भगवान्—(पाणिकमलेन तेषां शिरः परामृश्य ।) अये, साधु कीर्तितं भवद्भिर्भगवन्नाम । कृतार्थीकृतश्चाहम् । तज्जानीत वृन्दावनं केन पथा गम्यते ।
नित्यानन्दः—(सहर्षम् ।) अयमवसरो मम । (इति तेषां मध्यादेकमानीय ।) तात, एष मार्गो वृन्दावनस्येति कथय ।
बालकः—जह आणवेदि भअवं । (इत्युपसृत्य ।) भो भअवं, एसो मग्गो वुन्दावणस्स । (क) (इति नित्यानन्दोपदिष्टमार्गं दर्शयति ।)
(भगवान्सानन्दावेशं तमेव मार्गमनुक्रामति ।)
(शिशवः प्रणम्य निष्क्रामन्ति ।)
नित्यानन्दः—हन्त, निस्तीर्णोऽस्मि । संप्रति संपत्स्यते मे मनोरथः । यदनेन पथैवाद्वैतवाटीमासादयितुं शक्यते । (इति तेन पथा तमनुगच्छन्निकयदूरं गत्वा सपरामर्शम् ।) अहो, कथमहं न परिचीये परपरिचयदशा किंचित्तरामिवास्य जातास्ति । तत्परीक्षे च निजसौभाग्यम् । (इति निकटमुपसर्पति ।)
भगवान्—('एतां समास्थाय परात्मनिष्ठाम्' (५।१) इत्यादि पुनः पठित्वा ।) अहो सम्यग्गीतं भिक्षुणा—'मुकुन्दसेवयैव तमस्तरिष्यामि न त्वनया परात्मनिष्ठया । अस्या आस्थामात्रं कार्यं न त्वेषैवोद्देश्या' । तद्वृन्दावनं गत्वा मुकुन्दसेवैव मानसीकर्तव्या । (इत्याकाशे लक्ष्यं बद्ध्वा ।) हंहो, कियद्दूरे वृन्दावनम् ।
नित्यानन्दः—(उपसृत्य ।) देव, दिवसैकप्राप्यमस्ति वृन्दावनम् ।
भगवान्—(स्वप्नजाग्रतोरन्तरालदशामापन्न इव सचमत्कारम् ।) कथमहो श्रीपादनित्यानन्दोऽसि ।
नित्यानन्दः—देव, स एवाहम् । (इत्यर्धोक्ते बाष्परुद्धकण्ठस्तिष्ठति ।)
भगवान्—श्रीपाद, कथय कुतो भवन्तः ।
नित्यानन्दः—देवस्य वृन्दावनजिगमिषामाश्रित्य मयापि तद्दिदृक्षया चलता भगवत्सङ्गो गृहीतः ।
भगवान्—भद्रं भोः, भद्रम् । एहि । सहैव गच्छाव । (इति सानन्दं गच्छति ।)
नित्यानन्दः—भगवन्, इतः । (इति कियद्दूरं नीत्वा ।) भगवन्, इतः कियद्दूरे यमुना भगवती वर्तते, तदवगाहनं कर्तुमुचितम् ।
भगवान्—हन्त, यमुनाद्य विलोकितव्या ।
नित्यानन्दः—अथ किम् ।
भगवान्—(हर्षं नाटयित्वा ।) श्रीपाद, क्व सा ।
नित्यानन्दः—इत इतः । (इति कियद्दूरं नीत्वा गङ्गामासाद्य ।) भगवन्, इयं यमुना ।
भगवान्—(सानन्दं प्रणम्य स्तौति ।)
bhagavān—(pāṇikamalena teṣāṃ śiraḥ parāmṛśya |) aye, sādhu kīrtitaṃ bhavadbhirbhagavannāma | kṛtārthīkṛtaścāham | tajjānīta vṛndāvanaṃ kena pathā gamyate |
nityānandaḥ—(saharṣam |) ayamavasaro mama | (iti teṣāṃ madhyādekamānīya |) tāta, eṣa mārgo vṛndāvanasyeti kathaya |
bālakaḥ—jaha āṇavedi bhaavaṃ | (ityupasṛtya |) bho bhaavaṃ, eso maggo vundāvaṇassa | (ka) (iti nityānandopadiṣṭamārgaṃ darśayati |)
(bhagavānsānandāveśaṃ tameva mārgamanukrāmati |)
(śiśavaḥ praṇamya niṣkrāmanti |)
nityānandaḥ—hanta, nistīrṇo'smi | saṃprati saṃpatsyate me manorathaḥ | yadanena pathaivādvaitavāṭīmāsādayituṃ śakyate | (iti tena pathā tamanugacchannikayadūraṃ gatvā saparāmarśam |) aho, kathamahaṃ na paricīye paraparicayadaśā kiṃcittarāmivāsya jātāsti | tatparīkṣe ca nijasaubhāgyam | (iti nikaṭamupasarpati |)
bhagavān—('etāṃ samāsthāya parātmaniṣṭhām' (5|1) ityādi punaḥ paṭhitvā |) aho samyaggītaṃ bhikṣuṇā—'mukundasevayaiva tamastariṣyāmi na tvanayā parātmaniṣṭhayā | asyā āsthāmātraṃ kāryaṃ na tveṣaivoddeśyā' | tadvṛndāvanaṃ gatvā mukundasevaiva mānasīkartavyā | (ityākāśe lakṣyaṃ baddhvā |) haṃho, kiyaddūre vṛndāvanam |
nityānandaḥ—(upasṛtya |) deva, divasaikaprāpyamasti vṛndāvanam |
bhagavān—(svapnajāgratorantarāladaśāmāpanna iva sacamatkāram |) kathamaho śrīpādanityānando'si |
