शेषत्वात् पुरुषार्थ-वादो यथान्येष्व् इति जैमिनिः
śeṣatvāt puruṣārtha-vādo yathānyeṣv iti jaiminiḥ
[Пурвапакша:] видья — ПРИСЛУГА кармы, и её «плоды» — славословие, как у ложки из парны: так Джаймини.
अत्र जैमिनिः प्रत्यवतिष्ठते—
शेषत्वात् पुरुषार्थ-वादो यथान्येष्व् इति जैमिनिः
इज्यस्य विष्णोर् यजमानस्य स्वस्य च स्वरूप-सम्बन्धौ विज्ञाय तद्-उक्तेषु तद्-आराधनात्मकेषु कर्मसु जीवः स्वयं प्रवर्तते । तैर् असौ निवृत्त-कल्मषोऽदृष्ट-द्वारा स्वर्ग-मोक्ष-रूपं फलं भजतीति विद्यायाः कर्म-शेषत्वात् । तस्यां या फल-श्रुतिः, सा पुरुषार्थ-वादः पुरुष-सम्बन्ध्य्-अर्थ-वादः स्यात् । यथान्येषु द्रव्य-संस्कार-कर्मसु, पर्ण-मयी जुहूर् भवति न स पापं श्लोकं सृणोति [कृ.य.वे. 3.3.5.7], यदाङ्क्ते चक्षुर् एव भ्रातृव्यस्य वृङ्क्ते [कृ.य.वे. 6.6.1.1], यत् प्रयाजानूयाजा इज्यन्ते, वर्म वा एतद्-यज्ञस्य क्रियते वर्म यजमानाय भ्रातृव्याभिभूत्यै [कृ.य.वे. 2.2.6.1] इत्य् एवं-विधा फल-श्रुतिर् अर्थ-वादः, तद्वद् इति जैमिनिर् मन्यते । यद् उक्तं द्रव्य-संस्कार-कर्मसु परार्थत्वात् फल-श्रुतिर् अर्थ-वादः स्याद् इति । यावज्-जीवं गृहि-धर्मान् यज्ञादीन् अनुतिष्ठतः शम-दमाद्य्-उपेतस्य ब्रह्म-प्राप्तिः श्रूयते—आचार्य-कुलाद् वेदम् अधीत्य इत्य् आदिना ब्रह्म-लोकम् अभिसम्पद्यते न च पुनर् आवर्तते [छा.उ. 8.15.1] इत्य् अन्तेन । स्मर्यते च—
वर्णाश्रमाचारवता पुरुषेण परः पुमान् ।
विष्णुर् आराध्यते पन्था नान्यत् तत्-तोष-कारणम् ॥ इति ।
एवम् अन्यच् च । त्याग-वाक्यं तु कर्मानर्ह-पङ्ग्व्-अन्ध-विषयम् इति ॥2॥
atra jaiminiḥ pratyavatiṣṭhate—
śeṣatvāt puruṣārtha-vādo yathānyeṣv iti jaiminiḥ
ijyasya viṣṇor yajamānasya svasya ca svarūpa-sambandhau vijñāya tad-ukteṣu tad-ārādhanātmakeṣu karmasu jīvaḥ svayaṁ pravartate | tair asau nivṛtta-kalmaṣo'dṛṣṭa-dvārā svarga-mokṣa-rūpaṁ phalaṁ bhajatīti vidyāyāḥ karma-śeṣatvāt | tasyāṁ yā phala-śrutiḥ, sā puruṣārtha-vādaḥ puruṣa-sambandhy-artha-vādaḥ syāt | yathānyeṣu dravya-saṁskāra-karmasu, parṇa-mayī juhūr bhavati na sa pāpaṁ ślokaṁ sṛṇoti [kṛ.ya.ve. 3.3.5.7], yadāṅkte cakṣur eva bhrātṛvyasya vṛṅkte [kṛ.ya.ve. 6.6.1.1], yat prayājānūyājā ijyante, varma vā etad-yajñasya kriyate varma yajamānāya bhrātṛvyābhibhūtyai [kṛ.ya.ve. 2.2.6.1] ity evaṁ-vidhā phala-śrutir artha-vādaḥ, tadvad iti jaiminir manyate | yad uktaṁ dravya-saṁskāra-karmasu parārthatvāt phala-śrutir artha-vādaḥ syād iti | yāvaj-jīvaṁ gṛhi-dharmān yajñādīn anutiṣṭhataḥ śama-damādy-upetasya brahma-prāptiḥ śrūyate—ācārya-kulād vedam adhītya ity ādinā brahma-lokam abhisampadyate na ca punar āvartate [chā.u. 8.15.1] ity antena | smaryate ca—
varṇāśramācāravatā puruṣeṇa paraḥ pumān |
viṣṇur ārādhyate panthā nānyat tat-toṣa-kāraṇam || iti |
evam anyac ca | tyāga-vākyaṁ tu karmānarha-paṅgv-andha-viṣayam iti ||2||
5792a88d51ba · 发布于 2026年7月27日 05:30:26 UTC
可用语言RU用方向键翻颂
Тут восстаёт ДЖАЙМИНИ:
«По прислужности [её плоды] — славословие, как в иных: так Джаймини».
Джива, познав [из видьи] Вишну и себя, сам движется в дела почитания; ими, очищенный, через АДРИШТУ вкушает сваргу и мокшу — [значит] видья лишь ПРИСЛУГА КАРМЫ, а шрути о её плодах — СЛАВОСЛОВИЕ: как «ложка из парны — не услышит худой молвы». До конца жизни твори дхармы — «укладом варн-ашрамов Вишну почитаем: иной причины Его довольства нет»; а речения об отречении — про негодных к делу: хромых и слепых.