अथ प्रभातकथायां स्निग्धकण्ठ उवाच—तद् एवम् एकादशीकथा कथिता । तां च तिथिम् अशिथिलितया प्रथितमनोरथां प्रतीत्य नित्यवद् एव व्रजदेवः सम्यग् उल्लासम् उपोवास ।
किन्तु पारणकारणम् अवशीर्णम् एव द्वादशीम् अवशिष्टाम् अवधाय बह्ववशिष्टायाम् अपि रजन्यां विशिष्टविधिबलतः स्नानादिकलनाय कलिन्दीं प्रविष्टवान् । प्रविश्य च यथायथम् अत्रस्नुः सस्नौ । स्नात्वा चान्तर् एव वारिणः श्रीनारायणम् एकायनतया सागमनिष्ठम् उपतिष्ठमानः सुष्ठु ध्यातुम् आरब्धवान् । तत्र चायं जन्मत एव तन्मयतया सन्मतिर् आसीत् । तादृशनन्दनलाभानन्दतस् तु तत्राप्य् अतिशयं विन्दति स्म । ततश् च तद्विधध्यानावधानतः समाधिम् अनवधिम् आपन्नवन्तं तं सर्वतः प्रचरन्तः प्रचेतसश् चराः सहसा समासद्य सद्यः स्वीयस्वामिनिवासं प्रत्य् एव प्रवासयामासुः ।
atha prabhāta-kathāyāṁ snigdhakaṇṭha uvāca—tad evam ekādaśī-kathā kathitā | tāṁ ca tithim aśithilitayā prathita-manorathāṁ pratītya nityavad eva vraja-devaḥ samyag ullāsam upovāsa |
kintu pāraṇa-kāraṇam avaśīrṇam eva dvādaśīm avaśiṣṭām avadhāya bahv-avaśiṣṭāyām api rajanyāṁ viśiṣṭa-vidhi-balataḥ snānādi-kalanāya kalindīṁ praviṣṭavān | praviśya ca yathā-yatham atrasnuḥ sasnau | snātvā cāntar eva vāriṇaḥ śrī-nārāyaṇam ekāyanatayā sāgama-niṣṭham upatiṣṭhamānaḥ suṣṭhu dhyātum ārabdhavān | tatra cāyaṁ janmata eva tan-mayatayā san-matir āsīt | tādṛśa-nandana-lābhānandatas tu tatrāpy atiśayaṁ vindati sma | tataś ca tad-vidha-dhyānāvadhānataḥ samādhim anavadhim āpannavantaṁ taṁ sarvataḥ pracarantaḥ pracetasaś carāḥ sahasā samāsadya sadyaḥ svīya-svāmi-nivāsaṁ praty eva pravāsayāmāsuḥ |
未能识别诗律
И вот в утреннем рассказе Снигдхакантха сказал: «Так был рассказан рассказ об экадаши. Сочтя этот лунный день днём твёрдых, прославленных желаний, владыка Враджа, как всегда, с великой радостью постился. Но, узнав, что двадаши, когда надо прервать пост, остаётся совсем мало, он, хотя ночи было ещё много, по особому правилу вошёл в Калинди, чтобы омыться и прочее. Войдя, он бесстрашно, как положено, омылся, а затем, стоя в воде, стал глубоко размышлять о Шри Нараяне, всецело преданный, верный писанию. Он и с рождения был поглощён Им, а от радости, что обрёл такого сына, находил в этом ещё больше. И когда от такого сосредоточения он впал в безграничное самадхи, слуги Прачетаса, что бродят повсюду, вдруг подошли и тотчас унесли его в обитель своего господина.
1b51d680d8f8 · 发布于 2026年9月24日 21:33:49 UTC
可用语言RU用方向键翻颂
Двадаши — двенадцатый лунный день, когда прерывают пост экадаши. Прачетас — Варуна, владыка вод. Ср. «Бхагаватам», песнь 10, гл. 28.