सर्वत्र-प्रसिद्धोपदेशात्
sarvatra-prasiddhopadeśāt
«Состоящий из ума» — Параматма: из наставления [здесь] свойства, известного везде [в Веданте].
मनो-मयादिभिः शब्दैः स्वरूपं यस्य कीर्त्यते ।
हृदये स्फुरतु श्रीमान् ममासौ श्यामसुन्दरः ॥
प्रथमे पादे समस्त-जगत्-कारण-भूतं पुरुषोत्तमाख्यं परं ब्रह्म जिज्ञास्यम् इत्य् उक्तम् । तत्रैवान्यत्र प्रतीतानां केषाञ्चिद् वाक्यानां ब्रह्मणि समन्वयः प्रदर्शितः । द्वितीय-तृतीययोस् तु अस्पष्ट-ब्रह्म-लिङ्गकानां तस्मिन्न् एव समन्वयः प्रदर्श्यते । छान्दोग्ये शाण्डिल्य-विद्यायाम् इदम् आमनन्ति—
सर्वं खल्व् इदं ब्रह्म तज् -जलान् इति शान्त उपासीत । अथ खलु क्रतुमयः पुरुषो यथाक्रतुर् अस्मिंल् लोके पुरुषो भवति तथेतः प्रेत्य भवति स क्रतुं कुर्वीत । मनोमयः प्राण-शरीरो भा-रूपः सत्य-संकल्प आकाशात्मा सर्व-कर्मा सर्व-कामः सर्व-गन्धः सर्व-रसः सर्वम् इदम् अभ्यत्तोऽवाक्यनादरः [छा.उ. 3.14.1-2] इत्य् आदि ।
तत्र संशयः—मनोमयत्वादिगुणैर् उपास्यो जीव उत परमात्मा ? इति । तत्र मनः-प्राणयोर् जीवोपकरणत्वात्, अप्राणो ह्य् अमनाः शुभ्रः इति परमात्मनस् तन्-निषेधात् तद्वान् जीवोऽयं स्यात् । न च सर्वं खल्व् इदं ब्रह्म इति पूर्व-निर्दिष्टं ब्रह्मात्र ग्रहीतुं शक्यं, तस्य वाक्यस्योपास्त्य् उपकरण-शान्ति-विधि-परत्वात् । शान्ति-निष्पत्तये सर्वस्य ब्रह्मात्मत्वोपदेशः । एवं जीवे निश्चिते अन्तिमो ब्रह्म-शब्दोऽप्य् एतत्-परं स्याद् इत्य् एवं प्राप्ते—
सर्वत्र-प्रसिद्धोपदेशात् ॥
स खल्व् अयं परमात्मैव, न जीवः । कुतः सर्वत्र वेदान्ते प्रसिद्धस्य जगज्-जन्मादि-हेतुता-रूपस्य तद्-एकान्त-धर्मस्यात्रापि वाक्ये तज्-जलान् इत्य् उपदेशात् । यद्यप्य् उपक्रम-वाक्ये शान्ति-विवक्षया, न तु स्व-विवक्षया ब्रह्म निर्दिष्टं तथाप्य् उपदिष्टे मनोमयत्वादिके तत्-सन्निधास्यति । क्रतुर् उपासना । मनोमयः शुद्ध-मनो-ग्राह्यः, मनसैवानुद्रष्टव्य इति श्रुत्य्-अन्तरात् । यतो वाच इत्य् आदि कृत-प्रतिषेधस् तु पामरागोचरत्वात् कार्त्स्न्यागोचरत्वाच् चेति तत्त्व-विदः । प्राण-शरीरत्वं तन्-नियन्तृत्वात् प्रेष्ठ-मूर्तित्वाद् इत्य् एके । अप्राणो ह्य् अमना इति तु तद्-अनधीन-स्थिति-ज्ञानत्वात् प्राकृत-विषयो वा । मनोवान् इत्य् अनीदवातम् इति च श्रुत्य्-अन्तरात् । अपरे तु, मनोमयः प्राण-शरीर-नेता [मु.उ. 2.2.7], स एषोऽन्तर्-हृदय आकाशस् तस्मिन्न् अयं पुरुषो मनोमयोऽमृतमयो हिरण्मयः, हृदा मनीषा मनसाभिकॢप्तो य एतद् विदुर् अमृतास् ते भवन्ति, प्राणस्य प्राण इत्य् आदिषु सर्वेषु वेदान्तेषु प्रसिद्धस्य मनोमयत्वादेर् इहाप्य् उपदेशात् परमात्मैव मनोमय इति वाचख्युः ॥1॥
mano-mayādibhiḥ śabdaiḥ svarūpaṁ yasya kīrtyate |
hṛdaye sphuratu śrīmān mamāsau śyāmasundaraḥ ||
prathame pāde samasta-jagat-kāraṇa-bhūtaṁ puruṣottamākhyaṁ paraṁ brahma jijñāsyam ity uktam | tatraivānyatra pratītānāṁ keṣāñcid vākyānāṁ brahmaṇi samanvayaḥ pradarśitaḥ | dvitīya-tṛtīyayos tu aspaṣṭa-brahma-liṅgakānāṁ tasminn eva samanvayaḥ pradarśyate | chāndogye śāṇḍilya-vidyāyām idam āmananti—
sarvaṁ khalv idaṁ brahma taj -jalān iti śānta upāsīta | atha khalu kratumayaḥ puruṣo yathākratur asmiṁl loke puruṣo bhavati tathetaḥ pretya bhavati sa kratuṁ kurvīta | manomayaḥ prāṇa-śarīro bhā-rūpaḥ satya-saṁkalpa ākāśātmā sarva-karmā sarva-kāmaḥ sarva-gandhaḥ sarva-rasaḥ sarvam idam abhyatto'vākyanādaraḥ [chā.u. 3.14.1-2] ity ādi |
tatra saṁśayaḥ—manomayatvādiguṇair upāsyo jīva uta paramātmā ? iti | tatra manaḥ-prāṇayor jīvopakaraṇatvāt, aprāṇo hy amanāḥ śubhraḥ iti paramātmanas tan-niṣedhāt tadvān jīvo'yaṁ syāt | na ca sarvaṁ khalv idaṁ brahma iti pūrva-nirdiṣṭaṁ brahmātra grahītuṁ śakyaṁ, tasya vākyasyopāsty upakaraṇa-śānti-vidhi-paratvāt | śānti-niṣpattaye sarvasya brahmātmatvopadeśaḥ | evaṁ jīve niścite antimo brahma-śabdo'py etat-paraṁ syād ity evaṁ prāpte—
sarvatra-prasiddhopadeśāt ||
