नीलमणिनेव सकलावयवानाम्, कुरुविन्देनेव बिम्बाधरस्य, कमलरागेणेव पाणिपादस्य, शिखरमणिनेव नखरनिकरस्य निर्माणमिति मत्वा कदाचिन्मणिमयोऽयमिति वा, इन्दीवरेणेव सकलावयवस्य, बन्धूकेनेव बिम्बाधरौष्ठस्य, जपाकुसुमेनेव पाणिपादस्य, मल्लीकोरकेणेव नखरनिकरस्येति कदाचिदयं कुसुममयो वा केनापि निरमायि, “न ममायं तनुजः” इत्यसम्भावनया वितर्कयन्ती, वक्षसि दक्षिणभागे मृणालतन्तुक्षोदसोदरसुभगसुस्निग्धश्रीवत्साख्यरोमराजिलक्ष्म लक्षयित्वा स्तनरसकणनिपातविन्यासविशेषोऽयमिति पुनरपि मृदुतरचीनसिचयाञ्चलेनापसारयन्ती यदा तन्नापसरति, तदा किमपीदं महापुरुषलक्षणमिति चिन्तयन्ती, पुनरपि वक्षसो वामभागे लक्ष्मरूपां लक्ष्मीमालोक्य तनुतरपीतविहङ्गिकापोतेन कृतावासं तमालपल्लवमेवेदं सहजातयैव विद्युत्कलिकया कलितो जलधराङ्कुर एवायमिति कनकरेखया रञ्जितं निकषपाषाणशकलमेवेदमिति पुनर्निभालयन्ती कदाचिदरुणतरकरचरणपल्लवतया चतुःपञ्चारुणकमलकोषं यमुनातरङ्गमिव मन्यमाना, सद्यो मकरन्दसन्दोहातिपानमदातिशयेन भ्रमणासमर्थतया निश्चलं मधुकरनिकरमिव कुटिलकचकलापम्, प्रतिक्षणनवान्धतमसाङ्कुरानिवालकप्रकरान्, मुकुलितनीलोत्पले इव लोचने, द्रुततरनीलमणिजलमहाबुद्बुदायमानं गण्डयुगलम्, श्याममहोलतिकायाः प्रत्यग्रोन्मिषितपल्लवयुगमिव श्रवणयुगलम्, तिमिरद्रुमाङ्कुरायमाणं नासिकाशिखरम्, तरणितनयातनुबुद्बुदायमानं नासापुटकम्, द्विदलजवाकोरकायमाणमोष्ठाधरम्, परिपक्वस्तोकतरयमलजम्बूफलायमानं चिबुकमपि निरूप्य परिणतमिव मे नयननिर्माणफलमिति मन्यमाना स्नातमिवानन्दजलनिधावियमात्मानं विदाञ्चकार ॥16॥
nīlamaṇineva sakalāvayavānām, kuruvindeneva bimbādharasya, kamalarāgeṇeva pāṇipādasya, śikharamaṇineva nakharanikarasya nirmāṇamiti matvā kadācinmaṇimayo'yamiti vā, indīvareṇeva sakalāvayavasya, bandhūkeneva bimbādharauṣṭhasya, japākusumeneva pāṇipādasya, mallīkorakeṇeva nakharanikarasyeti kadācidayaṁ kusumamayo vā kenāpi niramāyi, “na mamāyaṁ tanujaḥ” ityasambhāvanayā vitarkayantī, vakṣasi dakṣiṇabhāge mṛṇālatantukṣoda-sodara-subhaga-susnigdha-śrīvatsākhya-romarājilakṣma lakṣayitvā stana-rasa-kaṇa-nipāta-vinyāsaviśeṣo'yamiti punarapi mṛdutara-cīnasicayāñcalenāpasārayantī yadā tannāpasarati, tadā kimapīdaṁ mahāpuruṣalakṣaṇamiti cintayantī, punarapi vakṣaso vāmabhāge lakṣmarūpāṁ lakṣmīmālokya tanutarapītavihaṅgikāpotena kṛtāvāsaṁ tamālapallavamevedaṁ sahajātayaiva vidyutkalikayā kalito jaladharāṅkura evāyamiti kanakarekhayā rañjitaṁ nikaṣapāṣāṇaśakalamevedamiti punarnibhālayantī kadācidaruṇatarakaracaraṇapallavatayā catuḥpañcāruṇa-kamalakoṣaṁ yamunātaraṅgamiva manyamānā, sadyo makaranda-sandohātipānamadātiśayena bhramaṇāsamarthatayā niścalaṁ madhukaranikaramiva kuṭila-kacakalāpam, pratikṣaṇanavāndhatamasāṅkurānivālakaprakarān, mukulitanīlotpale iva locane, drutataranīlamaṇijalamahābudbudāyamānaṁ gaṇḍayugalam, śyāmamaholatikāyāḥ pratyagronmiṣitapallavayugamiva śravaṇayugalam, timiradrumāṅkurāyamāṇaṁ nāsikāśikharam, taraṇitanayātanubudbudāyamānaṁ nāsāpuṭakam, dvidalajavākorakāyamāṇamoṣṭhādharam, paripakvastokatara-yamala-jambū-phalāyamānaṁ cibukamapi nirūpya pariṇatamiva me nayananirmāṇaphalamiti manyamānā snātamivānandajalanidhāviyamātmānaṁ vidāñcakāra ||16||
Она то думала, что Он сделан из самоцветов — все члены из сапфира, губы-бимба из рубина, ладони и стопы из лалов, ногти из алмазов; то — что кто-то сотворил Его из цветов: все члены из синего лотоса, губы из бандхуки, ладони и стопы из гибискуса, ногти из бутонов жасмина; и в неверии гадала: «Не мой это сын!» На правой стороне груди она заметила знак — нежную прелестную полоску волосков, подобную пыльце лотосового волокна, по имени Шриватса; решив, что это капля молока, стала стирать её краем тончайшего шёлка, а когда та не стёрлась, подумала: «Это, верно, какой-то знак великого человека». На левой стороне груди она увидела Лакшми в виде знака и подумала: то ли это побег тамалы, где поселилась крошечная жёлтая птичка, то ли росток тучи, украшенный родившейся вместе с ним молнией, то ли обломок пробного камня с золотой чертой. Она разглядывала Его снова и снова: алые побеги ладоней и стоп казались ей четырьмя-пятью алыми бутонами лотоса на волне Ямуны; вьющиеся волосы — неподвижным роем пчёл, опьяневших от нектара и неспособных летать; кудри — ростками вечно новой тьмы; глаза — сомкнутыми синими лотосами; щёки — большими пузырями расплавленного сапфира; уши — двумя свежими побегами тёмной лианы сияния; кончик носа — ростком дерева тьмы; ноздри — пузырьками на теле дочери Солнца; губы — двумя лепестками бутона гибискуса; подбородок — двумя крошечными спелыми плодами джамбу. Считая это плодом, ради которого созданы её глаза, она почувствовала, что омыта в океане блаженства.
490541497f55 · published Sep 28, 2026, 10:32:50 PM UTC
Available inRUPage between verses with
Яшода рассматривает сына, как рассматривают первенца, и находит в нём знаки Вишну — Шриватсу и Лакшми на груди, — но толкует их по-матерински: пятнышко молока, птичка на ветке. Её незнание божественности — и есть её любовь.