संजय उवाच
सायाह्ने न्यपतद् भूमौ धार्तराष्ट्रान् विषादयन् ॥
पाञ्चालानां ददद् धर्षं कुरुवृद्धः पितामहः ॥
स शेते शरतल्पस्थो मेदिनीम् अस्पृशंस् तदा ॥
भीष्मो रथात् प्रपतितः प्रच्युतो धरणीतले ॥
हा हेति तुमुलः शब्दो भूतानां समपद्यत ॥
सीमावृक्षे निपतिते कुरूणां समितिक्षये ॥
उभयोः सेनयो राजन् क्षत्रियान् भयम् आविशत् ॥
भीष्मं शंतनवं दृष्ट्वा विशीर्णकवचध्वजम् ॥
कुरवः पर्यवर्तन्त पाण्डवाश् च विशां पते ॥
खं तमोवृतम् आसीच् च नासीद् भानुमतः प्रभा ॥
ररास पृथिवी चैव भीष्मे शांतनवे हते ॥
अयं ब्रह्मविदां श्रेष्ठो अयं ब्रह्मविदां गतिः ॥
इत्य् अभाषन्त भूतानि शयानं भरतर्षभम् ॥
अयं पितरम् आज्ञाय कामार्तं शंतनुं पुरा ॥
ऊर्ध्वरेतसम् आत्मानं चकार पुरुषर्षभः ॥
इति स्म शरतल्पस्थं भरतानाम् अमध्यमम् ॥
ऋषयः पर्यधावन्त सहिताः सिद्धचारणैः ॥
हते शांतनवे भीष्मे भरतानां पितामहे ॥
न किं चित् प्रत्यपद्यन्त पुत्रास् तव च भारत ॥
विवर्णवदनाश् चासन् गतश्रीकाश् च भारत ॥
अतिष्ठन् व्रीडिताश् चैव ह्रिया युक्ता ह्य् अधोमुखाः ॥
पाण्डवाश् च जयं लब्ध्वा संग्रामशिरसि स्थिताः ॥
सर्वे दध्मुर् महाशङ्खान् हेमजालपरिष्कृतान् ॥
भृशं तूर्यनिनादेषु वाद्यमानेषु चानघ ॥
अपश्याम रणे राजन् भीमसेनं महाबलम् ॥
आक्रीडमानं कौन्तेयं हर्षेण महता युतम् ॥
निहत्य समरे शत्रून् महाबलसमन्वितान् ॥
संमोहश् चापि तुमुलः कुरूणाम् अभवत् तदा ॥
कर्णदुर्योधनौ चापि निःश्वसेतां मुहुर् मुहुः ॥
तथा निपतिते भीष्मे कौरवाणां धुरंधरे ॥
हाहाकारम् अभूत् सर्वं निर्मर्यादम् अवर्तत ॥
saṃjaya uvāca
sāyāhne nyapatad bhūmau dhārtarāṣṭrān viṣādayan ||
pāñcālānāṃ dadad dharṣaṃ kuruvṛddhaḥ pitāmahaḥ ||
sa śete śaratalpastho medinīm aspṛśaṃs tadā ||
bhīṣmo rathāt prapatitaḥ pracyuto dharaṇītale ||
hā heti tumulaḥ śabdo bhūtānāṃ samapadyata ||
sīmāvṛkṣe nipatite kurūṇāṃ samitikṣaye ||
ubhayoḥ senayo rājan kṣatriyān bhayam āviśat ||
bhīṣmaṃ śaṃtanavaṃ dṛṣṭvā viśīrṇakavacadhvajam ||
kuravaḥ paryavartanta pāṇḍavāś ca viśāṃ pate ||
khaṃ tamovṛtam āsīc ca nāsīd bhānumataḥ prabhā ||
rarāsa pṛthivī caiva bhīṣme śāṃtanave hate ||
ayaṃ brahmavidāṃ śreṣṭho ayaṃ brahmavidāṃ gatiḥ ||
ity abhāṣanta bhūtāni śayānaṃ bharatarṣabham ||
ayaṃ pitaram ājñāya kāmārtaṃ śaṃtanuṃ purā ||
ūrdhvaretasam ātmānaṃ cakāra puruṣarṣabhaḥ ||
iti sma śaratalpasthaṃ bharatānām amadhyamam ||
ṛṣayaḥ paryadhāvanta sahitāḥ siddhacāraṇaiḥ ||
hate śāṃtanave bhīṣme bharatānāṃ pitāmahe ||
na kiṃ cit pratyapadyanta putrās tava ca bhārata ||
vivarṇavadanāś cāsan gataśrīkāś ca bhārata ||
atiṣṭhan vrīḍitāś caiva hriyā yuktā hy adhomukhāḥ ||
pāṇḍavāś ca jayaṃ labdhvā saṃgrāmaśirasi sthitāḥ ||
sarve dadhmur mahāśaṅkhān hemajālapariṣkṛtān ||
bhṛśaṃ tūryaninādeṣu vādyamāneṣu cānagha ||
apaśyāma raṇe rājan bhīmasenaṃ mahābalam ||
ākrīḍamānaṃ kaunteyaṃ harṣeṇa mahatā yutam ||
nihatya samare śatrūn mahābalasamanvitān ||
saṃmohaś cāpi tumulaḥ kurūṇām abhavat tadā ||
karṇaduryodhanau cāpi niḥśvasetāṃ muhur muhuḥ ||
tathā nipatite bhīṣme kauravāṇāṃ dhuraṃdhare ||
hāhākāram abhūt sarvaṃ nirmaryādam avartata ||
Санджая сказал: «Вечером старейшина Куру, питамаха, упал на землю, ввергая Дхартраштров в скорбь и давая радость Панчалам. Бхишма, низвергнутый с колесницы на землю, лежал на ложе из стрел, не касаясь тогда земли. Когда это пограничное древо Куру упало в разрушении битвы, среди существ поднялся бурный крик: “Ха! Ха!” О царь, в обеих армиях страх вошёл в сердца кшатриев, когда они увидели Шантанава Бхишму с разбитой бронёй и знаменем. Куру повернули назад, и Пандавы тоже, о владыка народов. Небо покрылось тьмой, сияние солнца исчезло, и земля загрохотала, когда пал Шантанав Бхишма. “Он лучший из знатоков Брахмана; он путь для знающих Брахман”, - так говорили существа о лежащем быке среди Бхаратов. “Он, поняв некогда желание своего отца Шантану, страдавшего от любви, сделал себя целомудренным”, - так говорили о лучшем из Бхаратов, лежащем на ложе стрел, риши, обходившие его вместе с сиддхами и чаранами. Когда пал Шантанав Бхишма, питамаха Бхаратов, твои сыновья, о Бхарата, не знали, что делать. Они стояли побледневшие, лишённые блеска, пристыженные, охваченные стыдом и с опущенными лицами. Пандавы же, обретя победу и стоя на главном месте битвы, все затрубили в великие раковины, украшенные золотой сеткой. Среди громкого звучания труб и музыки мы увидели в бою могучего Бхимасену, Каунтею, исполненного великой радости и ликующего. Он сразил в битве могучих врагов. Тогда Куру охватило бурное смятение. Карна и Дурьодхана снова и снова тяжело вздыхали, когда Бхишма, несущий ношу Кауравов, пал. Повсюду поднялся крик “ха, ха”, и всё пришло в беспорядок».
db78b8ef509e · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Санджая подчёркивает двоякость момента: для Пандавов это победа, для Куру - распад опоры. Но даже среди ликования и скорби Бхишма сразу описан как брахмавид, чьё падение превосходит обычную военную смерть.