प्रतिषेधाच् च
pratiṣedhāc ca
И по запрету [«нет здесь многости»]: качества от Сущности не отдельны — [различает лишь ВИШЕША].
प्रतिषेधाच् च ॥
चोऽवधारणे ।
मनसैवेदम् आप्तव्यं नेह नानाऽस्ति किंचन ।
मृत्योः स मृत्युं गच्छति य इह नानेव पश्यति ॥ [क.उ. 2.1.11]
यथोदकं दुर्गे वृष्टं पर्वतेषु विधावति ।
एवं धर्मान् पृथक् पश्यंस् तान् एवानुविधावति ॥ [क.उ. 2.1.14] इति कठ-श्रुतौ ।
निर्दोष-पूर्ण-गुण-विग्रह आत्म-तन्त्रो
निश्चेतनात्मक-शरीर-गुणैश् च हीनः ।
आनन्द-मात्र-कर-पाद-मुखोदरादिः
सर्वत्र च स्व-गत-भेद-विवर्जितात्मा ॥ इत्य् आदि स्मृतौ च ।
गुण-गुणि-भेद-निषेधात् स्वरूपात् गुणा न भिद्यन्ते । अत एव ज्ञानादीनां धर्माणां भगवच्-छब्द-वाच्यता स्मर्यते—
ज्ञान-शक्ति-बलैश्वर्य-वीर्य-तेजांस्य् अशेषतः ।
भगवच्-छब्द-वाच्यानि विना हेयैर् गुणादिभिः ॥ इति ।
तथा चैकस्यैव द्वेधा भणितिर् अम्बु-वीचिवत् विशेषाद् भवति । एवं रसावस्थस्य तस्य रसानन्दश् च स्वोल्लास-वपुर् अभ्युपेयः । नित्यश् चैषः कर्म-नित्यत्व-विनिर्णयात् । विशेषस् तु भेद-प्रतिनिधिर् भेदाभावेऽपि भेद-कार्यस्य धर्म-धर्मि-भावादेर् व्यवहारस्य निर्वर्तकः । अन्यथा सत्ता सती कालः सर्वदास्ति, देशः सर्वत्रेत्य् आद्य् अबाधित-व्यवहारानुपपत्तिः । न च सत्ता सतीत्य् आदि बुद्धिर् भ्रमः, सन् घटः इत्य् आदिवद् अबाधात् । न चारोपः सिंहो देवदत्तो नेतिवत् । सत्ता सती नेति कदाप्य् अव्यवहारात् । न च सत्ताद्य्-अन्तराभावेऽपि स्वभावाद् एव तद्-व्यवहारः । तस्यैवात्र तच्-छब्देनोक्तेः । तत्-सिद्धस् त्व् अर्थापत्तेर् यथोदकम् इति वाक्य-बलाच् च बोध्या । इह भगवद्-गुणान् अभिधाय तद्-भेदः प्रतिषिध्यते । न हि भेद-प्रतिनिधेस् तस्याप्य् अभावे गुण-गुणि-भावो गुण-बहुत्वे युज्येत । स च वस्त्व्-अभिन्नः स्व-निर्वाहकश् चेति नानवस्था । तथात्वं तु तस्य धर्मि-ग्राहक-मान-सिद्धम् ॥31॥
--ओ)0(ओ--
pratiṣedhāc ca ||
co'vadhāraṇe |
manasaivedam āptavyaṁ neha nānā'sti kiṁcana |
mṛtyoḥ sa mṛtyuṁ gacchati ya iha nāneva paśyati || [ka.u. 2.1.11]
yathodakaṁ durge vṛṣṭaṁ parvateṣu vidhāvati |
evaṁ dharmān pṛthak paśyaṁs tān evānuvidhāvati || [ka.u. 2.1.14] iti kaṭha-śrutau |
nirdoṣa-pūrṇa-guṇa-vigraha ātma-tantro
niścetanātmaka-śarīra-guṇaiś ca hīnaḥ |
ānanda-mātra-kara-pāda-mukhodarādiḥ
sarvatra ca sva-gata-bheda-vivarjitātmā || ity ādi smṛtau ca |
guṇa-guṇi-bheda-niṣedhāt svarūpāt guṇā na bhidyante | ata eva jñānādīnāṁ dharmāṇāṁ bhagavac-chabda-vācyatā smaryate—
jñāna-śakti-balaiśvarya-vīrya-tejāṁsy aśeṣataḥ |
bhagavac-chabda-vācyāni vinā heyair guṇādibhiḥ || iti |
tathā caikasyaiva dvedhā bhaṇitir ambu-vīcivat viśeṣād bhavati | evaṁ rasāvasthasya tasya rasānandaś ca svollāsa-vapur abhyupeyaḥ | nityaś caiṣaḥ karma-nityatva-vinirṇayāt | viśeṣas tu bheda-pratinidhir bhedābhāve'pi bheda-kāryasya dharma-dharmi-bhāvāder vyavahārasya nirvartakaḥ | anyathā sattā satī kālaḥ sarvadāsti, deśaḥ sarvatrety ādy abādhita-vyavahārānupapattiḥ | na ca sattā satīty ādi buddhir bhramaḥ, san ghaṭaḥ ity ādivad abādhāt | na cāropaḥ siṁho devadatto netivat | sattā satī neti kadāpy avyavahārāt | na ca sattādy-antarābhāve'pi svabhāvād eva tad-vyavahāraḥ | tasyaivātra tac-chabdenokteḥ | tat-siddhas tv arthāpatter yathodakam iti vākya-balāc ca bodhyā | iha bhagavad-guṇān abhidhāya tad-bhedaḥ pratiṣidhyate | na hi bheda-pratinidhes tasyāpy abhāve guṇa-guṇi-bhāvo guṇa-bahutve yujyeta | sa ca vastv-abhinnaḥ sva-nirvāhakaś ceti nānavasthā | tathātvaṁ tu tasya dharmi-grāhaka-māna-siddham ||31||
--o)0(o--
54e832ec612e · प्रकाशित 27 जुल॰ 2026, 5:11:31 am UTC
उपलब्ध भाषाएँRUश्लोक बदलें इन कुंजियों से
«И по запрету».
«НЕТ ЗДЕСЬ НИКАКОЙ МНОГОСТИ; от смерти к смерти идёт видящий как бы многое; как вода на круче разбегается по горам — так видящий дхармы порознь вслед им разбегается» [Катха]; и смрити: «безызъянный, образ полных качеств… ЧЬИ РУКИ, СТОПЫ, ЛИК, СТАН — ОДНО БЛАЖЕНСТВО, всюду Сам — без внутренних различий». Запретом различия качества от сущности не отдельны — потому и означаемы [все] словом «Бхагаван» («знание, шакти, мощь, владычество, доблесть, блеск — сполна…»). Итак: двоякая речь об одном — как о воде и волне — от ВИШЕШИ. (Так прими у Него, сущего расой, и блаженство расы — тело самоликования, вечное.) ВИШЕША же — ЗАМЕСТИТЕЛЬ различия: при отсутствии различия исполняет его дело — оборот «свойство-носитель» (иначе не быть неотменимым оборотам «бытие есть», «время всегда есть»; и мысль эта не морок — неотменима). Он неотличен от вещи и САМОнесущ — потому нет дурной бесконечности; и утверждён тем же мерилом, что берёт носителя.