तथा हि, यदा परिणामतस् तादृशदनुजप्राणाकर्षिसुजनसुखवर्षिदेवर्षिनियोगाद् आत्मघातकतया निश्चित्य विचिन्त्य च शम्बरनामा दानवः शाम्बरीसम्वलनयात्मसम्वरणम् आलम्बमानस् तं वरुणालयशम्बरम् अनुलम्बयामास, तदा स बालः सहसा मिलितः, केनचिद् अपूर्वशकलिना गिलितः; स यदा गिलितस् तदा स च शकली केनचन जालिकेन कलितः; स यदा कलितस् तदा शम्बरबलिकृते बलितः; स यदा च वलितस् तदा तदीयमहानसाधिकारिण्या रतिनामिन्या दलितः; स यदा च दलितस् तदा स बालकस् तत्र पर्याकलितः; पर्याकलितवती च सा तं शम्बरस्य दुर्मर्यादतां विचिन्त्य गुप्तं पालितवती । एषा हि पूर्वं स्मरभार्यासीत्, स्मरे तु हरेण दग्धे पुनस् तत्प्राप्तये तम् आराधयामास । ततः शम्बरेण स्मरहरं प्रसाद्य निजगृहानीतापि प्राग्लब्धतद्वरबलाद् अभीता मायामयकायया कयाचिद् आत्मभ्रान्तिकारिकया तं वञ्चयन्ती बभूव । तस्मिन्न् अतिबाले बलात् पतिभावे मुहुर् लब्धभावे तु धिग्धिग् इत्य् आत्मानं गर्हितवती ।
tathā hi, yadā pariṇāmatas tādṛśa-danuja-prāṇākarṣi-sujana-sukha-varṣi-devarṣi-niyogād ātma-ghātakatayā niścitya vicintya ca śambara-nāmā dānavaḥ śāmbarī-samvalanayātma-samvaraṇam ālambamānas taṁ varuṇālaya-śambaram anulambayāmāsa, tadā sa bālaḥ sahasā militaḥ, kenacid apūrva-śakalinā gilitaḥ; sa yadā gilitas tadā sa ca śakalī kenacana jālikena kalitaḥ; sa yadā kalitas tadā śambara-bali-kṛte balitaḥ; sa yadā ca valitas tadā tadīya-mahānasādhikāriṇyā rati-nāminyā dalitaḥ; sa yadā ca dalitas tadā sa bālakas tatra paryākalitaḥ; paryākalitavatī ca sā taṁ śambarasya durmaryādatāṁ vicintya guptaṁ pālitavatī | eṣā hi pūrvaṁ smara-bhāryāsīt, smare tu hareṇa dagdhe punas tat-prāptaye tam ārādhayāmāsa | tataḥ śambareṇa smara-haraṁ prasādya nija-gṛhānītāpi prāg-labdha-tad-vara-balād abhītā māyāmaya-kāyayā kayācid ātma-bhrāntikārikayā taṁ vañcayantī babhūva | tasminn atibāle balāt pati-bhāve muhur labdha-bhāve tu dhig-dhig ity ātmānaṁ garhitavatī |
Было так: когда данава по имени Шамбара по наущению божественного мудреца — того, кто вытягивает жизнь из таких данавов и проливает счастье на добрых, — решив и обдумав, что этот ребёнок будет его убийцей, укрылся колдовством Шамбари и бросил его в океан, ребёнка тотчас проглотила небывалая рыба; ту рыбу поймал рыбак; пойманную, её поднесли Шамбаре в дань; поднесённую, её разрезала смотрительница его кухни по имени Рати; разрезав, она увидела там мальчика; увидев, она, зная беззаконие Шамбары, тайно его растила. Прежде она была женой Смары; а когда Хара сжёг Смару, она почитала Хару, чтобы вновь обрести мужа. Затем Шамбара, умилостивив Сокрушителя Смары, забрал её к себе в дом; но она, не боясь благодаря полученному прежде дару, обманывала его неким призрачным телом, что вводило его в заблуждение. А когда к совсем ещё маленькому ребёнку в ней то и дело против воли пробуждалось чувство жены к мужу, она корила себя: „Позор, позор!“
788eb2ac22a7 · प्रकाशित 25 सित॰ 2026, 4:07:20 am UTC
उपलब्ध भाषाएँRUश्लोक बदलें इन कुंजियों से
Смара — Камадева; Хара — Шива. Ср. «Бхагаватам», песнь 10, гл. 55, стихи 1–10.