य एनं वेत्ति हन्तारं यश् चैनं मन्यते हतम् ॥
उभौ तौ न विजानीतो नायं हन्ति न हन्यते ॥
न जायते म्रियते वा कदा चिन्; नायं भूत्वा भविता वा न भूयः ॥
अजो नित्यः शाश्वतो ऽयं पुराणो; न हन्यते हन्यमाने शरीरे ॥
वेदाविनाशिनं नित्यं य एनम् अजम् अव्ययम् ॥
कथं स पुरुषः पार्थ कं घातयति हन्ति कम् ॥
वासांसि जीर्णानि यथा विहाय; नवानि गृह्णाति नरो ऽपराणि ॥
तथा शरीराणि विहाय जीर्णान्य्; अन्यानि संयाति नवानि देही ॥
नैनं छिन्दन्ति शस्त्राणि नैनं दहति पावकः ॥
न चैनं क्लेदयन्त्य् आपो न शोषयति मारुतः ॥
अच्छेद्यो ऽयम् अदाह्यो ऽयम् अक्लेद्यो ऽशोष्य एव च ॥
नित्यः सर्वगतः स्थाणुर् अचलो ऽयं सनातनः ॥
अव्यक्तो ऽयम् अचिन्त्यो ऽयम् अविकार्यो ऽयम् उच्यते ॥
तस्माद् एवं विदित्वैनं नानुशोचितुम् अर्हसि ॥
अथ चैनं नित्यजातं नित्यं वा मन्यसे मृतम् ॥
तथापि त्वं महाबाहो नैनं शोचितुम् अर्हसि ॥
जातस्य हि ध्रुवो मृत्युर् ध्रुवं जन्म मृतस्य च ॥
तस्माद् अपरिहार्ये ऽर्थे न त्वं शोचितुम् अर्हसि ॥
अव्यक्तादीनि भूतानि व्यक्तमध्यानि भारत ॥
अव्यक्तनिधनान्य् एव तत्र का परिदेवना ॥
आश्चर्यवत् पश्यति कश् चिद् एनम्; आश्चर्यवद् वदति तथैव चान्यः ॥
आश्चर्यवच् चैनम् अन्यः शृणोति; श्रुत्वाप्य् एनं वेद न चैव कश् चित् ॥
देही नित्यम् अवध्यो ऽयं देहे सर्वस्य भारत ॥
तस्मात् सर्वाणि भूतानि न त्वं शोचितुम् अर्हसि ॥
ya enaṃ vetti hantāraṃ yaś cainaṃ manyate hatam ||
ubhau tau na vijānīto nāyaṃ hanti na hanyate ||
na jāyate mriyate vā kadā cin; nāyaṃ bhūtvā bhavitā vā na bhūyaḥ ||
ajo nityaḥ śāśvato 'yaṃ purāṇo; na hanyate hanyamāne śarīre ||
vedāvināśinaṃ nityaṃ ya enam ajam avyayam ||
kathaṃ sa puruṣaḥ pārtha kaṃ ghātayati hanti kam ||
vāsāṃsi jīrṇāni yathā vihāya; navāni gṛhṇāti naro 'parāṇi ||
tathā śarīrāṇi vihāya jīrṇāny; anyāni saṃyāti navāni dehī ||
nainaṃ chindanti śastrāṇi nainaṃ dahati pāvakaḥ ||
na cainaṃ kledayanty āpo na śoṣayati mārutaḥ ||
acchedyo 'yam adāhyo 'yam akledyo 'śoṣya eva ca ||
nityaḥ sarvagataḥ sthāṇur acalo 'yaṃ sanātanaḥ ||
avyakto 'yam acintyo 'yam avikāryo 'yam ucyate ||
tasmād evaṃ viditvainaṃ nānuśocitum arhasi ||
atha cainaṃ nityajātaṃ nityaṃ vā manyase mṛtam ||
tathāpi tvaṃ mahābāho nainaṃ śocitum arhasi ||
jātasya hi dhruvo mṛtyur dhruvaṃ janma mṛtasya ca ||
tasmād aparihārye 'rthe na tvaṃ śocitum arhasi ||
avyaktādīni bhūtāni vyaktamadhyāni bhārata ||
avyaktanidhanāny eva tatra kā paridevanā ||
āścaryavat paśyati kaś cid enam; āścaryavad vadati tathaiva cānyaḥ ||
āścaryavac cainam anyaḥ śṛṇoti; śrutvāpy enaṃ veda na caiva kaś cit ||
dehī nityam avadhyo 'yaṃ dehe sarvasya bhārata ||
tasmāt sarvāṇi bhūtāni na tvaṃ śocitum arhasi ||
«Кто считает этого ātman убийцей и кто думает, что он убит, оба не знают: он не убивает и не бывает убит. Он никогда не рождается и не умирает; он не возникал когда-то и не станет вновь возникшим. Он нерождённый, вечный, постоянный, изначальный; он не гибнет, когда гибнет тело. О сын Притхи, как человек, знающий его неуничтожимым, вечным, нерождённым и неизменным, может кого-то убить или побудить к убийству? Как человек, оставив изношенные одежды, берёт другие, новые, так воплощённый, оставив старые тела, переходит к другим, новым. Его не рассекает оружие, не сжигает огонь, не мочат воды и не сушит ветер. Его нельзя рассечь, сжечь, намочить или иссушить; он вечен, всепроникающ, устойчив, неподвижен и изначален. Его называют непроявленным, непостижимым и неизменным; поэтому, зная его так, ты не должен скорбеть. Но даже если ты считаешь его постоянно рождающимся и постоянно умирающим, о сильнорукий, всё равно тебе не следует скорбеть о нём. Для рождённого смерть неизбежна, а для умершего неизбежно рождение; поэтому не следует печалиться о неотвратимом. Существа непроявлены в начале, проявлены в середине и снова непроявлены в конце, о Бхарата: о чём же здесь плакать? Один видит этот ātman как чудо, другой говорит о нём как о чуде, третий слышит о нём как о чуде; но даже услышав, никто до конца не постигает его. Воплощённый в каждом теле вечно неуязвим, о Бхарата; поэтому ты не должен скорбеть ни о каких существах».
e3a6654b8f27 · опубликовано 17 июл. 2026 г., 20:55:05 UTC
Доступно наRUENЛистайте стихи клавишами
Кришна раскрывает непоражаемость души множеством образов: одежда, оружие, огонь, вода, ветер, проявленное и непроявленное. Смысл один: тело входит в перемены, но личность как dehī не уничтожается ими.