nityānandaḥ—deva, sa evāham | (ityardhokte bāṣparuddhakaṇṭhastiṣṭhati |)
bhagavān—śrīpāda, kathaya kuto bhavantaḥ |
nityānandaḥ—devasya vṛndāvanajigamiṣāmāśritya mayāpi taddidṛkṣayā calatā bhagavatsaṅgo gṛhītaḥ |
bhagavān—bhadraṃ bhoḥ, bhadram | ehi | sahaiva gacchāva | (iti sānandaṃ gacchati |)
nityānandaḥ—bhagavan, itaḥ | (iti kiyaddūraṃ nītvā |) bhagavan, itaḥ kiyaddūre yamunā bhagavatī vartate, tadavagāhanaṃ kartumucitam |
bhagavān—hanta, yamunādya vilokitavyā |
nityānandaḥ—atha kim |
bhagavān—(harṣaṃ nāṭayitvā |) śrīpāda, kva sā |
nityānandaḥ—ita itaḥ | (iti kiyaddūraṃ nītvā gaṅgāmāsādya |) bhagavan, iyaṃ yamunā |
bhagavān—(sānandaṃ praṇamya stauti |)
Господь. (Коснувшись рукой-лотосом их голов.) Ах, хорошо вы воспели имя Господа — и меня одарили. Скажите же, какой дорогой идут во Вриндаван?
Нитьянанда. (Радостно.) Вот мой случай. (Подзывает одного из них.) Милый, скажи: «Вот дорога во Вриндаван».
Мальчик. Как велит владыка. (Подойдя.) Владыка, вот дорога во Вриндаван. (Показывает дорогу, которую указал Нитьянанда.)
(Господь, охваченный блаженством, идёт той самой дорогой.)
(Дети кланяются и уходят.)
Нитьянанда. Ах, выручили! Теперь исполнится моё желание: этой дорогой можно дойти до дома Адвайты. (Идёт за Ним той дорогой, пройдя немного, размышляет.) Ах, отчего Он меня не узнаёт? Будто совсем на меня как на чужого смотрит. Испытаю-ка своё счастье. (Подходит ближе.)
Господь. (Снова произнося «Приняв эту стойкость в Высшем…» (5.1).) Ах, хорошо пропел нищий: «Служением Мукунде переправлюсь через тьму, а не этой стойкостью в Высшем. Её надо лишь принять, а цель — не она». Так, придя во Вриндаван, надо сделать служение Мукунде делом сердца. (Устремив взгляд в небо.) Эй, далеко ли до Вриндавана?
Нитьянанда. (Подойдя.) Господи, до Вриндавана один день пути.
Господь. (Словно между сном и явью, с изумлением.) Как, это ты, Шрипада Нитьянанда?
Нитьянанда. Господи, это я. (Не договорив, стоит; горло перехвачено слезами.)
Господь. Шрипада, скажи, откуда ты?
Нитьянанда. Узнав, что Господь хочет во Вриндаван, и я, желая его увидеть, пошёл с Господом.
Господь. Хорошо, хорошо! Пойдём вместе. (Радостно идёт.)
Нитьянанда. Господи, сюда. (Проводив немного.) Господи, отсюда недалеко владычица Ямуна; хорошо бы в ней искупаться.
Господь. Ах, сегодня увидим Ямуну!
Нитьянанда. А то как же.
Господь. (Изобразив радость.) Шрипада, где она?
Нитьянанда. Сюда, сюда. (Проводив немного и дойдя до Ганги.) Господи, вот Ямуна.
Господь. (Радостно поклонившись, славит её.)
efed2c28858f · опубликовано 14 сент. 2026 г., 10:00:00 UTC
Доступно наRUЛистайте стихи клавишами
Хитрость сделана руками детей: мальчик показывает не дорогу во Вриндаван, а ту, что указал Нитьянанда. Обман невинен и полностью в пользу обманутого.
Главное в сцене — толкование стиха нищего. Санньясу «надо лишь принять, а цель — не она»: цель — служение Мукунде. Одежда отречения здесь прямо объявлена средством, а не концом.
И когда Он наконец узнаёт Нитьянанду, это похоже на пробуждение: «между сном и явью».