आनन्द-चिन्मय-रस-प्रतिभाविताभिस् ताभिर् य एव निज-रूपतया कलाभिः गोलोक एव निवसत्य् अखिलात्म-भूतो गोविन्दम् आदि-पुरुषं तम् अहं भजामि
ānanda-cinmaya-rasa-pratibhāvitābhis tābhir ya eva nija-rūpatayā kalābhiḥ goloka eva nivasaty akhilātma-bhūto govindam ādi-puruṣaṃ tam ahaṃ bhajāmi
Тому, кто вместе с ними — Своими частями, проникнутыми расой блаженства и сознания, — в собственном облике живёт именно на Голоке, будучи при этом душою всего, — Говинде, изначальному Пуруше, я поклоняюсь.
तत्-प्रेयसीनां तु किं वक्तव्यम्, यतः परम-श्रीणां तासां साहित्येनैव तस्य तल्-लोके वास इत्य् आह आनन्देति । अखिलानां गोलोक-वासिनां अन्येषाम् अपि प्रिय-वर्गानां आत्म-भूतः परम-प्रेष्ठतयात्मवद् अव्यभिचार्य् अपि ताभिर् एव सह निवसतीति तासाम् अतिशयित्वं दर्शितम् । अत्र हेतुः - कलाभिः ह्लादिनी-शक्ति-वृत्ति-रूपाभिः । अत्रापि वैशिष्ट्यम् आह - आनन्द-चिन्मयो यो रसः, परम-प्रेम-मय उज्व्वल-नामा, तेन प्रति भाविताभिः । पूर्वं तावत् तासां तन्-नाम्ना रसेन सोऽयं भावितो वासितो जातः । ततश् च तेन याः प्रतिभाविता जाताः, ताभिः सह इत्य् अर्थः । प्रतिशब्दाल् लभ्यते । यथा प्रत्य्-उपकृतः स इत्य् उक्तेः । तस्य प्राग्-उपकारित्वम् आयाति तद्वत् तत्रापि निज-रूपतया स्व-दारत्वेनैव न तु प्रकट-लीलावत् पर-दारत्व-व्यवहारेणेत्य् अर्थः । परम-लक्ष्मीणां तासां तत्-पर-दारत्वासम्भवाद् अस्य स्व-दारत्व-मय-रसस्य कौतुकावगुण्ठिततया सौमुत्कण्ठा पोषणार्थं प्रकट-लीलायां माययैव तादृशत्वं व्यञ्जितम् इति भावः । य एव इत्य् एव-कारेण यत् प्रापञ्चिक-प्रकट-लीलायां तासु पर-दारता-व्यवहारेण निवसति सोऽयं य एव तद्-अप्रकट-लीलायां तासु पर-दारता व्यवहारेण निवसति सोऽयं य एव तद्-अप्रकट-लीलास्पदे गोलोके निज-रूपता-व्यवहारेण निवसतीति व्यज्यते । तथा च व्याख्यातं गौतमीय-तन्त्रे तद्-अप्रकट-नित्य-लीला-शीलन-दशार्ण-व्याख्याने - अनेक-जन्म-सिद्धानाम् इत्य् आदौ दर्शितम् एव । गोलोक एवेत्य् एव-कारेण सेयं लीला तु क्वापि नान्यत्र विद्यते इति प्रकाश्यते ॥ 37 ॥
tat-preyasīnāṃ tu kiṃ vaktavyam, yataḥ parama-śrīṇāṃ tāsāṃ sāhityenaiva tasya tal-loke vāsa ity āha ānandeti | akhilānāṃ goloka-vāsināṃ anyeṣām api priya-vargānāṃ ātma-bhūtaḥ parama-preṣṭhatayātmavad avyabhicāry api tābhir eva saha nivasatīti tāsām atiśayitvaṃ darśitam | atra hetuḥ - kalābhiḥ hlādinī-śakti-vṛtti-rūpābhiḥ | atrāpi vaiśiṣṭyam āha - ānanda-cinmayo yo rasaḥ, parama-prema-maya ujvvala-nāmā, tena prati bhāvitābhiḥ | pūrvaṃ tāvat tāsāṃ tan-nāmnā rasena so'yaṃ bhāvito vāsito jātaḥ | tataś ca tena yāḥ pratibhāvitā jātāḥ, tābhiḥ saha ity arthaḥ | pratiśabdāl labhyate | yathā praty-upakṛtaḥ sa ity ukteḥ | tasya prāg-upakāritvam āyāti tadvat tatrāpi nija-rūpatayā sva-dāratvenaiva na tu prakaṭa-līlāvat para-dāratva-vyavahāreṇety arthaḥ | parama-lakṣmīṇāṃ tāsāṃ tat-para-dāratvāsambhavād asya sva-dāratva-maya-rasasya kautukāvaguṇṭhitatayā saumutkaṇṭhā poṣaṇārthaṃ prakaṭa-līlāyāṃ māyayaiva tādṛśatvaṃ vyañjitam iti bhāvaḥ | ya eva ity eva-kāreṇa yat prāpañcika-prakaṭa-līlāyāṃ tāsu para-dāratā-vyavahāreṇa nivasati so'yaṃ ya eva tad-aprakaṭa-līlāyāṃ tāsu para-dāratā vyavahāreṇa nivasati so'yaṃ ya eva tad-aprakaṭa-līlāspade goloke nija-rūpatā-vyavahāreṇa nivasatīti vyajyate | tathā ca vyākhyātaṃ gautamīya-tantre tad-aprakaṭa-nitya-līlā-śīlana-daśārṇa-vyākhyāne - aneka-janma-siddhānām ity ādau darśitam eva | goloka evety eva-kāreṇa seyaṃ līlā tu kvāpi nānyatra vidyate iti prakāśyate || 37 ||
0f38698a10d7 · 发布于 2026年7月29日 17:34:18 UTC
可用语言RU用方向键翻颂
А о возлюбленных Его что и говорить: ибо жительство Его в том мире — именно в сообществе с ними, высшими Шри; так он говорит словом «ананда».
У всех жителей Голоки и у прочих сонмов любящих Он стал душою, как высочайше дорогой, словно они сами; и хотя Он неизменен, живёт Он именно с ними — тем показано их превосходство. Основание тому — «калабхих»: имеющими облик действий силы хладини.
И здесь он называет особость: та раса, что состоит из блаженства и сознания, полная высшей премы, именуемая уджджвалой, — ею-то «взаимно проникнутыми». Прежде, стало быть, ими, тою расой, что так именуется, Он был проникнут, то есть напоён ею; и затем — те, что стали проникнуты Им в ответ; с ними; таков смысл. Это добывается из слова «прати»: как по речению «он отблагодарён» выходит, что прежде он сам оказал услугу, — так же и здесь.
И там, в собственном Своём облике, — именно как со Своими жёнами, а не как в явленной игре, по обычаю чужого супружества; таков смысл. У них, высших Лакшми, чужое супружество невозможно; но эта раса собственного супружества, как бы прикрытая ради забавы, ради взращивания томления, в явленной игре именно майей явлена таковою; таков смысл.
Словом «эва» в «я эва» являемо вот что: Тот самый, кто в явленной игре здешнего мира живёт с ними по обычаю чужого супружества, — Он же в Голоке, обители неявленной Его игры, живёт по обычаю собственного облика. И так истолковано в «Гаутамия-тантре», при упражнении в той неявленной вечной игре, в толковании десятисложной мантры, — в словах «достигших через многие рождения» и далее это уже показано.
Словом «эва» в «голока эва» являемо, что игра эта нигде иначе не бывает.