व्रजेन्दुर् उपनन्दान्तरीणम् अतिनोदी
मनोज्ञतरवृन्दावनान्तरनुमोदी ।
अनःस्थजनयित्र्या निजाङ्कम् उपनीतः
कुरङ्गनयनाभिः सहर्षम् अनुगीतः ।
प्रफुल्लपृथुवृन्दावनोपहृतरङ्गः
कलिन्दगिरिपुत्रीतटान्तधृतसङ्गः ।
गिरीन्द्रकटकाङ्गीकृतोरुपरितोषः
समस्तसखिराजीविलासमणिकोषः ।
समीपभुवि वत्सप्रचारधृततर्षः
सुहृत्सु गुरुखेलाभरेण कृतहर्षः ।
तरङ्गदुरुगेण्डुप्रविष्टचलदृष्टिः
प्रणीतवरवंशीनिनाद नवसृष्टिः ।
तरक्षुनखलक्ष्मीपरीतमृदुकण्ठः
कटीरतटकूजद्विचित्रलघुघण्टः ।
समूढशिखिचूडाप्रणीतवरचूडः
सुमञ्जुतरगुञ्जावलीभिर् उपगूढः ।
सुहृद्भिर् अपि सार्धं प्रपन्नवृषवेषः
कठोरतरवत्सासुरेभहरिर् एषः ।
स्थविष्ठबकतुण्डप्रवेशकृतलीलस्
तदङ्गगिरिकूटप्रभेदपविशीलः ।
सुहृद्भिर् अपि तुष्टैर् भुजाभिर् अभिमृष्टः
सुरैश् च सुमनोभिर् वराभिर् अभिवृष्टः ।
तनोतु मयि तुष्टिं स्ववत्सकुलपाली
प्रफुल्लकुसुमालीधरोऽद्य वनमाली ॥
अपि स्फारामोदे प्रतिपदसुधाकोटिमधुरे
पुराणग्रामान्तर्वहति तव लीलारसझरे ।
मनोवत्सः पातुं विषयविषगर्ते विशति मे
कृपायष्ट्या तूर्णं दमय तम् अमुं तर्णकपते ॥
प्रफुल्लकुसुमालीनामेदं छन्दः ।
vrajendur upanandāntarīṇam atinodī
manojñatara-vṛndāvanāntar-anumodī |
anaḥstha-janayitryā nijāṅkam upanītaḥ
kuraṅga-nayanābhiḥ saharṣam anugītaḥ |
praphulla-pṛthu-vṛndāvanopahṛta-raṅgaḥ
kalinda-giri-putrī-taṭānta-dhṛta-saṅgaḥ |
girīndra-kaṭakāṅgīkṛtoru-paritoṣaḥ
samasta-sakhi-rājī-vilāsa-maṇi-koṣaḥ |
samīpa-bhuvi vatsa-pracāra-dhṛta-tarṣaḥ
suhṛtsu guru-khelā-bhareṇa kṛta-harṣaḥ |
taraṅgad-uru-geṇḍu-praviṣṭa-cala-dṛṣṭiḥ
praṇīta-vara-vaṁśī-nināda nava-sṛṣṭiḥ |
tarakṣu-nakha-lakṣmī-parīta-mṛdu-kaṇṭhaḥ
kaṭīra-taṭa-kūjad-vicitra-laghu-ghaṇṭaḥ |
samūḍha-śikhi-cūḍā-praṇīta-vara-cūḍaḥ
sumañjutara-guñjāvalībhir upagūḍhaḥ |
suhṛdbhir api sārdhaṁ prapanna-vṛṣa-veṣaḥ
kaṭhoratara-vatsāsurebhaharir eṣaḥ |
sthaviṣṭha-baka-tuṇḍa-praveśa-kṛta-līlas
tad-aṅga-giri-kūṭa-prabheda-paviśīlaḥ |
suhṛdbhir api tuṣṭair bhujābhir abhimṛṣṭaḥ
suraiś ca sumanobhir varābhir abhivṛṣṭaḥ |
tanotu mayi tuṣṭiṁ sva-vatsa-kula-pālī
praphulla-kusumālī-dharo’dya vanamālī ||
api sphārāmode pratipada-sudhākoṭi-madhure
purāṇa-grāmāntar-vahati tava līlā-rasa-jhare |
mano-vatsaḥ pātuṁ viṣaya-viṣa-garte viśati me
kṛpā-yaṣṭyā tūrṇaṁ damaya tam amuṁ tarṇaka-pate ||
praphulla-kusumālī-nāmedaṁ chandaḥ |
metro no identificado
Луна Враджа — тот, кто побудил мысль Упананды к переселению, кто в душе радовался прелестнейшему Вриндавану; кого мать, ехавшая на повозке, посадила к себе на колени; кому вслед радостно пели ланеокие; кто нашёл восторг в обширном цветущем Вриндаване и приют у берега дочери горы Калинды; кто обрёл великую радость на склоне царя гор; сокровищница самоцветов игр для всех друзей; возжелавший пасти телят близ дома; радовавший друзей обилием великих игр; следящий подвижными глазами за подскакивающим большим мячом; сотворивший новое творение из звуков дивной флейты; с нежной шеей, украшенной тигровыми когтями; с пёстрыми колокольчиками, звенящими на бёдрах; с прекрасной причёской, украшенной павлиньим хохолком; обвитый прелестнейшими нитями гунджи; вместе с друзьями изображавший бычков; лев для свирепейшего Ватсасуры-слона; игрою вошедший в клюв огромного Баки и, как ваджра, расколовший вершину горы — его тело; обнятый руками обрадованных друзей, осыпанный лучшими цветами от богов, — этот пастух своих телят, Ванамали в гирлянде распустившихся цветов, пусть ныне даст мне радость. Владыка телят! Хоть в селении пуран течёт поток вкуса твоих лил — с широким ароматом, на каждом шагу слаще мириадов нектаров, — телёнок моего ума идёт пить в яму с ядом мирских предметов: скорее укроти его палкой милости. (Этот размер называется «Гирлянда распустившихся цветов».)
000000000000 · publicado 1 ene 1970, 0:00:00 UTC
Disponible enRUPasa de verso en verso con
Переселение во Вриндаван и игры пастушков-телятников, как в «Бхагаватам»: мальчики изображают бычков и мычат, дерутся, подражают зверям; Кришна убивает Ватсасуру, демона в облике телёнка, и Баку, демона-цаплю. Заключительная строфа держит образ до конца: он пастух телят, а ум — непослушный телёнок, бегущий к отраве, хотя рядом течёт чистая река пуран (по Баладеве, прежде всего «Бхагаватам»).