अध्ययन-मात्रवतः
adhyayana-mātravataḥ
[Жрецом избирают] ИМЕЮЩЕГО ЛИШЬ НАЧИТАННОСТЬ: там «брахман» — Веда, [а видья — сама бхакти-опыт].
अध्ययन-मात्रवतः ।
तत्र वेदाध्ययन-मात्र-निष्ठस्यैव, न तु ब्रह्मज्ञस्य ब्रह्मत्वेन वरणम् अतः कर्माङ्गत्वं तस्या प्रत्युक्तम् इत्य् अर्थः । तथा हि ब्रह्मिष्ठो ब्रह्मेत्य् अत्र ब्रह्म-शब्दो वेदार्थको, न तु पर-तत्त्वार्थकः, तदात्मकेन नैष्कर्म्य-श्रवणात् । ततश् चाविकृत-शब्द-रूपं वेदं विज्ञाय सर्वदा तद्-अध्ययन-मात्रं यः करोति, न तेन किञ्चिद् इच्छति स ब्रह्मिष्ठ उच्यते, प्रत्ययेनेष्टेनातथार्थ-बोधनाद् इति । ब्रह्म-विदो ब्रह्मत्वेनानुमतिर् अत्र कर्म-स्तुत्य्-अर्थेति केचित् ।
नन्व् अध्ययन-मात्रवतः कर्माधिकारो न तु ज्ञानवत इत्य् उक्तम् । अज्ञानस्य तद्-असम्भवात् अध्ययनस्य चार्थ-बोध-पर्यन्तत्वात् । तथा च वेदान्तर्गतोपनिषत्-सम्भूतात्म-ज्ञानस्यावर्जनीयत्वेन तस्या पुनस् तद्-अङ्गत्वम् इति चेत्, उच्यते—नहि शब्द-ज्ञानिनो ब्रह्म-वित्त्वं, किन्तु तद्-अनुभाविन एव । न च मधु मधुरम् इति शाब्दी-प्रतीतिम् उपेतस् तन्-माधुर्य-विद् भवति । तथा सति मत्ततादि-तत्-कार्योदय-प्रसङ्गात् । न चैवम् अस्ति । अत एव यद् वेत्थ तेन मोपसीदेति पृष्टेन नारदेन ऋग्-वेदादि-स्वाधीतम् उक्त्वा, सोऽहम् मन्त्रविद् एवास्मि नात्मवित् इति निर्दिष्टम् । तथा च शाब्द-ज्ञानाद् अन्यैवोपासना । भक्त्य्-अनुभव-पद-वाच्या विद्या पुरुषार्थ-हेतुः । उक्तं च तैत्तिरीयके—
वेदान्त-विज्ञान-सुनिश्चितार्थाः
सन्न्यास-योगात् यतयः शुद्ध-सत्त्वाः ।
ते ब्रह्म-लोके तु परान्त-काले
परामृतात् परिमुच्यन्ति सर्वे ॥ इति ।
शाब्द-ज्ञानं तु वैराग्यम् इव तत्-परिकर-भूतम् ।
तच् छ्रद्दधाना मुनयो ज्ञान-वैराग्य-युक्तया ।
पश्यन्त्य् आत्मनि चात्मानं भक्त्या श्रुत-गृहीतया ॥ [भा. 1.2.12] इति स्मृतेः ।
ननु काय-वाङ्-मनो-व्यापार-रूपा भक्तिः । तत्र मानसस्य ध्यानस्यानुभवत्वं भवेत् । काय-वाग्-व्यापार-रूपस्यार्चन-जपादेस् तत्त्वं कथम् इति चेद्, उच्यते--ह्लादिनी-सार-समवेत-संविद्-रूपा भक्तिः, सच्चिदानन्दैक-रसे भक्ति-योगे तिष्ठति [गो.ता.उ. 2.78] इति श्रुतेः । इतरथा भगवद्-वशीकार-हेतुर् असौ न स्यात् । तथाभूतायास् तस्या भक्त-कायादि-वृत्तिस् तादात्म्येन आविर्भूताया क्रियाकारात्ववद् अवसेयम् । श्रुतेस् तु शब्द-मूलत्वात् इति न्यायेनालौकिकेऽचिन्त्येऽर्थे तर्कस् तु निराकृतः ॥12॥
adhyayana-mātravataḥ |
tatra vedādhyayana-mātra-niṣṭhasyaiva, na tu brahmajñasya brahmatvena varaṇam ataḥ karmāṅgatvaṁ tasyā pratyuktam ity arthaḥ | tathā hi brahmiṣṭho brahmety atra brahma-śabdo vedārthako, na tu para-tattvārthakaḥ, tadātmakena naiṣkarmya-śravaṇāt | tataś cāvikṛta-śabda-rūpaṁ vedaṁ vijñāya sarvadā tad-adhyayana-mātraṁ yaḥ karoti, na tena kiñcid icchati sa brahmiṣṭha ucyate, pratyayeneṣṭenātathārtha-bodhanād iti | brahma-vido brahmatvenānumatir atra karma-stuty-artheti kecit |
