स्मृत्य्-अनवकाश-दोष-प्रसङ्ग इति चेन् नान्य-स्मृत्य्-अनवकाश-दोष-प्रसङ्गात्
smṛty-anavakāśa-doṣa-prasaṅga iti cen nānya-smṛty-anavakāśa-doṣa-prasaṅgāt
Если скажут: [выйдет] беда — смрити [санкхьи] останется не у дел, — нет: [иначе] не у дел останутся другие смрити.
॥ समाप्तोऽयं प्रथमोऽध्यायः ॥
द्वितीयोऽध्यायः, प्रथमः पादः
दुर्युक्तिक-द्रोणज-बाण-विक्षतं
परीक्षितं यः स्फुटम् उत्तराश्रयम् ।
सुदर्शनेन श्रुति-मौलिम् अव्यथं व्यधात्
स कृष्णः प्रभुर् अस्तु मे गतिः ॥
प्रथमेऽध्याये निरस्त-निखिल-दोषोऽचिन्त्यानत्-शक्तिर् अपरिमित-गुण-गणः सर्वात्मापि सर्व-विलक्षणो जगन्-निमित्तोपादान-भूतः सर्वेश्वरो वेदान्त-वेद्यः समन्वय-निरूपणेनोक्तः । द्वितीये तु स्व-पक्षे स्मृति-तर्क-विरोध-परिहारः प्रधानादि-वादानां युक्त्य्-आभासमयत्वं सृष्ट्य्-आदि-प्रक्रियायाः प्रति वेदान्तम् ऐकविध्यं चेत्य् अयम् अर्थ-निचयो निरूप्यते । तत्रादौ श्रुति-विरोधो निरस्यते ।
तत्र संशयः—सर्व-कारण-भूते ब्रह्मणि दर्शितः समन्वयः साङ्ख्य-स्मृत्या बाध्यते न वा ? इति । तत्र सति साङ्ख्य-स्मृति-निर्विषयतापत्तेर् बाधः स्यात् । स्मृतिः खलु कर्म-काण्डोदितान्य् अग्निहोत्रादि-कर्माणि यथावत् स्वीकुर्वता ऋषिं प्रसूतं कपिलं [श्वे.उ. 5.2] इत्य् आदि-श्रुताप्त-भावेन परमर्षिणा कपिलेन मोक्षेप्सुना ज्ञान-काण्डार्थोप-बृंहणाय प्रणीता । अथ त्रिविध-दुःखात्यन्त-निवृत्तिर् अत्यन्त-पुरुषार्थः । न दृष्टार्थ-सिद्धिर् निवृत्तेर् अप्य् अनुवृत्ति-दर्शनात् [साङ्ख्य-कारिका 1.1-2] इत्य् आदिभिस् तत्र ह्य् अचेतनं प्रधानम् एव स्वतन्त्रं जगत्-कारणम् इत्य् आदि निरूप्यते । विमुक्त-मोक्षार्थं स्वार्थं वा प्रधानस्य [साङ्ख्य-कारिका 2.1], अचेतनत्वेऽपि क्षीरवच् चेष्टितं प्रधानस्य [साङ्ख्य-कारिका 3.60] इत्य् आदिभिः । सा च ब्रह्म-कारणता-परिग्रहे निर्विषया स्यात् । कृत्स्नायास् तस्यास् तत्त्व-प्रतिपत्ति-मात्र-विषयत्वात् । अतः परम् आप्त-कपिल-स्मृत्य्-अविरोधेन वेदान्ता व्याख्येयाः । न चैवं मन्व्-आदि-स्मृतीनां निर्विषयता । तासां धर्म-प्रतिपादन-द्वारा कर्म-काण्डोपबृंहणे सविषयत्वाद् इत्य् एवं प्राप्ते ब्रूते—
स्मृत्य्-अनवकाश-दोष-प्रसङ्ग इति चेन्
नान्य-स्मृत्य्-अनवकाश-दोष-प्रसङ्गात् ॥
