अनन्तरं प्रविश्य सूतिकाभवनमालोक्य च तमभिनवं नवं नयननिर्माणस्य फलमिव संविज्जन्मनो विफलीभावाभावमहौषधिपल्लवमिव निजवात्सल्यसरसो नीलमहोत्पलमिव चिरं जयेति मङ्गलाशीःप्रसूनैरभ्यर्च्य विनिमेषमनुवेलमीक्षमाणा व्रजेश्वरीसौभाग्यसारः शरीरवानयमिति तामेव स्तुवत्यः, मुहूर्तानन्तरमलिन्दतलमासाद्य मङ्गलसङ्गीतिसुरीतिललितवदना अन्तरगुञ्जदलिपुञ्जकलमधुरझङ्कारकोलाहललुलितकमलाः कमलिन्य इव, परस्परमतिकौतुकेन केनचन प्रणयभरसरसकरसरसीरुहकुड्मलेन परस्परवदनशशधरमण्डलमतिविमलसुरभितरतैलहारिद्रद्रवनवनवनीतादिभिरभितो दशनकिरणभरालसलसदमलबन्धूकबन्धुराधरकिसलयं हसन्त्य एव लिम्पन्त्यो यदा त्रैलोक्यलक्ष्मीसौभाग्यमधरीचक्रुस्ता नागर्यः, तदैवाङ्गणभुवि व्रजपुरपुरन्दरं समया समयासादितपरमानन्दसन्दोहास्त एव गोदुहो महामदमुदिता इव, इन्दुकन्दूकैरिव नवनीतपिण्डैः स्थूलतरकरकानिकरैरिव आमिक्षागेण्डुकैः, दधिजलधिकर्दमगोलैरिव चन्द्रिकापललखण्डैरिव दधिपिण्डैः, परस्परं निःसाध्वसमभिघ्नन्तो मणिमयजलयन्त्रपूरितानां पयोदधिमण्डमथितोदश्विदादीनां द्रुतकनकपयसामिव हारिद्रसलिलानामपि महासुगन्धितैलानाञ्च धारापातैः परस्परं सिञ्चन्तो मृदुमृदङ्गपणवडमरुझर्झरमृदुलमर्दलकुलकाहलभेरीप्रभृतिमङ्गलविचित्रवादित्रनिनदानुगततालक्रमं नृत्यन्तो गायन्तश्च मङ्गलसङ्गीतान्तर्गतचर्चरिकाद्विपदिकाजम्भलिकातेनादिनानाविधगानमनाकलितमपि साक्षात्कारयन्त इव तत्कालाविर्भूतं तमपूर्वं कुमारं व्रजराजमाह्लादयाञ्चक्रुः ॥21॥
anantaraṁ praviśya sūtikābhavanamālokya ca tamabhinavaṁ navaṁ nayananirmāṇasya phalamiva saṁvijjanmano viphalībhāvābhāvamahauṣadhipallavamiva nijavātsalyasaraso nīlamahotpalamiva ciraṁ jayeti maṅgalāśīḥprasūnairabhyarcya vinimeṣamanuvelamīkṣamāṇā vrajeśvarī-saubhāgyasāraḥ śarīravānayamiti tāmeva stuvatyaḥ, muhūrtānantaramalindatalamāsādya maṅgalasaṅgītisurītilalitavadanā antaraguñjadalipuñjakalamadhurajhaṅkārakolāhalalulitakamalāḥ kamalinya iva, parasparamatikautukena kenacana praṇayabharasarasakarasarasīruhakuḍmalena paraspara-vadana-śaśadharamaṇḍalamativimala-surabhitaratailahāridra-dravanavanavanītādibhirabhito daśana-kiraṇabharālasalasadamalabandhūkabandhurādharakisalayaṁ hasantya eva limpantyo yadā trailokyalakṣmīsaubhāgyamadharīcakrustā nāgaryaḥ, tadaivāṅgaṇabhuvi vrajapurapurandaraṁ samayā samayāsādita-paramānandasandohāsta eva goduho mahāmadamuditā iva, indukandūkairiva navanītapiṇḍaiḥ sthūlatarakarakānikarairiva āmikṣāgeṇḍukaiḥ, dadhijaladhikardamagolairiva candrikāpalalakhaṇḍairiva dadhipiṇḍaiḥ, parasparaṁ niḥsādhvasamabhighnanto maṇimayajalayantrapūritānāṁ payodadhimaṇḍamathitodaśvidādīnāṁ drutakanakapayasāmiva hāridrasalilānāmapi mahāsugandhitailānāñca dhārāpātaiḥ parasparaṁ siñcanto mṛdumṛdaṅga-paṇava-ḍamaru-jharjhara-mṛdula-mardalakula-kāhala-bherī-prabhṛti-maṅgala-vicitravāditraninadānugatatālakramaṁ nṛtyanto gāyantaśca maṅgalasaṅgītāntargata-carcarikādvipadikājambhalikā-tenādinānāvidhagānamanākalitamapi sākṣātkārayanta iva tatkālāvirbhūtaṁ tamapūrvaṁ kumāraṁ vrajarājamāhlādayāñcakruḥ ||21||
Войдя в родильный покой и увидев этого новорождённого — плод, ради которого созданы глаза; великое лекарство, что не даёт жизни сознания пропасть впустую; синий лотос озера их родительской любви, — они осыпали Его цветами благих благословений: «Живи долго! Побеждай!» — и, не мигая, всё смотрели на Него, славя владычицу Враджа: «Вот её счастье во плоти!» Немного погодя, выйдя на террасу, с лицами, прелестными от благих песен, — словно лотосы, где гудят рои пчёл, — они в великом веселье, смеясь, мазали друг другу лица-луны чистейшим благоуханным маслом, куркумой, свежим маслом и прочим, — их губы, как бандхука, сияли лучами зубов, — и эти горожанки превзошли счастьем красу трёх миров. А во дворе, вокруг владыки Враджа, пастухи, словно пьяные от великого блаженства, без страха бросали друг в друга комья свежего масла, словно луны-мячи, творожные шары, словно огромные градины, комья простокваши, словно глину из океана простокваши, словно куски лунного света; обливали друг друга струями молока, простокваши, пахты и сыворотки из самоцветных брызгалок, водой с куркумой, словно расплавленным золотым молоком, и благовонными маслами; и, плясав и распевая под звуки благих инструментов — мриданг, панав, дамару, джхарджхар, мардал, кахал, бхери и прочих, — разные песни праздника — чарчари, двипади, джамбхалики, тена и другие, — будто воочию являя явившегося в этот миг дивного мальчика, они радовали владыку Враджа.
36b6f7f971fc · опубликовано 28 сент. 2026 г., 22:32:50 UTC
Доступно наRUЛистайте стихи клавишами
Праздник рождения — «Нандотсава» (ШБ 10.5.12–15): пастухи обливаются молоком и маслом. Перечислены инструменты и жанры праздничных песен.