तम् अब्रवीच् छांतनवः शिरो मे तात लम्बते ॥
उपधानं कुरुश्रेष्ठ फल्गुनोपनयस्व मे ॥
शयनस्यानुरूपं हि शीघ्रं वीर प्रयच्छ मे ॥
त्वं हि पार्थ महाबाहो श्रेष्ठः सर्वधनुष्मताम् ॥
क्षत्रधर्मस्य वेत्ता च बुद्धिसत्त्वगुणान्वितः ॥
फल्गुनस् तु तथेत्य् उक्त्वा व्यवसायपुरोजवः ॥
प्रगृह्यामन्त्र्य गाण्डीवं शरांश् च नतपर्वणः ॥
अनुमान्य महात्मानं भरतानाम् अमध्यमम् ॥
त्रिभिस् तीक्ष्णैर् महावेगैर् उदगृह्णाच् छिरः शरैः ॥
अभिप्राये तु विदिते धर्मात्मा सव्यसाचिना ॥
अतुष्यद् भरतश्रेष्ठो भीष्मो धर्मार्थतत्त्ववित् ॥
उपधानेन दत्तेन प्रत्यनन्दद् धनंजयम् ॥
कुन्तीपुत्रं युधां श्रेष्ठं सुहृदां प्रीतिवर्धनम् ॥
अनुरूपं शयानस्य पाण्डवोपहितं त्वया ॥
यद्य् अन्यथा प्रवर्तेथाः शपेयं त्वाम् अहं रुषा ॥
एवम् एतन् महाबाहो धर्मेषु परिनिष्ठितम् ॥
स्वप्तव्यं क्षत्रियेणाजौ शरतल्पगतेन वै ॥
एवम् उक्त्वा तु बीभत्सुं सर्वांस् तान् अब्रवीद् वचः ॥
राज्ञश् च राजपुत्रांश् च पाण्डवेनाभि संस्थितान् ॥
शयेयम् अस्यां शय्यायां यावद् आवर्तनं रवेः ॥
ये तदा पारयिष्यन्ति ते मां द्रक्ष्यन्ति वै नृपाः ॥
दिशं वैश्रवणाक्रान्तां यदा गन्ता दिवाकरः ॥
अर्चिष्मान् प्रतपंल् लोकान् रथेनोत्तमतेजसा ॥
विमोक्ष्ये ऽहं तदा प्राणान् सुहृदः सुप्रियान् अपि ॥
परिखा खन्यताम् अत्र ममावसदने नृपाः ॥
उपासिष्ये विवस्वन्तम् एवं शरशताचितः ॥
उपारमध्वं संग्रामाद् वैराण्य् उत्सृज्य पार्थिवाः ॥
tam abravīc chāṃtanavaḥ śiro me tāta lambate ||
upadhānaṃ kuruśreṣṭha phalgunopanayasva me ||
śayanasyānurūpaṃ hi śīghraṃ vīra prayaccha me ||
tvaṃ hi pārtha mahābāho śreṣṭhaḥ sarvadhanuṣmatām ||
kṣatradharmasya vettā ca buddhisattvaguṇānvitaḥ ||
phalgunas tu tathety uktvā vyavasāyapurojavaḥ ||
pragṛhyāmantrya gāṇḍīvaṃ śarāṃś ca nataparvaṇaḥ ||
anumānya mahātmānaṃ bharatānām amadhyamam ||
tribhis tīkṣṇair mahāvegair udagṛhṇāc chiraḥ śaraiḥ ||
abhiprāye tu vidite dharmātmā savyasācinā ||
atuṣyad bharataśreṣṭho bhīṣmo dharmārthatattvavit ||
upadhānena dattena pratyanandad dhanaṃjayam ||
kuntīputraṃ yudhāṃ śreṣṭhaṃ suhṛdāṃ prītivardhanam ||
anurūpaṃ śayānasya pāṇḍavopahitaṃ tvayā ||
yady anyathā pravartethāḥ śapeyaṃ tvām ahaṃ ruṣā ||
evam etan mahābāho dharmeṣu pariniṣṭhitam ||
svaptavyaṃ kṣatriyeṇājau śaratalpagatena vai ||
evam uktvā tu bībhatsuṃ sarvāṃs tān abravīd vacaḥ ||
rājñaś ca rājaputrāṃś ca pāṇḍavenābhi saṃsthitān ||
śayeyam asyāṃ śayyāyāṃ yāvad āvartanaṃ raveḥ ||
ye tadā pārayiṣyanti te māṃ drakṣyanti vai nṛpāḥ ||
diśaṃ vaiśravaṇākrāntāṃ yadā gantā divākaraḥ ||
arciṣmān pratapaṃl lokān rathenottamatejasā ||
vimokṣye 'haṃ tadā prāṇān suhṛdaḥ supriyān api ||
parikhā khanyatām atra mamāvasadane nṛpāḥ ||
upāsiṣye vivasvantam evaṃ śaraśatācitaḥ ||
upāramadhvaṃ saṃgrāmād vairāṇy utsṛjya pārthivāḥ ||
Бхишма сказал ему: «Голова моя, дитя, свисает. Фалгуна, лучший из Куру, быстро дай мне опору, соответствующую этому ложу. Ты ведь, Партха, сильнорукий, лучший из всех лучников, знаток кшатрийской дхармы, наделённый разумом и стойкостью». Фалгуна ответил: «Да будет так», - и, движимый твёрдой решимостью, взял Гандиву и изогнутые стрелы. Почтив великодушного, лучшего из Бхаратов, он тремя острыми и стремительными стрелами приподнял его голову. Когда праведный Савьясачин понял его намерение, Бхишма, лучший из Бхаратов, знаток сути дхармы и артхи, остался доволен и похвалил Дхананджаю, сына Кунти, лучшего в битвах, радующего друзей, за данную опору: «Пандава, ты дал мне то, что соответствует моему ложу. Если бы ты поступил иначе, я в гневе проклял бы тебя. Именно так, сильнорукий, установлено в дхарме: кшатрий, лежащий на ложе стрел в битве, должен покоиться так». Сказав это Бибхатсу, он обратился ко всем царям и царевичам, стоявшим рядом с Пандавой: «Я буду лежать на этом ложе, пока солнце не повернёт. Те из вас, цари, кто доживёт до того времени, увидят меня. Когда лучистое солнце, согревая миры, на своей блистающей колеснице двинется к стороне Вайшраваны, тогда я отпущу праны, оставив даже самых дорогих друзей. Пусть здесь, вокруг места моего лежания, выкопают ров. Покрытый сотнями стрел, я буду созерцать Вивасвана. О цари, прекратите сражение и оставьте вражду».
d27cf2e14573 · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Арджуна даёт Бхишме не мягкую подушку, а изголовье из стрел, точно соответствующее героическому ложу. Бхишма сразу превращает личную просьбу в наставление всем царям: до своего ухода он остаётся учителем дхармы.