अवकाशस्याभावोऽनवकाशः निर्विषयतेत्य् अर्थः । समन्वयानुरोधेन वेदान्तेषु साङ्ख्य-स्मृति-निर्विषयता-दोषापत्तिर् अतः श्रुति-विपरीतार्थतया ते व्याख्येया इति चेन्, न । कुतः ? अन्येत्यादेः । तथा सत्य् अन्यासां मन्व्-आदि-स्मृतीनां वेदान्तानुसारिणीनां ब्रह्मैक-कारणता-पराणां निर्विषयता महान् दोषः प्रसज्जते । तासु हि सर्वेश्वरो जगद्-उत्पत्त्य्-आदि-हेतुः प्रतिपाद्यते, न तु कापिलोक्त-प्रकारान्तरत्व-सङ्गतिः । तत्र श्रीमन्-मनुः—
आसीद् इदम् तमो-भूतम् अप्रज्ञातम् अलक्षणम् ।
अप्रतर्क्यम् अविज्ञेयं प्रसुप्तम् इव सर्वतः ॥
ततः स्वयंभूर् भगवान् अव्यक्तो व्यञ्जयन्न् इदम् ।
महा-भूतादि वृत्तौजाः प्रादुर् आसीत् तमो-नुदः ॥
योऽसाव् अतीन्द्रिय-ग्राह्यः सूक्ष्मोऽव्यक्तः सनातनः ।
सर्व-भूत-मयोऽचिन्त्यः स एव स्वयम् उद्बभौ ॥
सोऽभिध्याय शरीरात् स्वात् सिसृक्षुर् विविधाः प्रजाः ।
अप एव ससर्जादौ तासु वीर्यम् अवासृजत् ॥
तद् अण्डम् अभवद् धैमं सहस्रांशु-सम-प्रभम् ।
तस्मिञ् जज्ञे स्वयं ब्रह्मा सर्व-लोक-पितामहः ॥ [मनु. 1.5-9] इत्य्-आदि ।
श्री-पराशरः—
विष्णोः सकाशाद् उद्भूतं जगत् तत्रैव च स्थितम् ।
स्थिति-संयम-कर्तासौ जगतोऽस्य जगच् च सः ॥ [वि.पु. 1.1.31]
यथोर्णनाभिर् हृदयाद् ऊर्णां सन्तत्य वक्त्रतः ।
तया विहृत्य भूयस् तां ग्रसत्य् एवं जनार्दनः ॥ [भा.पु. 11.9.21]
एवम् अन्येऽपि । न चासां स्मृतीनां कर्म-काण्डार्थोपबृंहण एव वृत्तेः । चित्त-शोधकता चैषां दृश्यते । तम् एतं वेदानुवचनेन इत्य्-आदि-श्रुतौ । यत् तु तेषां वृष्टि-पुत्र-स्वर्गादि-फलकत्वं क्वापि क्वापि वीक्ष्यतेऽनुभाव्यते च तद् अपि शास्त्र-विश्रम्भोत्पादनेन तत्रैव च विश्रान्तम् । सर्वे वेदा यत् पदम् आमनन्ति इत्य् आदेः, नारायण-परा वेदाः इत्य् आदेश् च ।
न च साङ्ख्य-स्मृत्या वेदान्तार्थोपबृंहणं शक्यं कर्तुं, श्रुति-विरुद्धार्थ-प्रतिपादनात् । श्रुति-संवादार्थ-स्पष्टीकरणं ह्य् उपबृंहणम् । न च तस्याम् इदम् अस्ति । तस्मात् श्रुति-विरुद्धा साङ्ख्य-स्मृतिः स्व-कपोल-कल्पितानाप्तेति न तद्-व्यर्थता-दोषाद् बिभीमः । न चाप्त-व्यपाश्रय-कल्पनया तत् स्मृति-पक्ष-पातो युक्तः । तत्त्वेन व्याख्यातानां बहूनां स्मृतिषु विभिन्नार्थासु पक्ष-पाते सति वास्तवार्थानवस्थिति-प्रसङ्गात् । स्मृत्योर् विप्रतिपत्तौ सत्यां श्रुति-व्यपाश्रयाद् अन्यो निर्णय-हेतुर् न भवेत् । अतः श्रुत्य्-अनुसारिण्य् एवादरणीया इति । स्मृति-बलेनाक्षेप्तॄन् स्मृति-बलेनैव निराकरिष्याम इत्य् अन्य-स्मृत्य्-अनवकाशता-दोषोपन्यासः ।
