उपातिष्ठन्न् अथो वैद्याः शल्योद्धरणकोविदाः ॥
सर्वोपकरणैर् युक्ताः कुशलास् ते सुशिक्षिताः ॥
तान् दृष्ट्वा जाह्नवीपुत्रः प्रोवाच वचनं तदा ॥
दत्तदेया विसृज्यन्तां पूजयित्वा चिकित्सकाः ॥
एवंगते न हीदानीं वैद्यैः कार्यम् इहास्ति मे ॥
क्षत्रधर्मप्रशस्तां हि प्राप्तो ऽस्मि परमां गतिम् ॥
नैष धर्मो महीपालाः शरतल्पगतस्य मे ॥
एतैर् एव शरैश् चाहं दग्धव्यो ऽन्ते नराधिपाः ॥
तच् छ्रुत्वा वचनं तस्य पुत्रो दुर्योधनस् तव ॥
वैद्यान् विसर्जयाम् आस पूजयित्वा यथार्हतः ॥
ततस् ते विस्मयं जग्मुर् नानाजनपदेश्वराः ॥
स्थितिं धर्मे परां दृष्ट्वा भीष्मस्यामिततेजसः ॥
उपधानं ततो दत्त्वा पितुस् तव जनेश्वर ॥
सहिताः पाण्डवाः सर्वे कुरवश् च महारथाः ॥
उपगम्य महात्मानं शयानं शयने शुभे ॥
ते ऽभिवाद्य ततो भीष्मं कृत्वा चाभिप्रदक्षिणम् ॥
विधाय रक्षां भीष्मस्य सर्व एव समन्ततः ॥
वीराः स्वशिबिराण्य् एव ध्यायन्तः परमातुराः ॥
निवेशायाभ्युपागच्छन् सायाह्ने रुधिरोक्षिताः ॥
upātiṣṭhann atho vaidyāḥ śalyoddharaṇakovidāḥ ||
sarvopakaraṇair yuktāḥ kuśalās te suśikṣitāḥ ||
tān dṛṣṭvā jāhnavīputraḥ provāca vacanaṃ tadā ||
dattadeyā visṛjyantāṃ pūjayitvā cikitsakāḥ ||
evaṃgate na hīdānīṃ vaidyaiḥ kāryam ihāsti me ||
kṣatradharmapraśastāṃ hi prāpto 'smi paramāṃ gatim ||
naiṣa dharmo mahīpālāḥ śaratalpagatasya me ||
etair eva śaraiś cāhaṃ dagdhavyo 'nte narādhipāḥ ||
tac chrutvā vacanaṃ tasya putro duryodhanas tava ||
vaidyān visarjayām āsa pūjayitvā yathārhataḥ ||
tatas te vismayaṃ jagmur nānājanapadeśvarāḥ ||
sthitiṃ dharme parāṃ dṛṣṭvā bhīṣmasyāmitatejasaḥ ||
upadhānaṃ tato dattvā pitus tava janeśvara ||
sahitāḥ pāṇḍavāḥ sarve kuravaś ca mahārathāḥ ||
upagamya mahātmānaṃ śayānaṃ śayane śubhe ||
te 'bhivādya tato bhīṣmaṃ kṛtvā cābhipradakṣiṇam ||
vidhāya rakṣāṃ bhīṣmasya sarva eva samantataḥ ||
vīrāḥ svaśibirāṇy eva dhyāyantaḥ paramāturāḥ ||
niveśāyābhyupāgacchan sāyāhne rudhirokṣitāḥ ||
Затем подошли врачи, искусные в извлечении стрел, умелые, хорошо обученные и снабжённые всеми принадлежностями. Увидев их, сын Ганги тогда сказал: «Почтите врачей дарами и отпустите их. В моём нынешнем состоянии здесь уже нет дела для врачей. Я достиг высшей участи, восхвалённой кшатрийской дхармой. О земные владыки, не таков долг для меня, лежащего на ложе стрел: этими же стрелами я должен быть сожжён в конце». Услышав его слова, твой сын Дурьодхана почтил врачей как подобает и отпустил их. Тогда владыки разных стран пришли в изумление, увидев высшую стойкость в дхарме Бхишмы неизмеримого сияния. После того как твоему предку дали изголовье, все Пандавы вместе с махаратхами Куру подошли к великому Бхишме, лежащему на прекрасном ложе. Они поклонились ему, совершили обход справа и, устроив охрану Бхишмы со всех сторон, вечером, окровавленные, скорбно погружённые в думы, вернулись в свои лагеря».
18abeea135e9 · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Бхишма отказывается от врачей, потому что его раны больше не медицинская проблема. Он принимает стрелы как часть своего кшатрийского завершения и даже будущего погребального огня.