sa khalv ayaṁ paramātmaiva, na jīvaḥ | kutaḥ sarvatra vedānte prasiddhasya jagaj-janmādi-hetutā-rūpasya tad-ekānta-dharmasyātrāpi vākye taj-jalān ity upadeśāt | yadyapy upakrama-vākye śānti-vivakṣayā, na tu sva-vivakṣayā brahma nirdiṣṭaṁ tathāpy upadiṣṭe manomayatvādike tat-sannidhāsyati | kratur upāsanā | manomayaḥ śuddha-mano-grāhyaḥ, manasaivānudraṣṭavya iti śruty-antarāt | yato vāca ity ādi kṛta-pratiṣedhas tu pāmarāgocaratvāt kārtsnyāgocaratvāc ceti tattva-vidaḥ | prāṇa-śarīratvaṁ tan-niyantṛtvāt preṣṭha-mūrtitvād ity eke | aprāṇo hy amanā iti tu tad-anadhīna-sthiti-jñānatvāt prākṛta-viṣayo vā | manovān ity anīdavātam iti ca śruty-antarāt | apare tu, manomayaḥ prāṇa-śarīra-netā [mu.u. 2.2.7], sa eṣo'ntar-hṛdaya ākāśas tasminn ayaṁ puruṣo manomayo'mṛtamayo hiraṇmayaḥ, hṛdā manīṣā manasābhikḷpto ya etad vidur amṛtās te bhavanti, prāṇasya prāṇa ity ādiṣu sarveṣu vedānteṣu prasiddhasya manomayatvāder ihāpy upadeśāt paramātmaiva manomaya iti vācakhyuḥ ||1||
747336f62052 · प्रकाशित 27 जुल॰ 2026, 4:03:47 am UTC
उपलब्ध भाषाएँRUश्लोक बदलें इन कुंजियों से
«Тот, чья природа воспевается словами „состоящий из ума“ и подобными, — да просияет в сердце моём этот прекрасный Шьямасундара!»
В первой паде сказано: предмет вопрошания — высшее Брахман по имени Пурушоттама, сущее причиной всего мира; и там же показана саманвая в Брахмане некоторых речений, узнаваемых [обычно] об ином. Во второй же и третьей [падах] показывается саманвая в Нём же [речений] с неясными признаками Брахмана. В Чхандогье, в шандилья-видье, передают вот что: «Всё это, поистине, — Брахман: из Него рождённое, в Него входящее, Им дышащее (тадж-джалан) — так, умиротворённый, пусть почитает. И вот: человек состоит из устремления (крату): каково устремление человека в этом мире, таким становится он, уйдя отсюда. Пусть же он творит устремление: состоящий из ума, чьё тело — прана, чей облик — свет, чей замысел — истина, чья природа — пространство, вседеятельный, все-желания, все-запахи, все-вкусы, всё это объемлющий, бессловесный, невозмутимый» [3.14.1–2] — и далее.
Здесь сомнение: почитаемый с качествами «состоящий из ума» и прочими — джива или Параматма? Тут: ум и прана — орудия дживы, а от Параматмы они отведены [речением] «без праны ведь, без ума, пресветлый»; значит, обладающий ими — джива. И «всё это — Брахман» — прежде указанного Брахмана здесь взять нельзя: то речение обращено к предписанию умиротворения, орудия почитания: наставление о брахманстве всего — ради свершения умиротворения. А раз джива установлен, то и последнее слово «брахман» [«всё это имеет его атманом»] было бы о нём. При таком полученном —
«Из наставления [свойства], известного везде».
Этот, поистине, — сам Параматма, не джива. Почему? Из наставления и в этом речении — [словом] «тадж-джалан» — свойства, присущего Ему одному: причинности рождения мира и прочего, известной везде в Веданте. Хотя в речении зачина Брахман указан ради умиротворения, а не ради себя, — всё же при преподанных «манамайятве» и прочем он будет близ. Крату — почитание. «Состоящий из ума» — постижимый чистым умом: «одним лишь умом до́лжно Его узревать» — по иной шрути. Запрет же «откуда речи [возвращаются]» — о недоступности тёмным и о невместимости целиком: так знатоки истины. «Чьё тело — прана» — по правительству над нею, [или] по дражайше-образности — так одни. «Без праны, без ума» же — оттого, что Его бытие и знание не зависят от них, или [это] о пракритных [уме и пране]: «наделён умом» и «дышало безветренно» — по иным шрути. Другие же истолковали: из наставления и здесь «манамайятвы» и прочего, известного во всех ведантах, — «манамайя, водитель тела-праны» [Мундака 2.2.7], «вот это пространство внутри сердца: в нём — этот пуруша из ума, из бессмертия, из злата», «сердцем, мыслью, умом объятый: кто знает это — те становятся бессмертны», «прана праны» — [что] манамайя — сам Параматма.