nanv adhyayana-mātravataḥ karmādhikāro na tu jñānavata ity uktam | ajñānasya tad-asambhavāt adhyayanasya cārtha-bodha-paryantatvāt | tathā ca vedāntargatopaniṣat-sambhūtātma-jñānasyāvarjanīyatvena tasyā punas tad-aṅgatvam iti cet, ucyate—nahi śabda-jñānino brahma-vittvaṁ, kintu tad-anubhāvina eva | na ca madhu madhuram iti śābdī-pratītim upetas tan-mādhurya-vid bhavati | tathā sati mattatādi-tat-kāryodaya-prasaṅgāt | na caivam asti | ata eva yad vettha tena mopasīdeti pṛṣṭena nāradena ṛg-vedādi-svādhītam uktvā, so'ham mantravid evāsmi nātmavit iti nirdiṣṭam | tathā ca śābda-jñānād anyaivopāsanā | bhakty-anubhava-pada-vācyā vidyā puruṣārtha-hetuḥ | uktaṁ ca taittirīyake—
vedānta-vijñāna-suniścitārthāḥ
sannyāsa-yogāt yatayaḥ śuddha-sattvāḥ |
te brahma-loke tu parānta-kāle
parāmṛtāt parimucyanti sarve || iti |
śābda-jñānaṁ tu vairāgyam iva tat-parikara-bhūtam |
tac chraddadhānā munayo jñāna-vairāgya-yuktayā |
paśyanty ātmani cātmānaṁ bhaktyā śruta-gṛhītayā || [bhā. 1.2.12] iti smṛteḥ |
nanu kāya-vāṅ-mano-vyāpāra-rūpā bhaktiḥ | tatra mānasasya dhyānasyānubhavatvaṁ bhavet | kāya-vāg-vyāpāra-rūpasyārcana-japādes tattvaṁ katham iti ced, ucyate--hlādinī-sāra-samaveta-saṁvid-rūpā bhaktiḥ, saccidānandaika-rase bhakti-yoge tiṣṭhati [go.tā.u. 2.78] iti śruteḥ | itarathā bhagavad-vaśīkāra-hetur asau na syāt | tathābhūtāyās tasyā bhakta-kāyādi-vṛttis tādātmyena āvirbhūtāyā kriyākārātvavad avaseyam | śrutes tu śabda-mūlatvāt iti nyāyenālaukike'cintye'rthe tarkas tu nirākṛtaḥ ||12||
63c5c7a790c6 · 发布于 2026年7月27日 05:30:26 UTC
可用语言RU用方向键翻颂
«Имеющего лишь изучение».
«Брахмиштху избирают» — там «брахма» значит ВЕДУ: жрецом берут утверждённого ЛИШЬ В ЧТЕНИИ, не брахмавида. Но чтение доводит до смысла — не выйдет ли снова прислужность? Отвечаем: ЗНАТОК СЛОВ — НЕ БРАХМАВИД, но лишь ВКУСИВШИЙ: дошедший до словесного «мёд сладок» не стал ведцом сладости — иначе пьянел бы от слова «хмель». Потому НАРАДА, перечислив читанное, сказал: «Я ЛИШЬ ЗНАТОК МАНТР, НЕ ЗНАТОК АТМАНА». Видья, именуемая ОПЫТОМ БХАКТИ, — причина цели; словесное знание, как и вайрагья, — её свита: «зрят Атмана БХАКТЬЮ, ВЗЯТОЙ ИЗ СЛУШАНИЯ». А как опытом могут быть поклонение и джапа — дела тела и речи? БХАКТИ ЕСТЬ САМВИТ, НАПОЁННЫЙ СОКОМ ХЛАДИНИ («стоит в бхакти-йоге, единовкусой сач-чид-ананде») — иначе ей не быть ПЛЕНИТЕЛЬНИЦЕЙ Бхагавана; явясь ТОЖДЕСТВОМ в членах бхакта, она принимает ВИД ДЕЙСТВИЙ. В непостижимом же довод отставлен: корень — шрути.