यत् तु ऋषिं प्रसूतं कपिलं यस् तम् अग्रे ज्ञानैर् बिभर्ति [श्वे.उ. 5.2] इति श्वेताश्वतर-श्रुतेर् आप्तत्वं तस्येति, तन् न । तस्या अन्य-परत्वात् श्रुत्य्-अर्थ-वैपरीत्य-वक्तृतया तद्-अभावाच् च । मनोर् आप्तत्वं तु तैत्तिरीयाः पठन्ति— यद् वै किं च मनुर् अवदत् तद्-भेषजम् इति । श्री-पराशरो हि पुलस्त्य-वसिष्ठ-प्रसादाद् एव देवता-परमार्थ-धियं प्राप्तेति स्मर्यते । वेद-विरुद्धः स्मृति-प्रवर्तकः कपिलो ह्य् अग्नि-वंश-जो जीव-विशेष एव मायया विमोहितो, न तु कर्दमोद्भूतो वासुदेवः ।
कपिलो वासुदेवांशस् तत्त्वं साङ्ख्यं जगाद ह ।
ब्रह्मादिभ्यश् च देवेभ्यो भृग्व्-आदिभ्यस् तथैव च ।
तथैवासुरये सर्व-वेदार्थैर् उपबृंहितम् ॥
सर्व-वेद-विरुद्धं च कपिलोऽन्यो जगाद ह ।
साङ्ख्यम् आसुरयेऽन्यस्मै कुतर्क-परिबृंहितम् ॥ इति स्मरणात् ।
तस्मात् वेद-विरुद्धतयानाप्तायाः साङ्ख्य-स्मृतेर् व्यर्थता न दोषः ॥1॥
|| samāpto'yaṁ prathamo'dhyāyaḥ ||
dvitīyo'dhyāyaḥ, prathamaḥ pādaḥ
duryuktika-droṇaja-bāṇa-vikṣataṁ
parīkṣitaṁ yaḥ sphuṭam uttarāśrayam |
sudarśanena śruti-maulim avyathaṁ vyadhāt
sa kṛṣṇaḥ prabhur astu me gatiḥ ||
prathame'dhyāye nirasta-nikhila-doṣo'cintyānat-śaktir aparimita-guṇa-gaṇaḥ sarvātmāpi sarva-vilakṣaṇo jagan-nimittopādāna-bhūtaḥ sarveśvaro vedānta-vedyaḥ samanvaya-nirūpaṇenoktaḥ | dvitīye tu sva-pakṣe smṛti-tarka-virodha-parihāraḥ pradhānādi-vādānāṁ yukty-ābhāsamayatvaṁ sṛṣṭy-ādi-prakriyāyāḥ prati vedāntam aikavidhyaṁ cety ayam artha-nicayo nirūpyate | tatrādau śruti-virodho nirasyate |
tatra saṁśayaḥ—sarva-kāraṇa-bhūte brahmaṇi darśitaḥ samanvayaḥ sāṅkhya-smṛtyā bādhyate na vā ? iti | tatra sati sāṅkhya-smṛti-nirviṣayatāpatter bādhaḥ syāt | smṛtiḥ khalu karma-kāṇḍoditāny agnihotrādi-karmāṇi yathāvat svīkurvatā ṛṣiṁ prasūtaṁ kapilaṁ [śve.u. 5.2] ity ādi-śrutāpta-bhāvena paramarṣiṇā kapilena mokṣepsunā jñāna-kāṇḍārthopa-bṛṁhaṇāya praṇītā | atha trividha-duḥkhātyanta-nivṛttir atyanta-puruṣārthaḥ | na dṛṣṭārtha-siddhir nivṛtter apy anuvṛtti-darśanāt [sāṅkhya-kārikā 1.1-2] ity ādibhis tatra hy acetanaṁ pradhānam