अत्र स्नात्वा विधानेन यथाशक्त्या द्विजोत्तमः । शुभे पात्रान्तरे रम्ये पादौ प्रक्षाल्य भक्तितः ॥
अर्चयेद्गन्धपुष्पाद्यैर्वस्त्रैराभरणादिभिः । ताम्बूलेन फलैर्वापि यथाशक्त्या समर्चयेत् ॥
भोजयित्वान्नपानाद्यैः प्रणम्य च पुनःपुनः । आसीमान्तमनुव्रज्य नमस्कृत्य विसर्जितम् ॥
पुनः प्रणम्य भक्त्याथ शनैस्तत्र निवर्तितः । गृहं प्रविश्य देवेशं पूजयेत्प्रयतात्मवान् ॥
एवमभ्यर्चयेद्विष्णुं यावज्जीवमतन्द्रितः । तदीयांश्च विशेषेण पूजयेत्सर्वदा शुभे ॥
आराधनानां सर्वेषां विष्णोराराधनं परम् । तस्मात्परतरं देवि तदीयानां समर्चनम् ॥
अर्चयित्वापि गोविन्दं तदीयान्नार्चयेत्पुनः । न स भागवतो ज्ञेयः केवलं दाम्भिकः स्मृतः ॥
पुमांस्तस्मात्प्रयत्नेन वैष्णवान्पूजयेत्सदा । सर्वं तरति दुःखौघं महाभागवतार्चनात् ॥
एवमुक्तं मया देवि विष्णोराराधनं परम् । नित्यनैमित्तिकं चैव तदीयानां च पूजनम् ॥
पौरुषं तस्य याथात्म्यं फलसाधनमेव च । तस्यावसथभेदं च कर्मादि यदि चतुष्टयम् ॥ तव प्रोक्तं मया देवि किमन्यच्छ्रोतुमिच्छसि ॥
atra snātvā vidhānena yathāśaktyā dvijottamaḥ | śubhe pātrāntare ramye pādau prakṣālya bhaktitaḥ ||
arcayedgandhapuṣpādyairvastrairābharaṇādibhiḥ | tāmbūlena phalairvāpi yathāśaktyā samarcayet ||
bhojayitvānnapānādyaiḥ praṇamya ca punaḥpunaḥ | āsīmāntamanuvrajya namaskṛtya visarjitam ||
punaḥ praṇamya bhaktyātha śanaistatra nivartitaḥ | gṛhaṃ praviśya deveśaṃ pūjayetprayatātmavān ||
evamabhyarcayedviṣṇuṃ yāvajjīvamatandritaḥ | tadīyāṃśca viśeṣeṇa pūjayetsarvadā śubhe ||
ārādhanānāṃ sarveṣāṃ viṣṇorārādhanaṃ param | tasmātparataraṃ devi tadīyānāṃ samarcanam ||
arcayitvāpi govindaṃ tadīyānnārcayetpunaḥ | na sa bhāgavato jñeyaḥ kevalaṃ dāmbhikaḥ smṛtaḥ ||
pumāṃstasmātprayatnena vaiṣṇavānpūjayetsadā | sarvaṃ tarati duḥkhaughaṃ mahābhāgavatārcanāt ||
evamuktaṃ mayā devi viṣṇorārādhanaṃ param | nityanaimittikaṃ caiva tadīyānāṃ ca pūjanam ||
pauruṣaṃ tasya yāthātmyaṃ phalasādhanameva ca | tasyāvasathabhedaṃ ca karmādi yadi catuṣṭayam || tava proktaṃ mayā devi kimanyacchrotumicchasi ||
Здесь, омывшись по уставу, лучший из дваждырождённых по силе, в благом отрадном другом сосуде омыв им стопы, с преданностью пусть почитает благовониями, цветами и прочим, одеждами, уборами и прочим, бетелем или плодами — по силе пусть почитает. Накормив яствами, питьём и прочим и поклонившись вновь и вновь, проводив до самой границы и поклонившись отпущенному, вновь поклонившись с преданностью и медленно оттуда воротившись, войдя в дом, пусть обуздавший себя почитает владыку богов. Так пусть почитает Вишну, покуда жив, неленивый; и принадлежащих ему пусть в особенности почитает всегда, о благая. Из всех почитаний высшее — почитание Вишну; выше того, о богиня, — почитание принадлежащих ему. Кто, даже почтив Говинду, затем не почитает принадлежащих ему, тот не должен быть признан бхагаватой: он считается единственно лицемером. Потому пусть человек с усердием всегда почитает вайшнавов: весь поток скорбей превозмогает он от почитания великих бхагават. Так изречено мною, о богиня, высшее почитание Вишну — ежедневное и по случаю, и почитание принадлежащих ему, и мощь его, подлинная суть его и средство плода, и различие его обителей, и дела и прочее — четверица. Тебе изречено мною, о богиня; что иное желаешь услышать?
d4f19f389cf3 · published Sep 3, 2026, 4:14:07 AM UTC
Available inRUPage between verses with
Долгая глава завершается тем, что выше самого почитания поставлено почитание Его людей. И тут же сказано, чем считается пропуск этого шага, — не упущением, а притворством.