите Шивананду, что стоит далеко», — и несколько человек, бегая туда и сюда и выкликая его по имени, нашли его, стоящего очень далеко, и привели к нему. Тогда тот сказал: «Шивананда, слушай, что ты задумал: твоя избранная мантра — четырёхсложная, божество её — Гаура-Гопала». Услышав это, Шивананда уверился, что молва правдива.
Жена. Супруг мой, а третий вид какой?
Муж. Послушай и о третьем — о явлении по одному памятованию. Однажды племянник того же Шивананды, Шриканта, впервые один пришёл в Шри Пурушоттаму и увидел стопы Господа Чайтаньи. В ту пору Господь, единственный друг мира, в шутку сказал при Пуришваре, Сварупе и других: «Шриканта, скажи Адвайте и прочим, кто полон милости: в этом году пусть не приходят — я сам к ним приду. И Шивананде, дяде моему, скажи: в месяце пауша я буду у вас; там есть Джагадананда, у него и приму милостыню». Когда вернувшийся Шриканта передал весть Господа, Адвайта и все прочие оставили сборы в путь. А Шивананда, желая, чтобы Господь пришёл, решил: «Это пригодится для Его трапезы» — и, зная, что Господь это любит, остался заготовлять ваступу, сердцевину банана, куркуму и прочее.
Жена. Дальше, дальше.
Муж. Но по воле судьбы пришёл с Годавари Рамананда Рай, и по его уговорам Господь не смог отправиться.
Жена. Дальше, дальше.
Муж. Тогда Шивананда в свой срок сказал Нрисимхананде Брахмачари — великому йогу, словно Самому Нрисимхе: прежде его звали Прадьюмна Брахмачари, а имя Нрисимхананда дал ему Господь за то, что тот достиг совершенства в поклонении Нрисимхе, — «Свами, Господь сказал: „Приду“ — и не пришёл. Гляжу на эту зелень ваступу, и на душе одна печаль».
Жена. Дальше, дальше.
Муж. Тогда тот ответил: «Я сам Его приведу. Подожди два дня». И Шивананда, зная его силу, поверил. А Нрисимхананда с того часа погрузился в самадхи, и через два дня позвал Шивананду: «Эй, Господь Чайтанья приведён в дом Рагхавы. Утром придёт сюда. Варить буду я сам, и милостыню дам сам». Услышав это, и Шивананда засуетился, а тот сам на рассвете совершил омовение, очистился и принялся стряпать — сварил, что пожелал. Затем в тот же час разложил три отдельных угощения: для Шри Чайтаньи, для Джаганнатхи и для Нрисимхи. Поднёс каждое, назвав по имени, вышел, закрыл глаза — и внутренним взором видит: все три угощения ест один Господь. Тогда, в великом блаженстве, со слезами, громко, будто в любовной обиде, закричал: «Хорошо же, хорошо! Ты с Джаганнатхой одно — ешь, так и быть, угощение Джаганнатхи. Но моего Нрисимхи угощение как смеешь есть? Нрисимха у меня сегодня постится!» Шивананда спросил: «Свами, отчего ты кричишь?»
Жена. Дальше, дальше.
Муж. Тот сказал: «Твой Госвами Чайтанья съел все три угощения — Нрисимхе остался пост».
Жена. Дальше, дальше.
Муж. Тогда Шивананда сказал: «Свами, для Нрисимхи надо приготовить заново». Сделали — и тот успокоился. Но у Шивананды осталось сомнение: «Сказал ли он это в одержимости или правду?» Подумав так, на другой год он пришёл в Пурушоттаму к Господу Чайтанье. К слову зашла речь о величии Нрисимхананды, и Господь сказал между прочим: «И стряпает он превосходно. Когда в прошлом году в месяце пауша все сомневались, я у него принял милостыню и там узнал, как он искусен в стряпне». При этих словах все снова остались в сомнении, а Шивананда сомневаться перестал. Вот тебе три вида милости.
c5fb9fede1fd · published Sep 15, 2026, 2:00:00 PM UTC
Available inRUPage between verses with
Две истории рассказаны с бытовой точностью: мантра, названная вслух через толпу, и зелень ваступу, заготовленная для Господа, который не пришёл.
Вторая история — самая домашняя в пьесе. Нрисимхананда в самадхи видит, как Чайтанья съедает и Своё угощение, и Джаганнатхино, и то, что для Нрисимхи, — и бранится, как хозяйка. Проверка приходит через год: Господь мимоходом хвалит его стряпню.
И дальше подробность, которую автор не сглаживает: «все снова остались в сомнении», поверил один Шивананда. Милость третьего вида не принуждает к вере.