तद् एवं गतासु तासु साग्रजः स तु दुष्परिहरबाष्पच्छेद्यसपुष्प तृणमुखान् वत्सान् व्रजाभिमुखान् विधाय शनैश् चारयन् गायन् नृत्यन् हसन् क्रीडन् दिविचरैर् ब्राह्मणैर् ब्राह्मणैः स्तूयमानः सुमनोभिश् च सुमनोभिर् वृष्यमाणः स्वगृहाय वर्त्म जगृहे ।
ततश् च वत्सावासं यावत् साग्रजमित्रव्रजतया यथाक्रमं विक्रममानस् तत्र च वत्सान् सङ्कृत्य कृतकृत्यतया रममाणस् तल्लावण्यदर्शनेन हर्षमानस् तत् प्राग् एव सर्वैर् व्रजवासिभिर् उपव्रज्यमानः स्नानादिपूर्वकं दिव्यम् अम्बरं वलयमानः शीघ्रम् एव भोजनं भजमानः पुनर् अपि गोदोहनभूमिगमनेन सुखं यजमानस् तत्तन्मातृनामभिर् वत्सान् ह्वयमानः सम्भ्रमतस् तद्गमनव्यतिक्रमात् प्रहासमयमानः प्रदुग्धानि दुग्धानि च तानि किङ्करनिकरेण गृहं हारयमाणः पुनर् आलयम् आगम्य क्षणकतिपयं मातरम् आनन्द्य ताम् अनु विन्दमानश् चन्द्रशालिकां विश्रमाय श्रयमाणः पुनर् सर्वेषाम् अतिहर्षं ववर्ष । प्रस्वाप्य च तं च तं च सा च सा च माता परितः परिजनकुमारान् सन्निधाप्य गृहव्यवहाराय बृहद्धाम जगाम ।
tad evaṁ gatāsu tāsu sāgrajaḥ sa tu duṣparihara-bāṣpa-cchedya-sa-puṣpa- tṛṇa-mukhān vatsān vrajābhimukhān vidhāya śanaiś cārayan gāyan nṛtyan hasan krīḍan divi-carair brāhmaṇair brāhmaṇaiḥ stūyamānaḥ sumanobhiś ca sumanobhir vṛṣyamāṇaḥ svagṛhāya vartma jagṛhe |
tataś ca vatsāvāsaṁ yāvat sāgraja-mitra-vrajatayā yathākramaṁ vikramamānas tatra ca vatsān saṅkṛtya kṛta-kṛtyatayā ramamāṇas tal-lāvaṇya-darśanena harṣamānas tat prāg eva sarvair vraja-vāsibhir upavrajyamānaḥ snānādi-pūrvakaṁ divyam ambaraṁ valayamānaḥ śīghram eva bhojanaṁ bhajamānaḥ punar api go-dohana-bhūmi-gamanena sukhaṁ yajamānas tat-tan-mātṛ-nāmabhir vatsān hvayamānaḥ sambhramatas tad-gamana-vyatikramāt prahāsa-maya-mānaḥ pradugdhāni dugdhāni ca tāni kiṅkara-nikareṇa gṛhaṁ hārayamāṇaḥ punar ālayam āgamya kṣaṇa-katipayaṁ mātaram ānandya tām anu vindamānaś candra-śālikāṁ viśramāya śrayamāṇaḥ punar sarveṣām atiharṣaṁ vavarṣa | prasvāpya ca taṁ ca taṁ ca sā ca sā ca mātā paritaḥ parijana-kumārān sannidhāpya gṛha-vyavahārāya bṛhad-dhāma jagāma |
未能识别诗律
Когда они ушли, Он со старшим братом повернул к Враджу телят, у которых во рту — трава с цветами, которую трудно отнять, и, медленно пася их, распевая, пританцовывая, смеясь, играя, восхваляемый небесными брахманами и осыпаемый цветами богов, пошёл домой. Затем, дойдя со старшим братом и друзьями до стойла телят, загнав их и радуясь сделанному, наслаждаясь, радуясь при виде их прелести, встречаемый ещё раньше всеми жителями Враджа, Он омылся, надел дивную одежду, быстро поел, снова радостно пошёл на место дойки, звал телят по именам их матерей, смеялся над их суетой, велел слугам отнести надоенное молоко домой, снова пришёл домой, миг порадовал мать, поднялся с ней на лунную террасу отдохнуть — и снова пролил на всех дождь великой радости. А мать, уложив каждого спать и поставив вокруг мальчиков-слуг, пошла по домашним делам в большой дом.
055241db9786 · 发布于 2026年9月24日 19:26:30 UTC
可用语言RU用方向键翻颂