तथा हि, यस्याः खलु स्वस्मिन्न् अभिमुखानि गोपुराणि मुखानीव तेन लक्षितानि— तानि च स्फटिकघटिततया स्मितच् छविशवलितानीव; अक्षीणानि गवाक्षलक्षाणि पुनर् अक्षीणीव, तानि च विलक्षणनिजेक्षणतया क्षपितनिमेषाणीव; मणिकुट्टिमपटलानि महाट्टलकपटलकपटलानि निटिलानीव, तानि च लडहवड्रवडभीकूटतया निजेक्षणपर्वणि धृतमुकुटानीव; गोपुरपुरस्ताद्गतानि तोरणशतानि चिल्लीवलयानीव, तानि च मन्दवातसम्पातकम्पाकुलतया स्तोकस्वावलोकजातभावभङ्गीसङ्गीनीव; लब्धशिल्पिपाटवानि हाटककपाटयुगलानि कान्तिसम्पदन्तःशोभमानदन्तकुलानीव, तानि च समुद्घटिततया स्वीयसुन्दरतावन्दनार्थं व्यादीयमानानीव; हाटकसङ्कटितशक्रनीलालीनि शृङ्गाटकनिलयादीनि स्वकान्तिस्फुरदन्तःकरणचक्राणीव, तानि च स्वावलोककलोकवलनया समुल्लसितानीव; स्वर्गरत्नकृतयत्नानि विटङ्करत्नानि विचित्रालङ्करणानीव, तानि च धृतापारशिखिपारावतराववारतया तत्कौतुकचाञ्चल्यसञ्जितशिञ्जितानीव; विधातुर् अपि चमत्कारकारणानि विविधधातुप्राचीराणि प्रशस्तवस्त्राणीव, तानि च सम्प्रति समुज्ज्वलितवर्णतया पत्रोर्णानीव; परितो विद्योतमानान्य् उद्यानानि परिवारवलयानीव, तानि च नानापुष्पफलवलनया तत्तदुपहारसंवलितानीव ।
tathā hi, yasyāḥ khalu svasminn abhimukhāni go-purāṇi mukhānīva tena lakṣitāni— tāni ca sphaṭika-ghaṭitatayā smitac chavi-śavalitānīva; akṣīṇāni gavākṣa-lakṣāṇi punar akṣīṇīva, tāni ca vilakṣaṇa-nijekṣaṇatayā kṣapita-nimeṣāṇīva; maṇi-kuṭṭima-paṭalāni mahāṭṭalaka-paṭalaka-paṭalāni niṭilānīva, tāni ca laḍaha-vaḍra-vaḍabhī-kūṭatayā nijekṣaṇa-parvaṇi dhṛta-mukuṭānīva; go-pura-purastād-gatāni toraṇa-śatāni cillī-valayānīva, tāni ca manda-vāta-sampāta-kampākulatayā stoka-svāvaloka-jāta-bhāva-bhaṅgī-saṅgīnīva; labdha-śilpi-pāṭavāni hāṭaka-kapāṭa-yugalāni kānti-sampad-antaḥ-śobhamāna-danta-kulānīva, tāni ca samudghaṭitatayā svīya-sundaratā-vandanārthaṁ vyādīyamānānīva; hāṭaka-saṅkaṭita-śakra-nīlālīni śṛṅgāṭaka-nilayādīni sva-kānti-sphurad-antaḥkaraṇa-cakrāṇīva, tāni ca svāvalokaka-loka-valanayā samullasitānīva; svarga-ratna-kṛta-yatnāni viṭaṅka-ratnāni vicitrālaṅkaraṇānīva, tāni ca dhṛtāpāra-śikhi-pārāvata-rāva-vāratayā tat-kautuka-cāñcalya-sañjita-śiñjitānīva; vidhātur api camatkāra-kāraṇāni vividha-dhātu-prācīrāṇi praśasta-vastrāṇīva, tāni ca samprati samujjvalita-varṇatayā patrorṇānīva; parito vidyotamānāny udyānāni parivāra-valayānīva, tāni ca nānā-puṣpa-phala-valanayā tat-tad-upahāra-saṁvalitānīva |
Ведь её обращённые к Нему надвратные башни показались Ему лицами — а сложенные из хрусталя, будто пёстрые от улыбки; сотни тысяч окон — глазами, и своим особым взглядом будто разучившимися моргать; мощёные самоцветами площадки и ряды высоких башен — лбами, а их прелестные кровли будто надели венцы на праздник Его лицезрения; сотни арок перед воротами — изгибами бровей, и, дрожа под лёгким ветром, будто полны игры чувств, рождённой одним лишь взглядом на Него; золотые двустворчатые двери искусной работы — рядами зубов, сияющих в роскоши блеска, и, распахнутые, будто раскрылись, чтобы восхвалить Его красоту; ряды сапфиров в золоте, перекрёстки и дома — кругами сердец, сияющих своим блеском, и будто ликующими от толп глядящих на Него; голубятни, украшенные небесными самоцветами, — дивными украшениями, а с бесчисленными криками павлинов и голубей будто звенящими от нетерпеливого любопытства; стены из разных руд, дивные даже для Творца, — прекрасными одеждами, а ныне, с ярко горящими красками, будто шёлковыми; и сады, сияющие кругом, — свитой, а с разными цветами и плодами будто держащими подношения.
df8158db8d5b · published Sep 25, 2026, 2:16:51 AM UTC
Available inRUPage between verses with
Город описан как женщина, вышедшая встречать Кришну.