eva svatantraṁ jagat-kāraṇam ity ādi nirūpyate | vimukta-mokṣārthaṁ svārthaṁ vā pradhānasya [sāṅkhya-kārikā 2.1], acetanatve'pi kṣīravac ceṣṭitaṁ pradhānasya [sāṅkhya-kārikā 3.60] ity ādibhiḥ | sā ca brahma-kāraṇatā-parigrahe nirviṣayā syāt | kṛtsnāyās tasyās tattva-pratipatti-mātra-viṣayatvāt | ataḥ param āpta-kapila-smṛty-avirodhena vedāntā vyākhyeyāḥ | na caivaṁ manv-ādi-smṛtīnāṁ nirviṣayatā | tāsāṁ dharma-pratipādana-dvārā karma-kāṇḍopabṛṁhaṇe saviṣayatvād ity evaṁ prāpte brūte—
smṛty-anavakāśa-doṣa-prasaṅga iti cen
nānya-smṛty-anavakāśa-doṣa-prasaṅgāt ||
avakāśasyābhāvo'navakāśaḥ nirviṣayatety arthaḥ | samanvayānurodhena vedānteṣu sāṅkhya-smṛti-nirviṣayatā-doṣāpattir ataḥ śruti-viparītārthatayā te vyākhyeyā iti cen, na | kutaḥ ? anyetyādeḥ | tathā saty anyāsāṁ manv-ādi-smṛtīnāṁ vedāntānusāriṇīnāṁ brahmaika-kāraṇatā-parāṇāṁ nirviṣayatā mahān doṣaḥ prasajjate | tāsu hi sarveśvaro jagad-utpatty-ādi-hetuḥ pratipādyate, na tu kāpilokta-prakārāntaratva-saṅgatiḥ | tatra śrīman-manuḥ—
āsīd idam tamo-bhūtam aprajñātam alakṣaṇam |
apratarkyam avijñeyaṁ prasuptam iva sarvataḥ ||
tataḥ svayaṁbhūr bhagavān avyakto vyañjayann idam |
mahā-bhūtādi vṛttaujāḥ prādur āsīt tamo-nudaḥ ||
yo'sāv atīndriya-grāhyaḥ sūkṣmo'vyaktaḥ sanātanaḥ |
sarva-bhūta-mayo'cintyaḥ sa eva svayam udbabhau ||
so'bhidhyāya śarīrāt svāt sisṛkṣur vividhāḥ prajāḥ |
apa eva sasarjādau tāsu vīryam avāsṛjat ||
tad aṇḍam abhavad dhaimaṁ sahasrāṁśu-sama-prabham |
tasmiñ jajñe svayaṁ brahmā sarva-loka-pitāmahaḥ || [manu. 1.5-9] ity-ādi |
śrī-parāśaraḥ—
viṣṇoḥ sakāśād udbhūtaṁ jagat tatraiva ca sthitam |
sthiti-saṁyama-kartāsau jagato'sya jagac ca saḥ || [vi.pu. 1.1.31]
yathorṇanābhir hṛdayād ūrṇāṁ santatya vaktrataḥ |
tayā vihṛtya bhūyas tāṁ grasaty evaṁ janārdanaḥ || [bhā.pu. 11.9.21]
evam anye'pi | na cāsāṁ smṛtīnāṁ karma-kāṇḍārthopabṛṁhaṇa eva vṛtteḥ | citta-śodhakatā caiṣāṁ dṛśyate | tam etaṁ vedānuvacanena ity-ādi-śrutau | yat tu teṣāṁ vṛṣṭi-putra-svargādi-phalakatvaṁ kvāpi kvāpi vīkṣyate'nubhāvyate ca tad api śāstra-viśrambhotpādanena tatraiva ca viśrāntam | sarve vedā yat padam āmananti ity ādeḥ, nārāyaṇa-parā vedāḥ ity ādeś ca |
na ca sāṅkhya-smṛtyā vedāntārthopabṛṁhaṇaṁ śakyaṁ kartuṁ, śruti-viruddhārtha-pratipādanāt | śruti-saṁvādārtha-spaṣṭīkaraṇaṁ hy upabṛṁhaṇam | na ca tasyām idam asti | tasmāt śruti-viruddhā sāṅkhya-smṛtiḥ sva-kapola-kalpitānāpteti na tad-vyarthatā-doṣād bibhīmaḥ | na cāpta-vyapāśraya-kalpanayā tat smṛti-pakṣa-pāto yuktaḥ | tattvena vyākhyātānāṁ bahūnāṁ smṛtiṣu vibhinnārthāsu pakṣa-pāte sati vāstavārthānavasthiti-prasaṅgāt | smṛtyor vipratipattau satyāṁ śruti-vyapāśrayād anyo nirṇaya-hetur na bhavet | ataḥ śruty-anusāriṇy evādaraṇīyā iti | smṛti-balenākṣeptṝn smṛti-balenaiva nirākariṣyāma ity anya-smṛty-anavakāśatā-doṣopanyāsaḥ |
yat tu ṛṣiṁ prasūtaṁ kapilaṁ yas tam agre jñānair bibharti [śve.u. 5.2] iti śvetāśvatara-śruter āptatvaṁ tasyeti, tan na | tasyā anya-paratvāt śruty-artha-vaiparītya-vaktṛtayā tad-abhāvāc ca | manor āptatvaṁ tu taittirīyāḥ paṭhanti— yad vai kiṁ ca manur avadat tad-bheṣajam iti | śrī-parāśaro hi pulastya-vasiṣṭha-prasādād eva devatā-paramārtha-dhiyaṁ prāpteti smaryate | veda-viruddhaḥ smṛti-pravartakaḥ kapilo hy agni-vaṁśa-jo jīva-viśeṣa eva māyayā vimohito, na tu kardamodbhūto vāsudevaḥ |
kapilo vāsudevāṁśas tattvaṁ sāṅkhyaṁ jagāda ha |
brahmādibhyaś ca devebhyo bhṛgv-ādibhyas tathaiva ca |
tathaivāsuraye sarva-vedārthair upabṛṁhitam ||
sarva-veda-viruddhaṁ ca kapilo'nyo jagāda ha |
sāṅkhyam āsuraye'nyasmai kutarka-paribṛṁhitam || iti smaraṇāt |
tasmāt veda-viruddhatayānāptāyāḥ sāṅkhya-smṛter vyarthatā na doṣaḥ ||1||
2c3415b0c31d · 发布于 2026年7月27日 04:31:31 UTC
可用语言RU用方向键翻颂
Окончена первая адхьяя. Вторая адхьяя, первая пада.
«Венец шрути, израненный стрелами дурной логики — стрелами сына Дроны, — исследованный — Парикшита, — явно опёртый на Высшее — укрытого в лоне Уттары, — кто ясным ви́дением — Сударшаной — соделал безболезным, тот Кришна-Господь да будет моим прибежищем».
В первой адхьяе через выписывание саманваи высказан Всевладыка, ведомый Ведантой: с отброшенными всеми изъянами, с непостижимо-бесконечной шакти, с неизмеримым сонмом качеств, хоть и Душа всего — от всего отличный, действующая и вещественная причина мира. Во второй же выписывается такой свод: устранение противоречия смрити и логики нашей стороне; состояние учений о прадхане и прочем как видимости доводов; и единообразие [описаний] творения по всем ведантам. Вначале отводится [упрёк] противоречия. Сомнение: отменяется ли показанная саманвая смритью санкхьи? Отменялась бы: [иначе] смрити санкхьи остаётся без предмета. Смрити же составлена для подкрепления смысла джняна-канды великим риши Капилой, жаждущим мокши, принявшим как до́лжно обряды карма-канды, — надёжным по шрути «рождённого риши Капилу…»: «полное прекращение тройного страдания — высшая цель…»; там выписано: причина мира — сама бессознательная независимая прадхана: «действует, хоть и бессознательна, как молоко». При причинности Брахмана вся она — только об установлении таттв — осталась бы без предмета; потому веданты до́лжно толковать без противоречия ей (а смрити Ману так не пострадают: их предмет — дхарма и карма-канда). При таком полученном — речет:
«Если скажут: [выйдет] беда — смрити останется не у дел, — нет: [иначе] беда — не у дел останутся другие смрити».
«Не у дел» — беспредметность. Если веданты [читать] в угоду саманвае — смрити санкхьи беспредметна, потому толковать их наперекор шрути? Нет. Почему? Будь так — настаёт великая беда: беспредметность ДРУГИХ смрити — Ману и прочих, следующих ведантам, наставляющих единопричинность Брахмана: в них Всевладыка преподан причиной мира, без согласия с ладом Капилы. Там славный Ману: «Было это тьмою — неузнаваемым, без примет, недоступным доводу… как бы спящим. Тогда Самосущий Бхагаван, [сам] непроявленный, проявляя это, явился, гоня тьму… Он, замыслив, желая сотворить разные твари, вначале сотворил во́ды, в них пустил семя; оно стало золотым яйцом блеском как тысяча лучей, и в нём родился сам Брахма, прадед миров» [1.5–9]. Славный Парашара: «От Вишну возникло мироздание, и в Нём стоит; он — вершитель стояния и свёртывания, и он [сам] — мир» [ВП 1.1.31]. И: «Как паук, протянув нить из сердца через уста, поиграв ею, вновь её глотает — так Джанардана» [Бхагавата 11.9.21]. Так и другие. И не [скажешь], что эти смрити заняты лишь карма-кандой: видна их очистительность для читты («Его — повторением Вед [ищут]…»); а что плоды обрядов — дождь, сын, сварга — кое-где видятся и вкушаются, то это порождением доверия к шастре, и упокоено это в Нём же: «все Веды какую стопу передают…», «Веды обращены к Нараяне». Подкрепить же веданты смрити санкхьи не может: подкрепление — это прояснение смысла В СОГЛАСИИ со шрути, а она преподаёт противное. Потому она измышлена собственным лбом, ненадёжна — и её безработности мы не страшимся. И негоже пристращаться к ней, домышляя надёжность [автора]: при пристрастии среди многих смрити с разошедшимися смыслами истинный смысл потерял бы устойчивость; при разногласии двух смрити нет иного судьи, кроме шрути, — потому чтима лишь следующая шрути. Нападающих силой смрити — силой смрити и отразим: таков ход [сутры]. А что из шрути «рождённого риши Капилу…» — надёжность его, то нет: она о другом, и у говорящего наперекор шрути надёжности не бывает. Надёжность Ману читают тайттирии: «что ни сказал Ману — то лекарство»; Парашара обрёл разум об истине милостью Пуластьи и Васиштхи. А Капила — зачинатель противной Ведам смрити — рождён в роду Агни, просто джива, сбитый с толку майей, — не Васудева, рождённый у Кардамы: «Капила, амша Васудевы, изрёк истинную санкхью… а всем Ведам противную изрёк ДРУГОЙ Капила — другому Асури, раздутую кривыми доводами». Потому её безработность — не беда.